Page Text
________________
नाणासंठाणसंठिए पन्नत्ते, बेइंदियाणं भंते कति इंदिया पन्नत्ता गोयमा दो इंदिया० जिभिदिए य फासिदिए य दोण्हं पि इंदियाणं संठाणं बाहल्लं पोहत्तं पदेसा ओगाहणा य जहा- ओहियाणं मणिया तहा भाणियव्वा नवरं-फासेंदिए हंडसंठाणसंठिए पन्नत्ते त्ति इमो विसेसो एतेसि णं भंते पय-१५
बेइंदियाणं जिभिदिएफासेंदियाणं ओगाहणट्ठयाए पएसट्ठयाए ओगाहण-पएसट्टयाए कतरे कतरेहिंतो अप्पा वा० गोयमा सव्वत्थोवे बेइंदियाणं जिभिदिए ओगाहणट्ठयाए फासेंदिए ओगाहणट्ठयाए संखेज्जगणे पएसट्ठयाए-सव्वत्थोवे बेइंदियाणं जिन्भिदिए पएसट्ठयाए फासेंदिए पएसट्ठयाए संखेज्जगुणे, ओगाहणपएसट्टयाए-सव्वत्थोवे बेइंदियस्स जिब्भिदिए ओगाहणट्ठयाए, फासिंदिए ओगाहणट्ठयाए संखेज्जगुणे फासेंदियस्स गाहणट्ठयाएहितो जिब्भिंदिए पएसट्ठयाए अनंतगुणे, फासिदिए पएसट्ठयाए संखेज्जगुणे, बेइंदियाणं भंते जिब्भिंदियस्स केवइया कक्खडगरुयगुणा पन्नत्ता गोयमा अनंता एवं फासेंदियस्स वि एवं मउयलयगुणा वि, एतेसि णं भंते बेइंदियाणं जिब्भिंदिय-फासेंदियाणं कक्खडगरुयगुणाणं मउयलयगुणाणं कक्खडगरुयगण-मउयलहयगणाण य कतरे कतरेहिंतो अप्पा० गोयमा सव्वत्थोवा बेइंदियाणं जिब्भिदियस्स कक्खडगरुयगुणा, फासेंदियस्स कक्खडगरु-यगुणा अनंतगुणा, फासेंदियस्सकक्खडगरुयगुणेहिंतो तस्स चेवमउयलयगुणा अनंतगुणा, जिभिंदियस्स मउयल-हयगुणा अनंतगुणा एवं जाव चरिंदिय त्ति नवरंइंदियपरिवुड्ढी कायव्वा तेइंदियाणं धाणेदिए थोवे चरिंदियाणं चक्खिंदिए थोवे, सेसं तं चेव पंचिंदियतिरिक्खजोणियाणं मणूसाणं य जहा- नेरइयाणं नवरं-फासिंदिए छव्विसंठाणसंठिए पन्नत्ते तं जहा- समचउरंसे नग्गहोपरिमंडले सादी खुज्जेवामणे हुंडे, वाणमंतर-जोइसिय-वेमाणियाणं जहाअसुरकुमाराणं ।
[४२४] पुट्ठाइं भंते सद्दाइं सुणेइ अपुट्ठाइ सद्दाइं सुणेइ गोयमा पुट्ठाइं सद्दाइं सुणेइ नो अपुट्ठाइं सद्दाई सुणेइ, पुट्ठाइं भंते रूवाइं पासाति अपट्ठाई रूवाइं पासति गोयमा नो पढाई रुवाई पासति अपुट्ठाइं रूवाइं पासति, पुट्ठाइं भंते गंधाइं अग्धाति अपुट्ठाइं गंधाइं अग्धाति गोयमा पुट्ठाई गंधाइं अग्घाति नो अपुट्ठाई गंधाई अग्घाति, एवं रसाणवि फासाणवि नवरं-रसाइं अस्साएइ फासाइं पडिसंवेदेति त्ति अभिलावो कायव्वो पविट्ठाइं भंते सद्दाइं सुणेति अपविट्ठाइं सद्दाइं सुणेति गोयमा पविट्ठाइं सद्दाइं सुणेति नो अपविट्ठाइं सद्दाइं सुणेति एवं जहा- पुढाणि तहा पविट्ठाणि ।
[४२५] सोइंदियस्स णं भंते केवतिए विसए पन्नत्ते गोयमा जहन्नेणं अंगुलस्स असंखेज्जतिभागाओ उक्कोसेणं बारसहिं जोयणेहिंतो अच्छिण्णे पोग्गले पुढे पविट्ठाई सद्दाइं सुणेति, चक्खिंदियस्स णं भंते केवतिए विसए पन्नत्ते गोयमा जहन्नेणं अंगलस्स संखेज्जतिभागाओ उक्कोसेणं सातिरेगाओ जोयणसयसहस्साओ अच्छिण्णे पोग्गले अपुढे अपविट्ठाई रूवाइं पासति घाणिंदियस्स पुच्छा गोयमा जहन्नेणं अंगुलस्स असंखेज्जतिभागातो उक्कोसेणं नवहिं जोयणेहिंतो अच्छिण्णे पोग्गले पुढे पविट्ठाइं गंधाइं अग्धाति एवं जिब्भिंदियस्स वि फासिंदियस्स वि ।
[४२६] अणगारस्स णं भंते भाविअप्पाणो मारणंतियसमुग्धाएणं समोहयस्स जे चरिमा निज्जरापोग्गला सुहमा णं ते पोग्गला पन्नत्ता समणाउसो सव्वलोगं पि य णं ते ओगाहित्ता णं चिट्ठति हंता गोयमा अणगारस्स णं भाविअप्पणो मारणंतियसमग्धाएणं समोहयस्स जे चरिमा निज्जरापोग्गला सुहमा णं ते पोग्गला पन्नत्ता समणाउसो सव्वलोगं पि य णं ते ओगाहित्ता णं चिटुंति, छउमत्थे णं भंते मणूसे तेसिं निज्जरापोग्गलाणं कि आणत्तं वा नाणत्तं वा ओमत्तं वा तुच्छत्तं वा गरुयत्तं वा लहयत्तं
दीपरत्नसागर संशोधितः]
[112]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |