Page Text
________________
नवरं-विगलेंदिया न पुच्छिज्जंति एवं मोसभासाए वि सच्चामोसभासाए वि असच्चामोसभासाए वि एवं चेव नवरं-असच्चामोसभासाए विगलिंदिया वि पुच्छिज्जंति इमेणं अभिलावेणंविंगलिदिए णं भंते जाइं दव्वाइं असच्चामोसभासत्ताए गेण्हति ताइं किं ठियाइं गेण्हति अट्ठियाइं गेण्हति गोयमा जहा- ओहियदंडओ एवं एते एगत्त-पुहत्तेणं दस दंडगा भाणियव्वा ।
__ [३९६] जीवे णं भंते जाइं दव्वाइं सच्चभासत्ताए गेण्हति ताई किं सच्चभासत्ताए निसिरति मोसभासत्ताए निसिरति सच्चामोसभासत्ताए निसिरति असच्चामोसभासत्ताए निसिरति गोयमा सच्चभासत्ताए निसिरति नो मोसभासत्ताए निसिरति नो सच्चामोसभासत्ताए निसिरति नो असच्चामोसभासत्ताए निसिरति एवं एगिंदियविगलिंदियवज्जो दंडओ जाव वेमाणिए एवं पहत्तेणं वि, जीवे णं भंते जाइं दव्वाइं मोसभासत्ताए गेण्हति ताई किं सच्चभासत्ताए निसिरति असच्चामोसभासत्ताए निसिरति गोयमा नो सच्चभासत्ताए निसिरति मोसभासत्ताए निसिरति नो सच्चामोसभात्ताए निसिरति नो असच्चामोसभासत्ताए निसिरति एवं सच्चामोसभासत्ताए वि असच्चामोसभासत्ताए वि एवं चेव नवरंअसच्चामोसभासत्ताए विगलिंदिया तहेव पुच्छिज्जंति जाव चेव गेण्हति ताए चेव निसिरति एवं एते एगत्तंपुहत्तिया अट्ठ दंडगा भाणियव्वा ।।
[३९७] कतिविहे णं भंते वयणे पन्नत्ते गोयमा सोलसविहे वयणे पन्नत्ते तं जहाएगवयणे दुवयणे बहुवयणे इत्थिवयणे पुमवयणे नपुंसगवयणे अज्झत्थवयणे उवणीयवयणे अवणीयवयणे उवणीयअवणीयवयणे अवणीयउवणीयवयणेतीतवयणे पड़प्पन्नवयणे अणागयवयणे पच्चक्खवयणे परोक्खवयणे, इच्चेयं भंते एगवयणं वा जाव परोक्खवयणं वा वयमाणे पन्नवणी णं एसा भासा न एसा भासा मोसा, हंता गोयमा इच्चेयं एगवयणं वा जाव परोक्खवयणं वा वयमाणे पन्नवणी णं एसा भासा न एसा भासा मोसा ।
[३९८] कति णं भंते भासज्जाया पन्नत्ता गोयमा चत्तारि भासज्जाया पन्नत्ता तं जहा सच्चमेगं भासज्जायं बितियं मोसंभासज्जायं ततियं सच्चामोसंभासज्जायं चउत्थं असच्चामोसंभासज्जायं, इच्चेयाइं भंते चत्तारि भासज्जायाई भासमाणे किं आराहए विराहएगोयमा इच्चेयाइं चत्तारि भासज्जायाई आउत्तं भासमाणे आराहए नो विराहए तेण परं अस्संजए अविरए अपडिहय-अपच्चक्खाय-पावकम्मे सच्चं वा जाव असच्चामोसं वा भासं भासमाणे नो आराहए विराहए ।
[३९९] एतेसि णं भंते जीवाणं सच्चभासगाणं मोसभासगाणं सच्चामोसभासगाणं असच्चामोसभासगाणं अभासगाण य कतरे कतरेहिंतो अप्पा वा बहया वा तुल्ला वा विसेसाहिया वा गोयमा सव्वत्थोवा जीवा सच्चभासगा, सच्चामोसभासगाअसंखेज्जगुणा मोसभासगाअसंखेज्जगुणा, असच्चामोसभासगाअसंखेज्जगुणा अभासगा अनंतगुणा । मुनि दीपरत्नसागरेण संसोधितः संपादितश्च एकादसमं पयं समत्तं
। बारसमं सरीरपयं । [४००] कति णं भंते सरीरा पन्नत्ता, गोयमा पंच सरीरा० ओरालिए वेउव्विए आहारए तेयए पय-१२
दीपरत्नसागर संशोधितः]
[104]
[१५-पन्नवणा]]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |