Page Text
________________
हरिवास-रम्मयवासेसु मण्या पगतिभद्दगा जाव विणीति तेसि णं पणिहाए लवणसमुद्दे जंबुद्दीवं दीवं नो ओवीलेति नो उप्पीलेति नो चेव णं एगोदगं करेति गंधावति-मालवंतपरियाएसु वट्टवेयड्ढपव्वतेसु देवा महिड्ढीया जाव पलिवओमद्वितीया परिवसंति तेसि णं पणिहाए लवणसमुद्दे जंबुद्दीवं दीवं नो ओवीलेति नो उप्पीलेति नो चेव णं एगोदगं करेति निसढ-नीलवंतेसु वासधरपव्वतेसु देवा महिड्ढीया जाव पलिओवमद्वितीया परिवसंति तेसि णं पणिहाए लवणसमुद्दे जंबुद्दीवे दीवं नो ओवीलेति नो उप्पीलेति नो चेव णं एगोदगं करेति पुव्वविदेहावराविदेहेसु वासेसु अरहंता चक्कवट्टी बलदेवा वासुदेवा चारणा विज्जाहरा समणा समणीओ सावया सावियाओ मणुया पगतिभद्दगा जाव विणीता तेसि णं पणिहाए लवणसमद्दे जंबद्दीवं दीवं नो ओवीलेति जाव एगोदगं करेति देवकरु-उत्तरकरुस मणया पगतिभद्दगा जाव विणीता तेसि णं पणिहाए लवणसमुद्दे जंबुद्दीवं दीवं नो ओवीलेति जाव एगोदगं करेति जंबूए य सुदंसणाए अणाढिए नामं देवे जंबुद्दीवाहिवती महिड्ढीए जाव पलिओवहितीए परिवसति तस्स पणिहाए लवणसमुद्दे जंबुद्दीवं दीवं नो ओवीलेति जाव एगोदगं करेति अदुत्तगं करेति अदुत्तरं च णं गोयमा लोगहिती लोगाणुभावे जण्णं लवणसमुद्दे जंबुद्दीवं दीवं नो ओवीलेति जाव ए गोदगं करेति ।
[२२४] लवणसमुदं धायइसंडे नामं दीवे वट्टे वलयागारसंठाणसंठिते सव्वतो समंता संपरिक्खित्ताणंचिट्ठति धायइसंडे णं भंते दीवे किं समचक्कवालसंठिते विसमचक्कवालसंठिते गोयमा समचक्कवालसंठिते नो विसमचक्कवालसंठिते धायइसंडे णं भंते दीवे केवइयं चक्कवालविक्खंभेणं केवइयं परिक्खेवेणं पन्नत्ते गोयमा चत्तारि जोयणससहस्साइं चक्कवालविक्खंभेणं इगयालीसं जोयणसतसहस्साई दसजोयणसहस्साई नव य एगटे जोयणसते किंचिविसेसणे परिक्खेवेणं पन्नत्ते से णं एगाए पउमवरवेदियाए एगेणं वणसंडेणं सव्वतो समंता संपरिक्खित्ते दोण्हवि वण्णओ, धायइसंडस्स णं भंते दीवस्स कति दारा पन्नत्ता गोयमा चत्तारि दारा पन्जत्ता तं जहा-विजए वेजयंते जयंते अपराजिए कहि णं भंते धायइसंडस्स दीवस्स विजए नामं दारे पन्नत्ते गोयमा धाइयसंडदीवपुरत्थिमपेरंते कालो यसमद्दपुरत्थिमद्धस्स पच्चत्थिमेणं सीयाए महानदीए उप्पिं एत्थ णं धायइसंडदीवस्स विजए नामं दारे पडिवत्ति-३
पन्नत्ते तं चेव पमाणं रायहाणीओ अण्णंमि धायइसंडे दीवे सा वत्तव्वया भाणियववा एवं चत्तारिवि दारा भाणियव्वा धायसंडस्स णं भंते दीवस्स दारस्स य दारस्स य एस णं केवइयं अबाहाए अंतरे पन्नत्ते गोयमा दस जोयणसयसहस्साइं सत्तावीसं च जोयणसहस्साइं सत्तपणतीसे जोयणसए तिणि य कोसे दारस्स य दारस्स य अबाहाए अंतरे पन्नत्ते धायसंडस्स णं भंते दीवस्स पदेसा कालोयं समुदं पुट्ठा हंता पुट्ठा ते णं भंते किं धायइसंडे दीवे कालोए समुद्दे गोयमा ते धायइसंडे नो खलु ते कालोए समुद्दे एवं कालोयस्सवि धायइसंडे दीवे जीवा उद्दाइत्ता-उद्दाइता कालोए समुद्दे पच्चायति गोयमा अत्थेगतिया पच्चायंति अत्थेगतिया नो पच्चायंति एवं कालोएवि अत्थेगतिया पच्चायति अत्थेगतिया नो पच्चायंति से केणटेणं भंते एवं वुच्चति धायइसंडे दीवे धायइसंडे दीवे गोयमा धाइयसंडे णं दीवे तत्थ-तत्थ देसे तहिंतहिं पएसे बहवे धायइरुक्खा धायइवणा धायइसंडा निच्चं कुसुमिया जाव वडेंसगधारा धायइमहाधायइरुक्खेस यत्थ सुदंसणपियदंसणा दुवे देवा महिढिया जाव पलिओवमद्वितीया परिवसंति से एएणडेणं गोयमा एवं वुच्चति-धायइसंडे दीवे अदुत्तरं च णं गोयमा जाव निच्चे धायइसंडे णं भंते दीवे कति चंदा पभासिंसु वा पभासेंति वा पभासिस्संति वा कति सूरिया तविंसु वा तवंति वा तविस्संति वा कइ महग्गहा चारं चरिंसु वा चरंति वा चरिस्संति वा कइ नक्खत्ता जोगं जोइंसु वा जोयंति वा जोइस्संति वा
[दीपरत्नसागर संशोधितः]
[102]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |