Page Text
________________
कहि णं भंते देवद्दीवगाणं सूराणं सूरदीवा नाम दीवा पन्नत्ता गोयमा देवदीवस्स पच्चत्थिमिल्लाओ वेइयंताओ देवोदं समुदं बारस जोयणसहस्साइं ओगाहित्ता एत्थ णं देवदीवगाणं सूराणं सूरदीवा नाम दीवा पन्नत्ता तघेव रायहाणीओ सगाणं दीवाणं पुरत्थिमेणं देवदीवं असंखेज्जाइं जोयणसहस्साइं ओगाहित्ता एत्थ णं कहि णं भंते देवसमुद्दगाणं चंदाणं चंददीवा नाम दीवा पन्नत्ता गोयमा देवोदगस्स समुद्दगस्स पुरथिमिल्लाओ वेदियंताओ देवोदगं समुदं पच्चत्थिमेणं बारस जोयण-सहस्साइं तेणेव कमेणं जाव रायहाणीओ सगाणं दीवाणं पच्चत्थिमेणं देवोदगं समुदं असंखेज्जाइं जोयणसहस्साइं ओगाहित्ता एत्थ णं देवोदगाणे चंदाणं चंदाओ नामं रायहाणीओ पन्नत्ताओ तं चेव सव्वं एवं सूराणवि नवरि-देवोदगस्स पच्चत्थिमिल्लाओ वेइयंताओ देवोदगसमदं पुरत्थिमेणं बारस जोयणसहस्साई ओगाहित्ता र सगाणं-सगाणं दीवाणं पुरत्थिमेणं देवोदगं समुदं असंखेज्जाइं जोयणसहस्साइं एवं नागे जक्खे भूतेवि चउण्हं दीवसमुद्दाणं कहि णं भंते सयंभूरमण-दीवगाणं चंदाणं चंददीवा नाम दीवा पन्नत्ता सयंभुरमणस्स दीवस्स पुरथिमिल्लातो वेतियंतातो सयंभुरमणोदगं समुदं बारस जोयणसहस्साइं तहेव रायहाणीओ सगाणं दीवाणं पुरत्थिमेणं सयंभुरमणोदगं समुदं पुरत्थिमेणं असंखेज्जाइं जोयण तं चेव एवं सूराणवि सयंभूरमणस्स पच्चत्थिमिल्लातो वेदियंताओ रायहाणीओ सकाणं सकाणं दीवाणं पच्चत्थिमिल्लाणं सयंभुरमणोदं समुदं असंखेज्जा सेसं तं चेव कहि णं भंते सयंभूरमणसमुद्दकाणं चंदाणं, सयंभुरमणस्स समुदस्स पुरत्थमिल्लाओ वेतियंतातो सयंभुरमणं समुदं पच्चत्थिमेणं बारस जोयणसहस्साइं ओगाहित्ता सेसं तं चेव एवं सूराणवि सयंभुरमणस्स पच्चत्थमिल्लाओ सयंभुरमणीदं समुद्द पुरत्थिमेणंबारस जोयणसहस्साइं ओगाहित्ता राहाणीओ सगाणं दीवाणं पुरत्थिमेणं सयंभुरमण समुदं असंखेज्जाइं जोयणसहस्साइं ओगाहित्ता एत्थ णं सयंभूरमण जाव सूरादेवा ।
[२१८] अत्थि णं भंते लवणसमुद्दे वेलंधराति वा नागराया अग्घाति वा खन्नाति वा सिंहाति पडिवत्ति-३
वा विजातीति वा हासवुड्ढीति वा हंता अत्थि जहा णं भंते लवणसमुद्दे अत्थि वेलंधराति वा नागराया अग्धाति वा जाव हासवुड्ढीति वा तहा णं बाहिरएसुवि समुद्देसु अत्थि वेलंधराइ वा नागराया अग्धाति वा जाव विजातीति वा हासवुड्ढीति वा नो तिणढे समढे ।
[२१९] लवणे णं भंते समुद्दे किं ऊसितोदगे पत्थडोदगे खुभियजले अखुभियजले गोयमा लवणे णं समुद्दे ऊसितोदगे नो पत्थडोगे खुभियजले नो अक्खुभियदले जहा णं भंते लवणे समुद्दे ऊसितोदगे नो पत्थडोदगे खुभियजले नो अक्खुभियजले तहा णं बाहिरगा समुद्दा किं ऊसितोदगा पत्थडोदगा खुभियजला अक्खुभियजला गोयमा बाहिरगा समुद्दा नो ऊसितोदगा पत्थडोदगा नो खुभियजला अक्खुभियजला पुन्ना पुन्नप्पमाणा वोलट्टमाणा वोसट्टमाणा समभरघडत्ताए चिट्ठति अत्थि णं भंते लवणसमद्दे बहवे ओराला बलाहका संसेयंति संमच्छंति वासं वासंति हंता अत्थि जहा णं भंते लवणसमद्दे बहवे ओराला बलाहका संसेयंति संमच्छंति वासं वासंति तहा णं बाहिरएवि समद्देस् बहवे ओराला बलाहका संसेयंति संमुच्छंति वासं वासंति नो तिणढे समढे से केणतुणं भंते एवं वुच्चति-बाहिरगा णं समुद्दा पन्ना पुन्नप्पमाणा वोलट्टमाणा बोसट्टमाणा समभरघडत्ताए चिटुंति गोयमा बाहिरएस णं समुद्देस् बहवे उदगजोणिया जीवा पोग्गला य उदगत्ताए वक्कमति विउक्कमंति चयंति उववज्जंति से तेणटेणं गोयमा एवं वुच्चति-बाहिरगा णं समुद्दा पुन्ना पुन्नप्पमाणा जाव समभरघडत्ताए चिट्ठति |
दीपरत्नसागर संशोधितः]
[100]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |