Page Text
________________
गोथूभगमेणं जाव सीहासणं सपरिवार से केणटेणं भंते एवं वुच्चइ-दगसीमे आवासपव्वते दगसीमे आवासपव्वते गोयमा दगसीमे णं आवासपव्वते सीतासीतोदाणं महानदीणं सोता तत्थ गता ततो पडिहता पडिणियत्तंति मणोसिलए य एत्थ देवे महिड्ढीए जाव विहरति से तेणटेणं [मणोसिला रायहाणी दगसीमस्स आवासपव्वयस्स उत्तरेणं तिरियमसंखेज्जे दीवसमुद्दे वीतिवतित्ता अण्णंमि लवणे तहेव पा०] कहि णं भंते मणोसिलगस्स वेलंधरनागारायस्स मणोसिला नाम रायहाणी गोयमा दगसीमस्स आवासपव्वयस्स उत्तरेणं तिरि अण्णमि लवणे एत्थ णं मणोसिलया नाम रायहाणी पन्नत्ता तं चेव पमाणं जाव मणोसिलाए देवे ।
२०६] कणगंकरयफालियमया य वेलंधराणमावासा ।
अनुवेलंधरराईणं पव्वया हॉति रयणमया ।। [२०७] कइ णं भंते अनुवेलंधरनागरायाणो पन्नत्ता गोयमा चत्तारि अनुवेलंधरनागारायाणो पन्नत्ता तं जहा- कक्कोडए कद्दमए केलासे अरुणप्पभे एतेसि णं भंते चउण्हं अनुवेलंधरनागराईणं कति आवासपव्वया पन्नत्ता गोयमा चत्तारि आवासपव्वया पन्नत्ता तं जहा- कक्कोडए विज्जुप्पभे केलासे अरुणप्पभे कहि णं भंते कक्कोडगस्स अनुवेलंधरनागरायस्स कक्कोडएनाम आवासपव्वते पन्नत्ते गोयमा जंबुद्दीवे दीवे मंदरस्स पव्वयस्स उत्तरपुरत्थिमेणं लवणसमुदं बायालीसं जोयणसहस्साइं ओगाहित्ता एत्थ णं कक्कोडगयस्स नागरायस्स कक्कोडए नाम आवासपव्वते पन्नत्ते-सत्तरस एक्कवीसाइं जोयणसताइं तं चेव पमाणं जं गोथूभस्स नवरि-सव्वरयणामए अच्छे जाव निरवसेसं जाव सीहासणं सपरिवारं अट्ठो से
बहूई पडिवत्ति -३
उप्पलाइं कक्कोडप्पभाई सेसं तं चेव नवरिकक्कोडगपव्वयस्स उत्तरपुरत्थिमेणं एवं तं चेव सव्वं कद्दमस्सवि सो चेव गमओ अपरिसेसिओ नवरि-दाहिणपुरत्थिमेणं आवसो विज्जुप्पभा रायहाणी दाहिणपुरत्थिमेणं केलासेवि एवं चेव नवरिदाहिणपच्चत्थिमेणं केलासावि रायाहाणि ताए चेव दिसाए अरुणप्पभेवि उत्तरपच्चत्थिमेणं रायहाणीवि ताए चेव दिसाए चत्तारि वि एगप्पमाणा सव्वरयणामया य ।
[२०८] कहि णं भंते सुट्ठियस्स लवणाहिवइस्सा गोयमदीवे नाम दीवे पन्नत्ते गोयमा जंबुद्दीवे दीवे मंदरस्स पव्वयस्स पच्चत्थिमेणं लवणसमुद्दे बारसजोयणसहस्साइं ओगाहित्ता एत्थ णं सुट्ठियस्स लवणाहियइस्स गोयमदीवे नाम दीवे पन्नत्ते-बारसजोयणसहस्साइं आयामविक्खंभेणं सत्ततीसं जोयणसहस्साइं नव य अडयाले जोयणसए किंचिविसेसूणे परिक्खेवेणं जंबूदीवंतेणं अद्धकूणनउति जोयणाई चत्तालिसं च पंचाणउतिभागे जोयणस्स ऊसिए जलंताओ लवण णं दो कोसे ऊसिते जलंतो से णं एगाए पउमवरवेइयाए एगेणं वणसंडेणं सव्वतो समंता संपरिक्खित्ते वण्णओ दोण्हवि गोयमदीवस्स णं दीवस्स अंतो बहुसमरमणिज्जे भूमिभागे पन्नत्ते से जहानामएआलिंगपुक्खरेइ वा जाव आसयंति तस्स णं बहुसमरणिज्जस्स भूमिभागस्स बहुमज्धदेसभागे एत्थ णं सुट्ठियस्स लवणाहिवइस्स महं एगे अइक्कीलावासे नामं भोमेज्जविहारे पन्नत्ते-बावहिँ जोयणाई अद्धजोयणं च उड्ढं उच्चत्तेणं एक्कतीसं जोयणाई कोसं च विक्खंभेणं अणेगखंभसतसन्निविटे भवणवण्णओ भाणियव्वो अइक्कीलावासस्स णं भोमेज्जविहारस्स अंतो बहुसमरमणिज्जे भूमिभागे पन्नत्ते जाव मणीणं फासो तस्स णं बहसमर-मणिज्जस्स भूमिभागस्स बहमज्झदेसभाए एत्थ णं महं एगा मणिपेढिया पन्नत्ता सा णं मणिपेढिया जोयणं आयाम-विक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उवरिं एत्थ णं
[दीपरत्नसागर संशोधितः]
[97]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |