Page Text
________________
देवसयणिज्जे पन्नत्ते वण्णओ उप्पिं अट्ठट्ठमंगलगा से केणतुणं भंते एवं वुच्चति-गोयमदीवे गोयमदीवे गोयमा गोयमदीवस्स णं दीवस्स सासते नामधेज्जे पन्नत्ते न कयावि नासि जाव निच्चे सुट्ठिए य एत्थ देवे महिड्ढीए जाव पलिओवमद्वितीए परिवसति से णं तत्थ चउण्हं सामाणियसाहस्सीणं जाव गोयमदीवस्स सुट्टियाए रायहाणीए अण्णेसिं च बहूणं वाणमंतराणं देवाणं देवीण य आहेवच्चं जाव विहरति से तेणटेणं गोयमा एवं वुच्चति-गोयमदीवे गोयमदीवे कहिं णं भंते सुट्ठियस्स लवणाहियइस्स सुढ़िया नाम रायहाणी पन्नत्ता गोयमा गोयमदीवस्स पच्चत्थिमेणं तिरियमसंखेज्जे जाव अण्णंमि लवणसमुद्दे बारस जोयणसहस्साइं ओगाहित्ता एवं तहेव सव्वं नेयव्वं जाव सुत्थिए देवे ।
[२०९] कहि णं भंते जंबुद्दीवगाणं चंदाणं चंददीवा नामं दीवा, जंबुद्दीवे दीवे मंदरस्स पव्वयस्स पुरत्थिमेणं लवणसमुदं बारस जोयणसहस्साइं ओगाहित्ता एत्थ णं जंबुद्दीवगामं चंदाणं चंददीवा नामं दीवा पन्नत्ता-बारस जोयणसहस्साइं आयाम-विक्खंभेणं सेसं तं चेव जहा- गोतमदीवस्स परिक्खेवो जंबुद्दीवंतेणं अद्धकोणनउइं जोयणाइं चत्तालीसं पंचानउतिं भागे जोयणस्स ऊसिया जलंताओ लवणसमुदंतेणं दो कोसे ऊसिता जलंताओ परमवरवेइया पत्तेयं-पत्तेयं वणसंडपरिक्खित्ते दोण्हवि वण्णओ भूमिभागा तस्स बहुमज्झदेसभागे पासादवडेंसगा विजयमूलपासादसरिसया जाव सीहासणा सपरिवारा से केणटेणं भंते एवं वुच्चइ-चंददीवा गोयमा बहुसु खुड्डाखुडियासु जाव विलपंतियासु बहूई उप्पलाइं जाव सहस्सपत्ताई चंदप्पभाई चंदागाराइं चंदवण्णाइं चंदवण्णभाई चंदा य एत्थ देवा महिड्ढीया जाव पलिओवमद्वितीया परिवति ते णं तत्थ पत्तेयं-पत्तेयं चउण्हं सामाणियसाहस्सीणं जाव चंददीवाणं चंदाणं य रायहाणीणं अण्णेसिं च बहणं जोतिसियाणं देवाणं देवी य आहेवच्चं जाव विहरंति से तेणद्वेणं गोयमा चंदद्दीवा पडिवत्ति-३
जाव
निच्चा, कहि णं भंते जंबद्दीवगाणं चंदाणं चंदाओ नाम रायहाणीओ पन्नत्ताओ गोयमा चंददीवाणं पुरत्थिमेणं तिरियमसंखेज्जे दीवसमुद्दे वीइवइत्ता अण्णमि जंबुद्दीवे दीवे बारस जोयणसहस्साइं ओगाहित्ता तं चेव पमाणं जाव एमहिड्ढीया चंदा देवा चंदा देवा कहि णं भंते जंबुद्दीवगाणं सूराणं सूरदीवा नामं दीवा, जंबूद्दीवे दीवे मंदरस्स पव्वयस्स पच्चत्थिमेणं लवणसमुदं बारस जोयणसहस्साइं ओगाहित्ता तं चेव उच्चत्तं आयाम-विक्खंभेणं परिक्खेवो वेदिया वणसंडा भमिभागा जाव आसयंति पासायवडेंसगाणं तं चेव पमाणं मणिपेढिया सीहासणा सपरिवारा अट्ठो उप्पलाइं सूरप्पभाइ सूरा एत्थ देवा जाव रायहाणीओ सकाणं दीवाणं पच्चत्थिमेणं अण्णंमि जंबुद्दीवे दीवे सेसं तं चेव जाव सूरा देवा ।
[२१०] कहि णं भंते अब्भितरलावणगाणं चंदाणं चंददीवा नाम दीवा, जंबुद्दीवे दीवे मंदरस्स पव्वयस्स पुरत्थिमेणं लवणसमुदं बारस जोयणसहस्साइं ओगाहित्ता एत्थ णं अभिंतरलावणगाणं चंदाणं चंददीवा नामं दीवा पन्नत्ता जहा- जंबुद्दीवगा चंदा तहा भाणियव्वा नवरि-रायहाणीओ अण्णंमि लवणे सेसं तं चेव एवं अभिंतरलावणगाणं सूराणवि लवणसमुदं बारस जोयणसहस्साइं तहेव सव्वं जाव रायहाणो, कहि णं भंते बाहिरलावणगाणं चंदाणं चंददीवा नाम दीवा, लवणस्स समुदस्स पुरथिमिल्लाओ वेदियंताओ लवणसमुदं पच्चत्थिमेणं बारस जोयणसहस्साइं ओगाहित्ता एत्थ णं बाहिरलावणगाणं चंदाणं चंददीवा नाम दीवा पन्नत्ता-बारस जोयणसहस्साइं आयामविक्खंभेणं घायइसंडदीवंतेणं अद्धकोणनवतिं जोयणाई चत्तालीसं च पंचनउतिभागे जोयणस्स ऊसिता जलंताओ लवणसमुदंतेणं दो कोसे ऊसिता पउमवरवेइया वणसंडा बहसमरमणिज्जा भूमिभागा मणिपेढिया सीहासणा सपरिवारा सो चेव अट्ठो रायहाणीओ सगाणं [दीपरत्नसागर संशोधितः]
[98]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |