Page Text
________________
मज्झिल्ले तिभागे उवरिल्ले तिभागे ते णं तिभागा तेत्तीस जोयणसहस्साइं तिण्णि य तेत्तीसे जोयणसते जोयणतिभागं च बाहल्लेणं पन्नत्ता तत्थ णं जेसे हेट्ठिल्ले तिभागे एत्थ णं वाउकाए संचिट्ठति तत्थ णं जेसे मज्झिल्ले तिभागे एत्थ णं वाउकाए य आउकाए य संटिट्ठति तत्थ णं जेसे उवरिल्ले तिभागे एत्थ णं आउकाए संचिट्ठति अदुत्तरं च णं गोयमा लवणसुद्दे तत्थ तत्थ देसे तहिं तहिं बहवे कुड्डालिं जरसंठाणसंठिया खुड्डापायाला पन्नत्ता ते णं खुड्डापायाला एगमेगं जोयणसहस्सं उव्वेहेणं मूले एगमेगं जोयणसतं विक्खंभेणं मज्झे एगपदेसियाए सेढीए एगमेगं जोयणसहस्सं विक्खंभेणं उप्पिं मुहमूले एगमेगं जोयणसतं विक्खंभेणं तेसि णं खुड्डापायालाणं कुड्डा सव्वत्थ समा दसजोयणबाहल्ला सव्ववइरामया अच्छा जाव पडरूवा तत्थ णं बहवे जीवा पोग्गला य जाव असासया पत्तेयं-पत्तेयं अद्धपलिओवमट्ठितीयाहिं देवताहिं परिग्गहिया तेसि णं खुड्डापातालाणं पत्तेयं-पत्तेयं तओ तिभागा पन्नत्ता तं जहा- हेट्ठिल्ले तिभागे मज्झिल्ले तिभागे उवरिल्ले तिभागे ते णं तिभागा तिण्णि तेत्तीसे जोयणसते-जोयणसते जोयणतिभागं च बाहल्लेणं पन्नत्ता तत्थ णं जेसे हेट्ठिल्ले तिभागे एत्थ णं वाउका संचिट्ठति मज्झिल्ले तिभागे वाउआए आउयाए य संचिट्ठति उवरिल्ले आउकाए संचिट्ठति एवामेव सपुव्वावरेणं लवणसमुद्दे सत्त पायालसहस्स अट्ठ य चुलसीता पातालसता भवंतीति मक्खाया तेसि णं खुड्डापातालाणं महापातालाण य हेट्ठिममज्झिल्लेसु तिभागेसु बहवे ओराला वाया संसेयंति संमुच्छंति एयंति वेयंति चलंति घट्टंति खुब्भंति फंदंति उदीरेंति तं तं भावं परिणमंति जया णं तेसिं खुड्डापातालाणं पडिवत्ति-३
महापातालाण य हेट्ठिल्लमज्झिल्लेसु तिभागेसु बहवे ओराला वाया जाव तं तं भावं परिणमंति तया णं से उदए उण्णामिज्जइ जया णं तेसिं खुड्डापायालाणं महापायालाण य हेट्ठिल्लमज्झिल्लेसु तिभागेसु नो बहवे ओला जाव तं तं भावं न परिणमंति तया णं से उदए नो उण्णामिज्जइ अंतरावि य णं ते वाया उदीरेंति अंतरावि य णं से उदगे उण्णामिज्जइ एवं खलु गोयमा लवणे समुद्दे चाउद्दसमुद्धिट्ठपुन्न - मासिणीसु अइगं-अइरेगं वड्ढति वा हायति वा ।
[२०३] लवणे णं भंते समुद्दे तीसाए मुहुत्ताणं कतिखुत्तो अतिरेगं-अतिरेगं वड्ढति वा हायति वा गोयमा लवणे णं समुद्दे तीसाए मुहुत्ताणं दुक्खुत्तो अतिरेगं - अतिरेगं वड्ढति वा हायति वा केणट्ठेणं भंते एवं वुच्चइ-गोयमा उद्दमंतेसु पायालेसु वड्ढइ आपूरेंतेसु पायालेस हायइ से तेणद्वेणं एवं वुच्चइ लवमे णं समुद्दे तीसाए मुहुत्ताणं दुक्खुत्तो अइरेगं अइरेगं वड्ढइ वा हायइ वा ।
[२०४] लवणसिहा णं भंते केवतियं चक्कवालविक्खंभेणं केवतियं अगं अगं वड्ढति वा हायति वा गोयमा लवणसिहा णं सव्वत्थ समा दस जोयणसहस्साइं चक्कवालविक्खंभेणं देणं अद्धजोयणं अतिरेगं-अतिरेगं वड्ढति वा हायति वा, लवणस्स णं भंते समुद्दस्स कति नागसाहस्सीओ अब्भिंतरियं वेलं धरंति कति नागसाहस्सीओ बाहिरियं वेलं धरंति कति नागसाहस्सीओ अग्गोदयं धरंति गोयमा लवणसमुद्दस्स बायालीसं नागसाहस्सीओ अब्भितरियं वेलं धरंति बावत्तरिं नागसाहस्सीओ बाहिरियं वेलं धरंति सट्ठि नागसाहस्सीओ अग्गोदयं धरंति एवमेव सपुव्वावरेणं एगा नागसतसाहस्सी चोवत्तरिं च नागसहस्सा भवतीति मक्खाया ।
[२०५] कति णं भंते बेलंधरनागरायाणो पन्नत्ता गोयमा चत्तारि वेलंधरनागरायाणो पन्नत्ता तं जहा- गोथूभे सिवए संखे मणोसिलए एतेसि णं भंते चउन्हं वेलंधरनागरायाइणं कति आवासपव्वता पन्नत्ता गोयमा चत्तारि आवासपव्वता पन्नत्ता तं जहा- गोथूभे दओभासे संखे दगसीमे [दीपरत्नसागर संशोधितः ] [१४- जीवाजीवाभिगमं ]
[95]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |