Page Text
________________
[२२०] लवणे णं भंते समद्दे केवतियं उव्वेह-परिवुड्ढीए पन्नत्ते गोयमा लवणस्स णं समुद्दस्स उभओ पासिं पंचानउति-पदेसे गंता पदेसं उव्वेह-परिवुड्ढीए पन्नत्ते पंचानउति-बालग्गाइं गंता वालग्गं उव्वेह-परिवुड्ढीए पन्नत्ते पंचानउति-लिक्खाओ गंता लिक्खं उव्वेह-परिवड्ढीए पन्नते जूया-जवजयमज्झे अंगुल-विहत्थि-रयणी-कुच्छी-धणु-गाउय-जोयण-जोयणसत-जोयणसहस्साइं गंता जोयणसहस्सं उव्वेह-परिवुड्ढीए पन्नत्ते लवणे णं भंते समुद्दे केवतियंउस्सेह-परिवुड्ढीए पन्नत्ते गोयमा लवणस्स णं समुदस्स उभओपासिं पंचानउति पदेसे गंता सोलसपएसे उस्सेह-परिवुड्ढीए पन्नत्ते पंचानउति-वालग्गाई गंता सोलस-वालग्गाई उस्सेह-परिवुड्ढीए एवं जाव पंचानउति-जोयणसहस्साइं गंता सोलस-जोयणसहस्साई उस्सेघ-परिवुड्ढीए ।
[२२१] लवणस्स णं भंते समुदस्स केमहालए गोतित्थे, गो. लवणस्स णं समुद्दस्स उभओपासिं पंचाणउतिं जोयणसहस्साइं गोतित्थे पन्नत्ते लवणस्स णं भंते समुद्दस्स केमहालए गोतित्थविरहिते खेत्ते गोयमा लवणस्स णं समुद्दस्स दस जोयणसहस्साइं गोतित्थविरहिते खेत्ते पन्नत्ते लवणस्स भंते समुदस्स केमहालए उदगमाले गोयमा दस जोयणसहस्साइं उदगमाले पन्नत्ते ।
२२२] लवणे णं भंते समद्दे किंसंठिए पन्नत्ते गोयमा गोतित्थसंठिते नावासंठिते सिप्पिसंपुडसंठिते अस्सखंधसंठिते वलभिसंठिते वट्टे वलयागारसंठिते पन्नत्ते लवणे णं भंते समुद्दे केवतियं चक्कवालविक्खंभेणं केवतियं परिक्खेवेणं केवतियं उव्वेहेणं केवतियं उस्सेहेणं केवतियं सव्वग्गेणं पन्नत्ते गोयमा लवणे णं समुद्दे दो जोयणसहयसहस्साइं चक्कवालविक्खंभेणं पन्नरस जोयणसतसहस्साइं एकासीतिं च सहस्साइं सतं च एगुणयालं किंचिविसेसूणं परिक्खेवेणं एग जोयणसहस्सं उव्वेधेणं सोलस जोयणसहस्साई उस्सेहेणं सत्तरस जोयणसहस्सिं सव्वग्गेणं ।
[२२३] जइ णं भंते लवणसमुद्दे दो जोयणसतसहस्साइं चक्कवालविक्खंभेणं पन्नरस जोयणसतसहस्साई एकासीतिं च सहस्साई स यालं किंचिविसेसूणं परिक्खेवेणं एग जोयणसहस्सं पडिवत्ति-३
उव्वेहेणं सोलस जोयणसहस्साइं उस्सेधेणं सत्तरस जोयणस्सस्साइं सव्वग्गेणं पन्नत्ते कम्हा णं भंते लवणसमुद्दे जंबुद्दीवे दीवं नो ओवीलेति नो उप्पीलेति नो चेव णं एक्कोदगं करेति गोयमा जंबुद्दीवे णं दीवे भरहेरवएसु वासेसु अरहंता चक्कवट्टी बलदेवा वासुदेवा चारणा विज्जाधरा समणा समणीओ सावया सावियाओ मणुया पगतिभद्दया पगतिविणीया पगतिउवसंता पगतिपयणुकोहमाणमायालोभा मिउमद्दवसंपन्ना अल्लीणा भद्दगा विणीता तेसि णं पणिहाए लवणसमद्दे जंबुद्दीवे दीवं नो ओवीरेति नो उप्पिलेति नो चेव णं एदोगदं करेति चुल्लहिमवंत-सिहरिसु वासहर-पव्वतेसु देवा महिड्ढिया जाव पलिओवमद्वितीया परिवसंति तेसि णं पणिहाए लवणसमुद्दे जंबुद्दीवं दीवं नो ओवीलेति नो उप्पीलेति नो चेव णं एगोदगं करेति हेमवत-हेरण्णवतेसु वासेसु मणुया पगति-भद्दगा जाव विणीता तेसि णं पणिहाए लवणसमुद्दे जंबुद्दीवं दीवं नो ओवीलेति नो उप्पीलेति नो चेव णं एगोदगं करेति सद्दावति-वियडावतिसु वट्टवेयड्ढपव्वतेसु देवा महिढिया जाव पलिवओवमद्वितीया परिवसंतितेसि णं पणिहाए ।
दीवं नो ओवीलेति नो उप्पिलेति नो चेव णं एगोदगं करेति महाहिमवंत-रुप्पिसु वासहरपव्वतेसु देवा महिड्ढिया जाव पलिओवमद्वितीया परिवसंति तेसि णं पणिहाए लवणसमुद्दे जंबुद्दीवं दीवं नो ओवीलेति जाव एगोदगं करेति
दीपरत्नसागर संशोधितः]
[101]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |