Page Text
________________
कहि णं भंते गोथूभस्स वेलंधरनागरायस्स गोथूमे नामं आवासपव्वते पन्नत्ते गोयमा जंबुद्दीवे दीवे मंदरस्स पव्वयस्स पुरत्थिमेणं लवणसमुदं बायालीसं जोयणसहस्साइं ओगाहित्ता एत्थ णं गोथूभस्स वेलंधरनागरायस्स गोथूभे नामं आवासपव्वते पन्नत्ते सत्तरसएक्कवीसाइं जोयणसताइं उड्ढे उच्चत्तेणं चत्तारि तीसे जोयणसते कोसं च उव्वेधेणं मूले दसबावीसे जोयणसते आयाम-विक्कंभेणं मज्झे सत्त तेवीसे जोयण-सते आयाम-विक्कंभेणं उवरिं चत्तारि चउवीसे जोयणसए आयामविक्खंभेणं मूले तिण्णि जोयणसहस्साई दोण्णि य बत्तीसत्तरे जोयणसए किंचिविसेसणे परिक्खेवेणं मज्झे दो जोयणसहस्साई दोण्णि य छलसीते जोयणसते किंचिवि-सेसाहिए परिक्खेवेणं उवरिं एगं जोयणसहस्सं तिण्णि य ईयाले जोयणसते किंचिविसेसूणे परिक्खेवेणं मूले वित्थिण्णे मज्झे संखित्ते उप्पिं तणुए गोपुच्छसंठाणसंठिए सव्वकणगामए अच्छे जाव पडिरूवे से णं एगाए पठमवरवेयाए एगेणं य वणसंडेणं सव्वतो समंता संपरिक्खित्ते दोण्हवि वण्णओ गोथूभस्स णं आवासपव्व-तस्स उवरिं बहुसमरमणिज्जे भूमिभागे पन्नत्ते जाव आसयंति तस्स णं बहसमरमणिज्जस्स भूमिभागस्स बहमज्झदेसभाए एत्थ णं एगे महं पासायवडेंसए बावढि जोयणद्धं च उडढं उच्चत्तेणं तं चेव पमाणं अद्ध आयामविक्खंभेणं वण्णओ जाव सीहासणं सपरिवार से केणटेणं भंते एवं-वुच्चइ-गोथूभे आवासपव्वए गोथूभे आवासपव्वए गोयमा गोथूभे णं आवासपव्वत्ते खुड्डा-खुड्डियासु जाव बिलपंतियासु बहूइं उप्पलाइं जाव सहस्सपत्ताइं गोथूभप्पभाई गोथूभागाराइं गोथूभवण्णाइं गोथूभवण्णाभाई गोभे य एत्थ देवे महिड्ढीए जाव पलिओवमद्वितीए परिवसति से णं तत्थ चउण्हं सामाणियसाहस्सीणं जाव गोथूभस्स आवासपव्वपडिवत्ति-३
तस्स गोथूभाए रायहाणीए जाव विहरति से तेणटेणं गोयमा एवं वुच्चति-गोथूभे आवासपव्वते गोथूभे आवासपव्वते जाव निच्चे ।
रायहाणिपच्छा गोयमा गोथभस्स आवासपव्वतस्स परत्थिमेणं तिरियमसंखेज्जे दीवसमद्दे वीतिवइत्ता अण्णंमि लवणसमुद्दे बारस जोयणसहस्साइं ओगाहित्ता जहा विजया कहि णं भंते सिवगस्स वेलंधरनागरायस्स दओभासणामे आवासपव्वते पन्नत्ते गोयमा जंबुद्दीवे णं दीवे मंदरस्स पव्वयस्स दक्खिणेणं लवणसमुदं बायालीसं जोयणसहस्साई ओगाहित्ता एत्थ णं सिगस्स वेलंधर-नागरायस्स दओभासे नामं आवा-सपव्वते पन्नत्ते जहा गोथूभो जाव सीहासणं सपरिवार से केणटेणं भंते एवं वुच्चइदओभासे आवासपव्वते दोभासे आवासपव्वते गोयमा दोभासे णं आवासपव्वते लवणसमुद्दे अट्ठजोयणिए खेत्ते दगं सव्वतो समंता ओभासेति उज्जोवेति तावेति पभासेति सिवए एत्थ देवे महिड्ढीए जाव रायहाणी से दक्खिणेणं सिविगा दओभासस्स सेसं तं चेव कहि णं भंते संखस्स वेलंधरनागरायस्स संखे नाम आवासपव्वते पन्नत्ते गोयमा । णं दीवे मंदरस्स पव्वयस्स पच्चत्थिमेणं बायालीसं जोयणसहस्साई ओगाहित्ता एत्थ णं संखस्स वेलंधरनागरायस्स संखे नामं आवासपव्वते पन्नत्ते गोथूभगमो जाव सीहासणं सपरिवार से केणटेणं भंते एवं वुच्चइ-संखे आवासपव्वते संखे आवासपव्वते गोयमा संखे आवासपव्वते खुड्डा-खुडियासु जाव बिलपंतियासुबहूइं उप्पलाइं जाव सहस्सपत्ताइं संखप्पभाई संखागाराइं संखवण्णाइं संखवण्णाभाई संखे य एत्थ देवे महिड्ढीए जाव विहरति से तेणटेणं रायहाणी संखपव्वयस्स पच्चत्थिमेणं विजयारायहाणी गमो कहि णं भंते मणोसिलगस्स वेलंधरनागरायस्स दगसीमे नामं आवासपव्वते पन्नत्ते गोयमा जंबुद्दीवे दीवे मंदरस्स पव्वयस्स उत्तरेणं लवणसमुदं बायालीसं जोयणसहस्साइं ओगाहित्ता एत्थ णं मनोसिलगस्स वेलंधरनागरायस्स दगसीमे नामं आवसपव्वते पन्नत्ते
[दीपरत्नसागर संशोधितः]
[96]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |