Page Text
________________
परिहारविसुद्धियचरित्तपरिणामे सुहमसंपरायचरित्तपरिणामे अहक्खायचरित्त- परिणामे वेयपरिणामे णं पुच्छा गोयमा तिविहे पन्नत्ते तं जहा पय-१३
इत्थिवेयपरिणामे परिसवेयपरिणामे नपंसगवेयपरिणामे |
नेरइया गतिपरिणामेणं निरयगतिया, इंदियपरिणामेणं पंचिंदिया कसायपरिणामेणं कोहकसाई वि जाव लोभकसाई वि, लेस्सापरिणामेणं कण्हलेस्सा वि जाव काउलेस्सा वि जोगपरिणामेणं मणजोगी वि जाव कायजोगी वि उवओगपरिणाणेणं सागरोवउत्ता वि अणागारोवउत्ता वि नाणपरिणामेणं आभिणिबोहियनाणी वि जाव ओहिनाणी वि अन्नाणपरिणामेणं मतिअण्णाणी वि जाव विभंगनाणी वि दंसणपरिणामेणं सम्मद्धिट्ठी वि जाव सम्ममिच्छद्दिट्ठी वि चरित्तपरिणामेणं नो चरित्ती नो चरित्ताचरित्ती अचरित्ती वेदपरिणामेणं नो इत्थिवेदगा नो पुरिसवेदगा नपुंसगवेदगा, ।
असुरकुमारा वि एवं चेव नवरं-देवगतिया कण्हलेसा वि जाव तेउलेसा वि वेदपरिणामेणं थवेयगा वि परिसवेयगा वि नो नपंसगवेदगा सेसं तं चेव एवं जाव थणियकमारा, पढविकाइया गतिपरिणामेणं तिरियगतिया, इंदियपरिणामेणं एगिंदिया सेसं जहा- नेरइयाणं नवरं-लेस्सापरिणामेणं तेउलेस्सावि जोगपरिणामेणं कायजोगी, नाणपरिणामो नत्थि, अन्नाणपरिणामेणं मतिअन्नाणी वि यअन्नाणी वि दंसणपरिणामेणं मिच्छद्दिट्ठी सेसं तं चेव एवं आउ-वणप्फइकाइया वि तेऊ एवं चेव नवरंलेस्सापरिणामेणं जहा- नेरइया, बेइंदिया गतिपरिणामेणं तिरियगतिया इंदियपरिणामेणं बेइंदिया सेसं जहानेरइयाणं नवरं-जोगपरिणामेणं वइयोगी वि काययोगी वि, नाणपरिणामेणं आभिणिबोहियनाणी वि सुयनाणी वि अन्नाणपरिणामेणं मतिअन्नाणी वि सुयअन्नाणी वि नो विभंगनाणी दंसणपरिणामेणं सम्मद्दिट्ठी वि मिच्छदिट्ठी वि नो सम्ममिच्छदिट्ठी सेसं तं चेव एवं जाव चउरिंदिया नवरं-इंदियपरिवूड्ढी कायव्वा, पंचेंदियतिरिक्खजोणिया गतिपरिणामेणं तिरियगतिया सेसं जहा- नेरइयाणं नवरं-लेस्सापरिणामेणं जाव सुक्कलेस्सा वि चरित्तपरिणामेणं नो चरित्ती अचरित्ती वि चरित्ताचरित्ती वि वेदपरिणामेणं इत्थीवेदगा वि परिसवेदगा वि नपुंसगवेदगा वि मणुस्सा गतिपरिणामेणं मण्यगतिया
इंदिय परिणामेणं पंचेंदिया अणिंदिया वि कसायपरिणामेणंकोहकसाई वि जाव अकसाई वि लेस्सापरिणामेणं जहा- नेरइया नाणपरिणामेणं आभिणिबोहियनाणी वि जाव केवलनाणीवि अण्णाण परिणामेणं तिण्णि वि अन्नाणा दंसणपरिणामेणं तिण्णि वि दंसणा चरित्तपरिणामेणं चरित्ती वि अचरित्ती वि चरित्ताचरित्ती वि वेदपरिणामेणं इत्थिवेदगा जाव अवेदगा वि वाणमंतरा गतिपरिणामेणं देवगइया जहा- असुरकुमारा एवं जोतिसिया वि नवरं-लेस्सापरिणामेणं तेउलेस्सा वेमाणिया वि एवं चेव नवरं-लेस्सापरिणामेणं तेउलेल्सा वि जाव सुक्कलेस्सा वि से त्तं जीवपरिणामे |
___ [४०८] अजीवपरिणामे णं भंते कतिविहे पन्नत्ते गोयमा दसविहे पन्नत्ते तंजहाबंधणपरिणामे गतिपरिणामे संठाणपरिणामे भेदपरिणामे वण्णपरिणामे गंधपरिणामे रसपरिणामे फासपरिणामे अगरुयलहुपरिणामे सद्दपरिणामे ।
[४०९] बंधणपरिणामे णं भंते कतिविहे पन्नत्ते गोयमा दुविहे पन्नत्ते तं जहानिद्धबंधणपरिणामे लुक्खबंधणपरिणामे ।
___ [४१०] समणिद्धयाए बंधो ण होति समलुक्खयाए वि ण होती ।
वेमायणिद्ध-लुक्खत्तणेणं बंधो उ खंधाणं ।
दीपरत्नसागर संशोधितः]
[108]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |