Page Text
________________
कम्मए, नेरइयाणं भंते कति सरीरया पन्नत्ता गोयमा तओ सरीरया० वेउव्विए तेयए कम्मे एवं असुरकुमाराणं वि जाव थणियकुमाराणं, पुढविक्काइयाणं भंते कति सरीरया पन्नत्ता गोयमा तओ सरीरया० ओरालिए तेयए कम्मए एवं वाउक्काइयवज्जं जाव चउरिंदियाणं, वाउक्काइयाणं भंते कति सरीरया पन्नत्ता गोयमा चत्तारि सरीरया० ओरालिए वेठव्विए तेयए कम्मए एवं पंचंदियतिरिक्खजोणियाण वि मणुस्साणं भंते कति सरीरया पन्नत्ता गोयमा पंच सरीरया० ओरालिए वेउव्विए आहारए तेयए कम्मए वाणमंतर-जोतिसिय-वेमाणियाणं जहा नारगाणं |
[४०१] केवतिया णं भंते ओरालियसरीरया पन्नत्ता गोयमा दुविहा पन्नत्ता तं जहाबद्धेल्लया य मुक्केल्लया य, तत्थ णं जेते बद्धेल्लया ते णं असंखेज्जगा असंखेज्जाहिं उस्सप्पिणिओसप्पिणीहिं अवहीरंति कालओ खेत्तओ असंखेज्जा लोगा तत्थ णं जेते मुक्केल्लया ते णं अनंता अनंताहि उस्सप्पिणि-ओसप्पिणीहिं अवहीरंति कालओ खेत्तओ अनंता लोगा दव्वओ अभवसिद्धिएहितो अनंतगुणा सिद्धाणं अनंतभागो, केवतिया णं भंते वेठव्वियसरीरया पन्नत्ता गोयमा दुविहा पन्नत्ता तं जहा- बद्धेल्लया य मुक्केल्लया य तत्थ णं जेते बद्धेल्लगा ते णं असंखेज्जा असंखेज्जाहिं उस्सप्पिणि ओसप्पिणीहिं अवहीरंति कालओ खेत्तओ असंखेज्जाओ सेढीओ पयरस्स असंखेज्जतिभागो तत्थ णं जेते मक्केल्लगा ते णं अनंता अनंताहिं उस्सप्पिणि-ओसप्पणीहिं अवहीरंति कालओ जहा- ओरालियस्स मक्केल्लया तहेव वेउव्वियस्स वि भाणियव्वा
केवतिया णं भंते आहारगसरीरया पन्नत्ता गोयमा विहापन्नत्ता तं जहा- बद्धेल्लगा य मक्केल्लगा य तत्थ णं जेते बद्धेल्लगा ते णं सिय अत्थि सिय नत्थि जति अत्थि जहण्णेणं एक्को वा दो वा तिण्णि वा उक्कोसेणं सहस्सपहत्तं तत्थ णं जेतेमुक्केल्लया ते णं अनंता जहा- ओरालियस्स मक्केल्लया तहा य भाणियव्वा, केवतिया णं भंते तेयगसरीरयापन्नत्ता गोयमा दुविहा पन्नत्ता तं जहाबद्धेल्लगा य मुक्केल्लगा य तत्थ णं जेते बद्धेल्लगा ते णं अनंता अनंताहिं उस्सप्पिणि-ओसप्पिणीहिं अवहीरंति कालओ खेत्तओ अनंतालोगा दव्वओ सिद्धेहिंतो अनंतगणा सव्वजीवानंतभागूणा तत्थ णं जेते मुक्केल्लया ते णं अनंता अनंताहिं उस्सप्पिणि-ओसप्पिणीहिं अवहीरंति कालओ खेत्तओ अनंता लोगा दव्वओ सव्वजीवेहिंतो अनंतगुणा जीववग्गस्स अनंतभागो एवं कम्मगसरीरा वि भाणितव्वाणि |
[४०२] नेरइयाणं भंते केवइया ओरालियसरीरा पन्नत्ता गोयमा दुविहा पन्नत्ता तं जहाबद्धेल्लगा य मुक्केल्लगा य तत्थ णं जेते बद्धेल्लगा ते णं नत्थि, तत्थ णं जेते मुक्केल्लगा ते णं अनंता जहा- ओरालियमुक्केल्लगा तहा भाणियव्वा,
नेरइयाणं भंते केवइया वेउव्वियसरीरा पन्नत्ता गोयमा दुविहा पन्नत्ता तं जहा- बद्धेल्लगा य मुक्केल्लगा य तत्थ णं जेते बद्धेल्लया ते णं असंखेज्जा असंखेज्जाहिं उस्सप्पिणि-ओसप्पिणीहिं अवहीरंति कालओ, खेत्तओ असंखेज्जाओ सेढीओ पत्तरस्स असंखेज्जतिभागो तासि णं सेढीणं विक्खंभसूई अंगुलपढमवग्गमूलं बीयवग्गमूलपड़प्पणं अहव णं अंगुलबितियवग्गमूलघणप्पमाणमेत्ताओ सेढीओ तत्थ णं जेते मुक्केल्लगा ते णं जहा ओरालियस्स मुक्केल्लगा तहा भाणियव्वा, नेरइयाणं भंतेकेवतिया आहारगसरीरा पन्नत्ता गोयमा दुविहा पन्नत्ता तं जहा- बद्धेल्लगा य मुक्केल्लगा यएवं जहा- ओरालिया बद्धेल्लगा यमुक्केल्लगा य भणिया तहेव आहारगा वि भाणियव्वा तेया-कम्मगाइं जहाएतेसिं चेव वेउव्वियाइं । पय-१२
[दीपरत्नसागर संशोधितः]
[105]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |