Page Text
________________
[४११] निद्धस्स निद्धेण दुयाहिएणं लुक्खस्स लुक्खेण दुयाहिएणं ।
निद्धस्स लुक्खेण उवेइ बंधो जहण्णवज्जो विसमो समो वा ।
पय-१३
[४१२] गतिपरिणामे णं भंते कतिविहे पन्नत्ते गोयमा दुविहे० फुसमाणगतिपरिणामे य अफसमाणगतिपरिणामे य अहवा दीहगइपरिणामे य हस्सगइपरिणामे य संठाणपरिणामे णं पच्छा गोयमा पंचविहे. परिमंडलसंठाणपरिणामे जाव आयसंठाणपरिणामे भेयपरिणामे णं पच्छा गोयमा पंचविहे णं पुच्छा खंडाभेदपरिणामे जाव उक्करियाभेदपरिणामे वण्णपरिणामे णं पुच्छा गोयमा पंचविहे. कालवण्णपरिणामे जाव सुक्किलवण्णपरिणामे, गंधपरिणामे णं० गोयमा दुविहे सुब्भिगंधपरिणामे य दुब्भिगंधपरिणामे य, रसपरिणामे णं पुच्छा गोयमा पंचविहे. तित्तरसपरिणामे जाव महररसपरिणामे, फासपरिणामे णं पुच्छा गोयमा अट्ठविहे. कक्खडफासपरिणामे जाव लुक्खफासपरिणामे व अगरुयलहयपरिणामे णं पच्छा गोयमा एगागारे पन्नत्ते, सद्दपरिणामे णं पच्छा गोयमा विहे पन्नत्ते तं जहा- सुब्भिसद्दपरिणामे य दुब्भिसद्दपरिणामे य से त्तं अजीवपरिणामे । मुनि दीपरत्नसागरेण संसोधितः संपादितश्च तेरसमं पयं समत्तं
॥ चोद्दसमं कसायपयं ।। [४१३] कति णं भंते कसाया पन्नत्ता गोयमा चत्तारि कसाया पन्नत्ता तं जहाकोहकसाए मानकसाए मायाकसाए लोभकसाए, नेरइयाणं भंते कति कसाया पन्नत्ता गोयमा चत्तारि कसाया पन्नत्ता तं जहा- कोहकसाए जाव लोभकसाए एवं जाव वेमाणियाणं ।
[४१४] कतिपतिट्ठिए णं भंते कोहे पन्नत्ते गोयमा चउपतिट्ठिए कोहे पन्नत्ते तं जहाआयपतिट्ठिए परपतिट्ठिए तद्भयपतिट्ठिए अप्पतिट्ठिए एवं नेरइयाणं जाव वेमाणियाणं दंडओ, एवं माणेणं दंडओ मायाए दंडओ लोभेणं दंडओ कतिहि णं भंते ठाणेविहे कोहप्पत्ती भवति गोयमा चउहिं ठाणेहिं कोहप्पत्ती भवति तं जहा- खेत्तं पडुच्च वत्थं पडुच्च सरीरं पडुच्च उवहिं पडुच्च एवं नेरइयाणं जाव वेमाणियाणं एवं माणेण वि मायाए वि लोभेण वि एवं एते वि चत्तारि दंडगा ।
[४१५] कतिविहे णं भंते कोहे पन्नत्ते गोयमा चउव्विहे कोहे पन्नत्ते तं जहाअनंताणुबंधी कोहे अप्पच्चखाणेकोहे पच्चक्खाणावरणेकोहे संजलणेकोहे एवं नेरइयाणं जाव वेमाणियाणं एवं माणेणं मायाए लोभेणं एए वि चत्तारि दंडगा ।
[४१६] कतिविहे णं भंते कोहे० गोयमा चउव्विहेकोहे० आभोगणिव्वत्तिए अणाभोगणिव्वत्तिए उवसंते अनुवसंते एवं नेरइयाणं जाव वेमाणियाणं एवं माणेण वि जाव चत्तारि दंडगा
[४१७] जीवा णं भंते कतिहिं ठाणेहिं अट्ठ कम्मपगडीओ चिणिंसु गोयमा चउहिं ठाणेहिं० चिणिंस् तं जहा- कोहेणं जाव लोभेणं एवं नेरइयाणंजाव वेमाणियाणं जीवा णं भंते कतिहिं ठाणेहिं अट्ठ कम्मपगडीओ चिणंति गोयमा चउहिं ठाणेहिं तं जहा- कोहेणं जाव लोभेणं एवं नेरइया जाव वेमाणिया, जीवा णं भंते कतिहिं ठाणेहिं अट्ठ कम्मपगडीओ चिणिस्संति गोयमा चउहिं ठाणेहिं० तं जहा- कोहेणं जाव लोभेणं एवं नेरइया जाव वेमाणिया, जीवा णं भंते कतिहिं ठाणेहिं अट्ठ कम्मपगडीओ उवचिणिंसु गोयमा चउहिं ठाणेहिं० तं जहा- कोहेणं जाव लोभेणं एवं नेरइया जाव वेमाणिया जीवा णं भंते पुच्छा गोयमा
दीपरत्नसागर संशोधितः]
[109]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |