Page Text
________________
कइ तारागणकोडाकोडीओ सोभिंसु वा सोभंति वा सोभिस्संति वा गोयमा बारस चंदा पभासिंसु वा भा वा पभासिस्संति वा एवं
[२२५] चउवीसं ससिरविणो नक्खत्तसता य तिण्णि छत्तीसा
एगं च सहसं छप्पन्नं धायईसंडे || [२२६] अट्ठेव सयसहस्सा तिण्णि सहस्साइं सत्त य सयाई । धायइयसंडे दीवे तारागण कोडकोडीणं ||
[२२७] सोभिंसु वा सोभंति वा सोभिस्संति वा ।
[२२८] धायइसंडं णं दीवं कालोदे नामं समुद्दे वट्टे वलयागारसंठाणसंठिते सव्वतो समंता संपरिक्खित्ताणं चिट्ठइ कालोदे णं भंते समुद्दे किं समचक्कवालसंठिते विसमचक्कवालसंठिते गोयमा समच्चक्कवालसंठिते नो विसमचक्कवालसंठिते कालोदे णं भंते समुद्दे केवतियं चक्कवालविक्खंभेणं केवतियं परिक्खेवेणं पन्नत्ते गोयमा अट्ठ जोयणसयसहस्साइं चक्कवालविक्खंभेणं एकानउतिं जोयणसयसहस्साइं सत्तरिं च सहस्साइं छच्च पंचुत्तरे जोयणसते किंचिविसेसाहिए परिक्खेवेणं पन्नत्ते से णं एगाए पउमवरवेदियाए एगेणं वनसंडेणं सव्वओ समंता संपरिक्खित्ते दोण्हवि वण्णओ कालोयस्स णं भंते समुद्दस कति दारा पन्नत्ता गोयमा चत्तारि दारा पन्नत्ता तं जहा - विजए वेजयंते जयंते अपराजि कहि णं भंते कालोदस्स समुद्दस्स विजए नामं दारे पन्नत्ते गोयमा कालोदसमुद्दपुरत्थिमपेरंते पुक्खवरदीवपुरत्थिमद्धस्स पच्चत्थिमेणं सीतोदाए महानदीए उप्पिं एत्थ णं कालोदस्स समुद्दस्स विजए नामं दारे पन्नत्ते जंबुद्दीवगविजयसरिसा नवरं रायहाणीओ पुरत्थिमेणं तिरियमसंखेज्जाई जोयणसहस्साइं ओगाहिता अण्णंमि कालोदे समुद्दे जहा लवणे तहा चत्तारि रायहाणीओ समुद्दनामेसु कालोयस्स णं भंते समुद्दस्स दारस्स य दारस्स य एस णं केवतियं आबाहाए अंतरे पन्नत्ते [गोयमा] |
पडिवत्ति-३
[२२९] बावीससयसहस्सा बाणउतिं खलु भवे सहस्साइं । छच्च सया छायाला दारंतर तिण्णिकोसा य ||
[२३०] दारस्स य दारस्स य आबाहाए अंतरे पन्नत्ते कालोदस्स णं भंते समुद्दस्स फएसा पुक्खरवरदीवं पुट्ठा तहेव एवं पुक्खरवदीवस्सवि कालोदे णं भंते समुद्दे जीवा उद्दाइत्ता - उद्दाइत्ता त भाणियव्वं से केणट्ठेणं भंते एवं वच्चति - कालोए समुद्दे कालोए समुद्दे गोयमा कालोयस्स णं समुद्दस्स उदके आसले मासले पेसले कालए मासरासिवण्णाभे पगतीए उदगरसे पन्नत्ते कालमहाकाला य दो देवा महिड्ढीया जाव पलिओवमद्वितीया परिवसंति से तेणट्ठेणं गोयमा जाव निच्चे, कालोए णं भंते समुद्दे क चंदा पभासिंसु वा पुच्छा गोयमा कालोए णं समुद्दे बायालीसं चंदा पभासिंसु वा पभासेंति वा पभासिस्संति
वा ।
[२३१] बायालीसं चंदा बायालीसं च दिणयरा दित्ता । कालोदधिम्मि एते चरंति संबंद्धले सागा || [२३२] नक्खत्ताणं सहस्सं एगं छावत्तरं च सतमण्णं । छच्च सता छण्णउया महागहा तिण्णि य सहस्सा ।। [२३३] अट्ठावीसं कालोदहिम्मि बारस य सयसहस्साइं ।
[दीपरत्नसागर संशोधितः]
[103]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |