Page Text
________________
नामं रायहाणी पन्नत्ता जंबुद्दीवगसरिसा वत्तव्वया कहि णं भंते लवणसमुद्दस्स वेजयंते नाम दारे पन्नत्ते गोयमा लवणसमुद्दे दाहिणपेरंते धायइसंडदीवस्स दाहिणद्धस्स उत्तरेणं एत्थ णं वेजयंते नामं दारे पन्नत्ते सेसं तं चैव सव्वं एवं जयंते वि तस्स वि रायहाणी पच्चत्थिमेणं कहि णं भंते लवणसमुद्दस्स अपराजिते तहेव रायहाणी वि उत्तरेणं अपराजित्तस्स दारस्स अण्णंमि लवणे जहा विजयरायहाणि - गमो उड्ढं उच्चत्तं तहा लवणस्स णं भंते समुद्दस्स दारस्स य दारस्स य एस णं केवतियं अबाधाए अंतरे पन्नत्ते गोयमा तिण्णि जोयणसतसहस्साइं पंचाणउई सहस्साइं दोण्णि य असीते जोयणसते कोसं च दारस्स य दारस्स य अबाहाए अंतरे पन्नत्ते |
[१९९] तिण्णिवे ससहस्सा पंचाणउतिं भवे सहस्साइं । दो जोयणसत असिता कोसं दारंतरे लवणे ।।
[२००] लवणस्स णं [भंते समुद्दस्स पएसा घ्धयइसंडं दीवं पुट्ठा हंता पुट्ठा ते ण भंते किं लवणे समुद्दे धायइसंडे दीवे गोयमा ते लवणे समुद्दे नो खलु ते धायइसंडे दीवे धायइसंडस्स णं भंते दीवस्स पदेसा लवणं समुद्दं पुट्ठा हंता पुट्ठा ते णं भंते किं धायइसंडे दीवे लवणे समुद्दे गोयमा धायइसंडे णं ते दीवे नो खलु ते लवणे समुद्दे] लवणे णं भंते समुद्दे जीवे उद्दाइत्ता- उद्दाइत्ता सो चेव विही एवं धायइसंडेवि से केणद्वेणं भंते एवं वच्चइ - लवणे समुद्दे लवणे समुद्दे गोयमा लवणस्स णं समुद्दस्स उदगे आविले रइले लोणे लिंदे खारए कडुए अपेज्जे बहूणं चउप्पयल-मिय-पसु-पक्खि- सिरीसवाणं नण्णत्थ तज्जोणियाणं पडिवत्ति-३
सत्ताणं सुट्ठिए एत्थ लवणाहिवई देवे महिड्ढीए महज्जुतीए महाबले महायसे महासोक्खे महाणुभ पलिओवमट्ठिईए से णं तत्थ चउण्हं सामाणियसाहस्सीणं जाव लवणसमुद्दस्स सुट्ठियाए रायहाणीए अण्णेसिं जाव विहरइ से एएणट्टेणं गोयमा एवं वुच्चइ - लवणे णं समुद्दे लवणे णं समुद्दे अदुत्तरं च णं गोयमा लवणे समुद्दे सास जाव निच्चे ।
[२०१] लवणे णं भंते समुद्दे कति चंदा पभासिंसु वा पभासेंति वा पभासिस्संति वा वं पंचण्हवि पुच्छा गोयमा लवणे णं समुद्दे चत्तारि चंदा पभासिंसु वा पभासेंति वा पभासिस्संति वा चत्तारि सूरिया तविंसु वा तवंति वा तविस्संति वा बारसुत्तरं नक्खत्तसयं जोगं जोइंसु वा जोयंति वा जोएस्संति वा तिण्णि बावणा महग्गहसया चारं चरिंसु वा चरंति वा चरिस्संति व दुण्णि सयसहस्सा सत्तट्ठि च सहस्सा नव य सया तारागणकोडकोडीणं सोभं जाव सोभिस्सति वा ।
[२०२] कम्हा णं भंते लवणे समुद्दे चाउद्दसमुद्धिट्ठपुण्णमासिणीसु अतिरेगं-अतिरगं वड्ढति वा हायति वा गोयमा जंबुद्दीवस्स णं दीवस्स चउद्दिसिं बाहिरिल्लाओ वेइयंताओ लवणसमुद्दे पंचाणउत्तिपंचाणउत्तिं जोयणसहस्साइं ओगाहित्ता एत्थ णं चत्तारि महइमहालया महारंजर - संठाणसंठिया महापायला पन्नत्ता तं जहा- वलयामुहे केयुए जूयए ईसरे ते णं महापाताला एगमेगं जोयणसयसहस्सं उव्वेहेणं मूले दस जोयणसहस्साइं विक्खंभेणं मज्झे एगपदेसियाए सेढीए एगमेगं जोयणसतसहस्सं विक्खंभेणं उवरिं मुहमूले दस जोयणसहस्साइं विक्खंभेणं तेसि णं महापायालाणं कुड्डा सव्वत्थ समा दस-जोयणसतबाहल्ला सव्ववइरामया अच्छा जाव पडिरूवा तत्थ णं बहवे जीवा पोग्गला य अवक्कमंति विउक्कमंति चयंति उववज्जंति सासया णं ते कुड्डा दव्व-ट्ठयाए वण्णपज्जवेहिं गंधपज्जवेहिं रसपज्ज-वेहिं फासपज्जवेहिं असासया तत्थ णं चत्तारि देवा महि - ड्ढीया जाव पलिओवमद्वितीया परिवसंति तं जहा- काले महाकाले वेलंबे पंभजणे तेसि णं महापायालामं पत्तेयं पत्तेयं तओ तिभागा पन्नत्ता तं जहा - हेट्ठिल्ले तिभागे [दीपरत्नसागर संशोधितः]
[१४- जीवाजीवाभिगमं ]
[94]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |