Page Text
________________
दीवाणं पुरत्थिमेणं तिरियमसंखेज्जे दीव समुद्दे वीइवइत्ता अण्णंमि लवणसमुद्दे तहेव सव्वं कहिं णं भंते बाहिरलावणगाणं सूरा णं सूरदीवा नाम दीवा, लवणसमुद्दपच्चत्थिमिल्लाओ वेदियंताओ लवणसमुई पुरत्थिमेणं बारस जोयणसहस्साइं धावइतसंडदीवंतेणं अद्धे-कूणउतिं जोयणाइं चत्तालीसं च पंचनउतिभागे जोयणस्स लवणसमुदंतेणं दो कोसे ऊसिया सेसं तहेव जाव रायहाणीओ सगाणं दीवाणं पच्चत्थिमेणं तिरियमसंखेज्जे लवणे चेव बारस जोयणा तहेव सव्वं भाणियव्वं ।
२११] कहि णं भंते घायइसंडदीवगाणं चंदाणं चंददीवा नाम दीवा पन्नत्ता गोयमा घायइसंडस्स दीवस्स पुरथिमिल्लाओ वेदियंताओ कालोयं णं समुदं बारस जोयणसहस्साइं ओगाहित्ता एत्थ णं घायइसंडदीवगाणं चंदाणं चंददीवा नाम दीवा पन्नत्ता सव्वतो समंता दो कोसा ऊसिता जलंताओ बारस जोयणसहस्साइं तहेव विक्खंभ परिक्खेवो भूमिभागो पासायवडिंसया मणिपेढिया सीहासणा सपरिवारा अट्ठो तहेव रायहाणीओ सकाणं दीवाणं पुरत्थिमेणं अण्णंमि घायइसंडे दीवे सेसं तं चेव एवं सूरदीवानि नवरंघायइसंडस्स दीवस्स पच्चत्थिमिल्लातो वेदियंताओ कालोयं णं समुदं बारस जोयणसहस्साइं तहेव सव्वं जाव रायहाणीओ सूराणं दीवाणं पच्चत्थिमेणं अण्णंमि घायइसंडे दीवे सव्वं तहेव ।।
[२१२] कहि णं भंते कालोयगाणं चंदाणं चंददीवा नाम दीवा पन्नत्ता गोयमा कालोयसमुद्दस्स पुरथिमिल्लाओ वेदियंताओ कालोयण्णं समुद्द पच्चत्थिमेणं बारस जोयणसहस्साई ओगाहित्ता एत्थ णं कालोयगचंदाणं चंददीवा नाम दीवा पन्नत्ता सव्वतो समंता दो कोसा ऊसिता जलंताओ सेसं तहेव जाव रायहाणो सगाणं दीवाणं पुरत्थिमेणं अण्णंमि कालोयसमुद्दे बारस जोयमसहस्साइं तं चेव सव्वं जाव चंदा देवा, चंदा देवा एवं सूराणवि नवरं-कालोयस्स पच्चत्थिमिल्लातो वेदियंतातो कालोयसमुद्दपुरत्थिमेणं बारस जोयणसहस्साइं ओगाहित्ता तहेव रायहाणीओ सगाणं दीवाणं पच्चत्थिमेणं
अण्णमि कालोयसमुद्दे
तहेव पडिवत्ति-३
सव्वं एवं पुक्खरवरगाणं चंदाणं पुक्खरवरस्स दीवस्स पुरथिमिल्लाओ वेदियंताओ पुक्खरसमुदं बारस जोयणसहस्साई ओगाहित्ता चंददीवा अण्णंमि पुक्खरवरे दीवे रायहाणीओ तहेव एवं सूराणवि दीवा पुक्खरवरदीवस्स पच्चत्थिमिल्लाओ वेदियंताओ पुक्खरोदंसमुदं बारस जोयणसहस्साइं ओगाहित्ता तहेव सव्वं जाव रायहाणो दीविल्लगाणं दीवे समुद्दगाणं समुद्दे चेव एगाणं अभिंतरपासे एगाणं बाहिरपासे रायहाणीओ दीविल्लगाणं दी
[२१३] इमे नामा अनुगंतव्वा । [२१४] जंबुद्दीवे लवणे धायइ-कालोद-पुक्खरे वरुणे ।
खीर-धय-खोय-नंदी अरुणवरे कुंडले रुयगे ।। [२१५] आभरण-वत्थ-गंधे उप्पल-तिलए य पुढवि-निहि-रयणे ।
__ वासहर-दह-नईओ विजया वक्खार-कप्पिंदा ।। [२१६] कुरु-मंदर मावासा कूडा नक्खत्त-चंद सूरय एवं भाणियव्वं ।
[२१७] कहि णं भंते देवद्दीवगाणं चंदाणं चंददीवा नाम दीवा पन्नत्ता गोयमा देवदीवस्स पुरथिमिल्लाओ वेइयंताओ देवोदं समुदं बारस जोयणसहस्साइं ओगाहित्ता एत्थ णं देवदीवगाणं चंदाणं चंददीवा नाम दीवा पन्नत्ता सच्चेव वत्तव्या जाव अट्ठो रायहाणीओ सगाणं दीवाणं पच्चत्थिमेणं देवदीवं असंखेज्जाइं जोयणसहस्साइं ओगाहित्ता एत्थ णं देवदीवगाणं चंदाणं चंदाओ नामं रायहाणीओ पन्नत्ताओ
दीपरत्नसागर संशोधितः]
[99]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |