Page Text
________________
पन्नत्ता गोयमा अनंता कक्खडगरुयगुणा पन्नत्ता एवं जाव फासिंदियस्स सोइंदियस्स णं भंते केवतिया मउयलहुयगुणा पन्नत्ता गोयमा अनंता मउयलहुयगुणा एवं जाव फासिंदियस्स, एएसि णं भंते सोइंदियजाव फासिंदियाणं कक्खडगरुयगुणाणं मउयलहुयगुणाणं कक्खडगरुयगुणमउयलहुयगुणाण य कतरे कतरे
पय- १५
हिंतो अप्पा वा जाव वा विसेसाहिया वा गोयमा सव्वत्थोवा चक्खिंदियस्स कक्खडगरुयगुणा, सोइंदियस्स कक्खडगरुयगुणाअनंतगुणा, धाणिदियस्स कक्खडगरुयगुणाअनंतगुणा, जिब्भिंदियस्स कक्खडगरुयगुणाअनंतगुणा, फासिंदियस्स कक्खडगरुयगुणाअनंतगुणा मउयलहुयगुणाणं सव्वत्थोवा फासिंदियस्समउयलहुयगुणा, जिब्भिंदियस्स मउयलहुयगुणाअनंतगुणा धाणिंदियस्स मउयलहुयगुणा अनंतगुणा सोइंदियस्स मउयलहुयगुणा अनंतगुणा चक्खिंदियस्स मउयलहुयगुणाअनंतगुणा कक्खडगरुयगुणाणं मउयलहुयगुणाण य सव्वत्थोवा चक्खिंदियस्स कक्खडगरुयगुणा सोइंदियस्स कक्खडगरुयगुणा अनंतगुणा घाणिदियस्स कक्खडगरुयगुणा अनंतगुणा जिब्भिंदियस्स कक्खडगरुयगुणा अनंतगुणा फासिंदियस्स कक्खडगरुयगुणा अनंतगुणा फासिंदियस्स कक्खडगरुयगुणेहिंतो तस्स चेव मउयलहुयगुणा अनंतगुणा जिब्भिंदियस्स मउयलहुयगुणा अनंतगुणा एवं चेव धाणिदियस्स सोइंदियस्स अनंतगुणआ चक्खिंदियस्स मउयलहुयगुणा वि अनंतगुणा ।
[४२३] नेरइयाणं भंते कति इंदिया पन्नत्ता गोयमा पंचेदिया पन्नत्ता तं जहा- सोइंदिए जाव फासिंदिए नेरइयाणं भंते सोइंदिए किसंठिए पन्नत्ते गोयमा कलंबुयासंठाणसंठिए पन्नत्ते एवं जहाओहियाणं वत्तव्वया भणिया तहेव नेरइयाणं पि जाव अप्पाबहुयाणि दोण्णि वि नवरं - नेरइयाणं भंते फासिंदिए किसंठिए पन्नत्ते गोयमा दुविहे पन्नत्ते तं जहा- भवधारणिज्जे य उत्तरवेउव्विए य तत्थ णं जेसे भवधारणिज्जे से णं हुंडसंठाणसंठिए पन्नत्ते तत्थ णं जेसे उत्तरवेउव्विए से वि तहेव सेसं तं चेव, असुरकुमाराणं भंते कति इंदिया पन्नत्ता गोयमा पंचेंदिया पन्नत्ता एवं जहा- हियाणं जाव अप्पाबहुयाणि दोण्णि वि नवरं फासेंदिए दुविहे पन्नत्ते तं जहा- भवधारणिज्जे य उत्तरवेउव्विए य तत्थ णं जेसे भवणदारणिज्जे से णं समचउरंससंठाणसंठिए पन्नत्ते तत्थ णं जेसे उत्तरवेउव्विए से णं नाणासंठाणसंठिए पन्नत्ते सेसं तं चेव एवं जाव थणियकुमाराणं, पुढविकाइयाणं भंते कति इंदिया पन्नत्ता गोयमा एगे फासिंदिए० पुढविकाइयाणं भंते फासिंदिए किंसंठिए पन्नत्ते गोयमा मसूरचंदसंठाणसंठिए० पुढविकाइयाणं भंते फासिंदिए केवतियं बाहल्लेणं पन्नत्ते गोयमा अंगुलस्स असंखेज्जइभागं॰ पुढविकाइयाणं भंते फासिंदिए केवतियं पोहत्तेणं पन्नतते गोयमा सरीरपमाणमेत्ते० पुढविकाइ-याणं भंते फासिंदिए कतिपएसिए पन्नत्ते गोयमा अनंतपएसिए पुढविकाइयाणं भंते फासिंदि कतिपएसोगाढे पन्नत्ते गोयमा असंखेज्जपएसोगाढे, एतेसि णं भंते पुढविकाइयाणं फासिंदियस्स ओगाहणपएसट्टयाए कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवे पुढविकाइयाणं फासिंदिए ओगाहणट्ठयाए, से चेव परसट्टयाए अनंतगुणे, पुढविकाइयाणं भंते फासिंदियस्स केवतिया कक्खडगरुयगुणा पन्नत्ता गोयमा अनंता एवं मउयलहुयगुणा वि एतेसि णं भंते पुढविकाइया फासेंदियस्स कक्खडगरुयगुण-मउयलहुयगुणाणं कतरे कतरेहिंतो अप्पा वा० गोयमा सव्वत्थोवा पुढविकाइयाणं फार्सेदियस्स कक्खडगरुयगुणा, तस्स चेव मउयलहुयगुणा अनंतगुणा एवं आउक्काइयाणं वि जाव वणस्सइकाइयाणं नवरं संठाणे इमो विसेसो दट्ठव्वो-आउक्काइयाणं थिबुगबिंदुसंठाणसंठिए पन्नत्ते तेउक्काइयाणं सूईकलावसंठाणसंठिए पन्नत्ते वाउक्काइयाणं पडागासंठाण - संठिए पन्नत्ते वणप्फइकाइयामं [दीपरत्नसागर संशोधितः ]
[111]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |