Page Text
________________
[४०३] असुरकुमाराणं भंते केवतिया ओरालियसरीरा० गोयमा जहा- नेरइयाणं ओरालिया भणिया तहेव एतेसिं पि भाणियव्वा असुरकुमाराणं भंते केवतिया वेउव्वियसरीरा० गोयमा दुविहा० बद्धे लगा य मुक्केल्लगाय तत्थ णं जेते बद्धेल्लगा ते णं असंखेज्जा असंखेज्जाहिं उस्सप्पिणिओसप्पिणीहिं अवहीरंति कालओ, खेत्तओ असंखेज्जाओ सेढीओ पतरस्स असंखेज्जतिभागो तासि णं सेढीणं विक्खंभसूईं अंगुलपढमवग्गमूलस्स संखेज्जतिभागो तत्थ णं जेते मुक्केल्लया ते णं जहा ओरालियस्स मुक्केल्लगा तहा भाणियव्वा आहारयसरीरा जहा- एतेसि णं चेव ओरालिया तव दुि भाणियव्वा तेया-कम्मसरीरा दुविहा विजहा- एतेसि णं चेव वेउव्विया एवं जाव थणियकुमारा ।
[४०४] पुढविकाइयाणं भंते केवतिया ओरालियसरीरगा पन्नत्ता गोयमा दुविहा पन्नत्ता तं जहा- बद्धेल्लया य मुक्केल्लया य तत्थ णं जेते बद्धेल्लगा ते णं संखेज्जा असंखेज्जाहि उस्सप्पिणिओसप्पिणीहिं अवहीरंति कालतो, खेत्तओ असंखेज्जा लोगा तत्थ णं जेते मुक्केल्लगा ते णं अनंता अनंताहिं उस्सप्पिणिओसप्पिणीहिं अवहीरंति कालओ, खेत्तओ अनंता लोगा अभवसिद्धिएहिंतो अनंतगुणा सिद्धाणं अनंतभागो, पुढविकाइयाणं भंते केवतिया वेउव्वियसरीरया पन्नत्ता गोमा दुव पन्नत्ता तं जहा- बद्धेल्लगा य मुक्केल्लगा य त्तथ णं जेते बद्धेल्लगाते णं तनत्थि तत्थ णं जेते णुक्केल्लगा ते णं जहा एतेसिं चेव ओरालिया भणिया तहेव भाणियव्वा एवं आहारगसरीरा वि तेयाकम्मगा जहा - एतेसिं चेव ओरालिया, एवं आउक्काइया तेउक्काइया वि, वाउक्काइयाणं भंते केवतिया ओरालियसरीरा पन्नत्ता गोयमा दुविहा० बद्धेल्लगा य मुक्केल्लगा य दुविहा वि जहा- पुढविकाइयाणं ओरालिया, वेउव्वियाणं पुच्छा गोयमादुविहा० बद्धेल्लगा य मुक्केल्लगा य तत्थ णं जेते बद्धेल्लगा ते णं असंखेज्जा समए - समए अवहीरमाणा-अवहीरमाणा पलिओवमस्स असंखेज्जतिभागमेत्तेणं कालेणं अवहीरंतिनो चेव णं अवहिया सिया मुक्केल्लया जहा- पुढविक्काइयाणं, आहारय-तेय-कम्मा जहापुढविकाइयाणं तहा भाणियव्वा, वणप्फइकाइयाणं जहा- पुढविकाइयाणं नवरं तेया- कम्मगा जहा - ओहिया तेया-कम्मगा, बेइंदियाणं भंते केवतिया ओरालियसरीरा पन्नत्ता गोयमा दुविहा० बद्धेल्लगा य मुक्केल्लगा य तत्थ णं जेते बद्धेल्लगा ते णं असंखेज्जा असंखेज्जाहिं उस्सप्पिणी-ओसप्पिणीहिंअवहीरंतिकालओ, खेत्तओ असंखेज्जाओ सेढीओपयरस्स असंखेज्जतिभागो तासि णं सेढीणं विक्खंभसूई असंखेज्जाओ जोयणकोडाकोडीओ असंखेज्जाई सेढिवग्गमूलाई बेइंदियाणं ओरालियसीररेहिं बद्धेल्लगेहिं पयरो अवहरति असंखेज्जाहिं उस्सप्पिणि-ओसप्पिणीहिं कालओ खेत्तओ अंगुलपयरस्स आवलिया य असंखेज्जतिभागपलिभागेणं तत्थ णं जेते मुक्केल्लगा जहा - ओहिया ओरालिया मुक्केल्लया, तेया-कम्मगा जहा- एतेसिं चेव ओहिया ओरालिया एवं जाव चउरिंदिया, पंचेंदियतिरिक्खजोणियाणं एवं चेव नवरंवेउव्वियसरीरएसुं इमो विसेसो-पंचेंदियतिरिक्खजोणियाणं भंते केवतिया वेउव्वियसरीरया पन्नत्ता गोयमा दुविहा० बद्धेल्लगा य मुक्केल्लगा य तत्थ णं जेते बद्धेल्लगा ते णं असंखेज्जा जहा - असुरकुमाराणं नवरंतासि णं सेढीणं विक्खंभसूई अंगुलपढमवग्गमूलस्स असंखेज्जतिभागो मुक्केल्लगा तहेव ।
मणुस्साणं भंते केवतिया ओरालियसरीरा पन्नत्ता गोयमा दुविहा० बद्धेल्लगा य मुक्के लगा य तत्थ णं जेते बद्धेल्लगा ते णं सिय संखेज्जा सिय असंखेज्जा जहण्णपए संखेज्जसंखेज्जाओ कोडाकोडीओ तिजमलयपस्स उवरिं चउजमलपयस्स हेट्ठा अहव णं छट्टो यग्गो पंचमवग्गपडुप्पण्णो अहव णं छण्णउईछेणगदाई रासी उक्कोसपदे असंखेज्जा असंखेज्जाहिं उस्सप्पिणीओस्सप्पिणीहिं
[दीपरत्नसागर संशोधितः ]
[106]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |