Page Text
________________
आनुपुव् िगेण्हति अनानुपुव्विं गेण्हति गोयमा आनुपुव्विं गेण्हति नो अनानुपुट्विं गेण्हति,जाइं भंमते आनुपव्विं गेण्हति ताइं किं तिदिसिं गेण्हति जाव छद्दिसिं गेण्हति गोयमा नियमा छद्दिसिं गेण्हति |
[३८२] पुट्ठोगाढ अनंतर अणू य तह बायरे य उड्ढमहे ।
आदि विसयाणपुव्विं नियमा तह छद्दिसिं चेव । [३९३] जीवे णं भंते जाइं दव्वाइं भासत्ताए गेण्हति ताई किं संतरं गेण्हति निरंतरं गेण्हति गोयमा संतरं पि गेण्हति निरंतरं पि गेण्हति संतरं गिण्हमाणे जहण्णेणं एगसमयं उक्कोसेणं असंखेज्जसमए अंतरं कट्ट गेण्हति निरंतरं गिण्हमाणे जहण्णेणं दोसमए उक्कोसेणं असंखेज्जसमए अनुसमयं अविरहियं निरंतरं गेण्हति, जीवे णं भंते जाइं दव्वाइं भासत्ताए गहियाई निसिरति ताई किं संतरं निसिरति निरंतरं निसिरति गोयमा संतरं निसिरति नो निरंतरं निसिरति संतरं निसिरमाणे एगेणं समएणं गेण्हइ एगेणं समएणं निसिरति एएणं गहण-निसिरणोवाएणं जहण्णेणं दुसमइयं उक्कोसेणं असंखेज्जसमइयं अंतोमुहत्तयं गहण-निसिरणं करेति, जीवे णं भंते जाइं दवाई भासत्ताए गहियाई निसिरति ताइं किं भिण्णाइं निसिरति अभिण्णाई निसिरति गोयमा भिण्णाई पि निसिरति अभिण्णाइं पि निसिरति जाइं भिण्णाइं निसिरति ताइं अनंतगुणपरिड्ढिए परिवड्ढमाणाइंपरिवड्ढमाणाइं लोयंतं फुसंति जाइं अभिण्णाई निसिरति ताइं असंखेज्जाओ ओगाहणवग्गणाओ गंता भेयमावज्जति संखेज्जाइं जोयणाई गंता विद्धंसमागच्छंति ।
[३९४] तेसि णं भंते दव्वाणं कतिविहे भए पन्नत्ते गोयमा पंचविहे भए पन्नत्ते तं जहाखंडाभेए पयराभेए चुण्णियाभेए अनुतडियाभेए उक्करियभेए, से किं तं खंडाभेए खंडाभेए-जण्णं अयखंडाण वा तउखंडाण वा तंबखंडाण वा तंबखंडाण वा सीसाखंडाण वा रययखंडाण वा जायरूवखंडाण वा खंडएण भेदे भवति से त्तं खंडाभेदे, से किं तं पयराभेदे पयराभेए-जण्णं वंसाण वा वेत्ताण वा नलाण वा कदलीथंभाण वा अब्भपडलाण वा पयरएणं भेए भवति से त्तं पयराभेदे, से किं तं चुण्णियाभेए चुण्णियाभेए जण्णं तिलचुण्णाण वा मुग्गचुण्णाणं वा मासचुण्णाण वा पिप्पलिचुण्णाण वा मिरियचुण्णाण वा सिंगबेरचुण्णाण वा चुणियाए भेदे भवति से त्तं चुण्णियाभेदे, से किं तं अनुतडियाभेदे अनुतडियाभेदेजण्ण अगडाण वा तलागाण वा दहाण वा नदीण वा वावीण वा पुक्खरिणीण वा दीहियाण वा गुंजालियाण वा सराण वा सरपंतियाण वा सरसरपंतियाण वा अनुतडियाए भेदे भवति से त्तं अनुतडियाभेदे, से किं तं उक्करियाभेदे उक्करियाभेदे-जण्णं मूसगाणं वा मगूसाणं वा तिलसिंगाण वा मुग्गसिंगाण वा माससिंगाण वा एरंडबीयाण वा फुडित्ता उक्करियाए भेदे भवति से त्तं उक्करियाभेदे, एएसि णं भंते दव्वाणं खंडाभेदेणं जाव उक्करियाभेदेण या भिज्जमाणाणं कतरेकतरेहिंतो अप्पा वा जाव विसेसाहिया वा गोयमा सव्वत्थोवाई दव्वाइं उक्करियाभेदेणं भिज्जमाणाइं, अनुतडियाभेदणं भिज्जमाणाइं अनंतगुणाई, चुण्णियाभेदेणंभिज्जमाणाइं अनंतगुणाई, पयराभेदेणंभिज्जमाणाइं अनंतगुणाई, खंडाभेदेणंभिज्जमाणाइं अनंतगुणाई ।।
[३९५] नेरइएणं भंते जाइं दव्वाइं भासत्ताए गेण्हति ताई किं ठियाई गेण्हति अट्ठियाई गेहति गोयमा एवं चेव जहा- जीवे वत्तव्वया भणिया तहा नेरइयस्सवि जाव अप्पाबयं एवं एगिदियवज्जो दंडओ जाव वेमाणिया, जीवा णं भंते जाइं दव्वाई भासत्ताए गेहंति ताइंकिं ठियाई गेण्हंति पय-११
अट्ठियाइं गेहति गोयमा एवं चे पुहत्तेणं वि नेयव्वं जाव वेमाणिया, जीवे णं भंते जाइं दव्वाइं सच्चभासत्ताए गेण्हति ताई किं ठियाइं गेण्हति अद्वियाई गेण्हति गोयमा जहा- ओहियदंडओ तहा एसो वि
दीपरत्नसागर संशोधितः]
[103]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |