Page Text
________________
विदेहजंबू सोमणसा नियया निच्चमंडिया।। [१९३] सुभद्दा य विसाला य सुजाया सुमणा वि य ।
सुदंसणाए जंबूए नामधेज्जा वालस ।। [१९४] से केणटेणं भंते एवं वुच्चइ-जंबू सुदंसणा गोयमा जंबूए णं सुदंसणाए जंबूदीवाहिवती अणाढिते नामं देवे महिड्ढीए जाव पलिओवमद्वितीए परिवसति से णं तत्थ चउण्हं सामाणियसाहस्सीणं जाव आयरक्खदेवसाहस्सीणं जंबूदीवस्स जंबूए सुदंसणाए अणाढियाते य रायधाणीए जाव विहरति सेणद्वेणं गोयमा एवं वुच्चति-जंबू सुदंसणा कहि णं भंते अणाढियस्स देवस्स अणाढिया नाम रायहाणी पन्नत्ता गोयमा जंबद्दीवे दीवे मंदरस्स पव्वयस्स उत्तरेणं तिरियमसंखेज्जे एवं जहा विजयस्स देवस्स जाव समत्ता वत्तव्वया रायधाणीए एमहिड्ढीए अदुत्तरं च णं गोयमा जंहुद्दीवे दीवे उत्तरकुराए कुराए तत्थतत्थ देसे तहिं-तहिं बहवे जंबूरुक्खा जंबूवणा जंबूसंडा निच्चं कुसुमिया जाव वडेंसगधरा से तेणटेणं गोयमा एवं वुच्चइ-जंबुद्दीवे दीवे अदुत्तरं च णं गोयमा जंबुद्दीवस्स सासते नामधेज्जे पन्नत्ते-जण्ण कयावि नासि जाव निच्चे।
_ [१९५] जंबुद्दीवे णं भंते दीवे कति चंदा पभासिंस वा पभासेंति वा पभासिस्संति वा कति सूरिया तविंसु वा तवंति वा तविस्संति वा कति नक्खत्ता जोयं जोइंसु वा जोयंति वा जोइस्संति वा कति महग्गहा चारं चरिंसु वा चरंति वा चरिस्संति वा कति तारागणकोडाकोडीओ सोभिंसु वा सोभति वा पडिवत्ति-३
सोभिस्संति वा गोयमा जंबुद्दीवे णं दीवे दो चंदा पभासिंस् वा पभासंति वा पभासिस्संति वा दो सूरिया तविंसु वा तवंति वा तविस्संति वा छप्पन्नं नक्खत्ता जोगं जोइंसु वा जोयंति वा जोएस्संति वा छावत्तरं गहसतं चारं चरिंसु वा चरंति वा चरिस्संति वा ।
[१९६] एगं सतसहस्सं तेत्तीसं खलु भवे सहस्साइं ।
नव य सया पन्नसा तारागण कोडकोडीणं ।। [१९७] सोभिंसु वा सोंभंति वा सोभिंस्संति वा ।
[१९८] जंबुद्दीवं दीवं लवणे नामं समुद्दे वट्टे वलयागारसंठाणसंठिते सव्वतो समंता संपरिक्खित्ताणं चिट्ठति लवणे णं भंते समुद्दे किं समचक्कवालसंठिते विसमचक्कवालसंठिते गोयमा समचक्कवालसंठिते नो विसमचक्कवाल संठिते लवणे णं समुद्दे दो जोयणसतसहस्साइं चक्कवालविक्खंभेणं पन्नरस जोयणसयसहस्साइं एगासीइसहस्साई सयमेगोणचत्तालीसे किंचिविसेसूणं परिक्खेवणं से णं एक्काए पउमवरवेइयाए एगेणं य वणसंडेणं सव्वतो समंता संपरिक्खित्ते चिट्ठइ दोण्हवि वण्णओ सा णं पउमवरवेइया अद्धजोयणं उड्ढे उच्चत्तेणं पंच धणुसयविक्खंभेणं लवणसमुद्दसमिया परिक्खेवेणं सेसं तहेव से णं वणसंडे देसूणाई दो जोयणाइं जाव विहरइ लवणस्स णं भंते समुद्दस्स कति दारा पन्नत्ता गोयमा चत्तारि दारा पन्नत्ता तं जहा- विजए वेजयंते जयंते अपराजिते कहि णं भंते लवणसमुदस्स विजए नामं दारे पन्नत्ते गोयमा लवणसमुदस्स पुरत्थिमपेरंते धायइसंडदीवपुरत्थिमद्धस्स पच्चत्थिमेणं सीओदाए महानदीए उप्पिं एत्थ णं लवणस्स समुद्दस्स विजए नामं दारे पन्नत्ते जंबुद्दीवविजयसरिसे जाव अट्ठमंगलगा से केणतुणं भंते एवं वुच्चति-विजए दारे विजए दारे जो अट्ठो जंबुद्दीवगस्स कहिं णं भंते लवणगस्स विजयस्स देवस्स विजया नामं रायहाणी पन्नत्ता गोयमा विजयस्स दारस्स पुरत्थिमेणं तिरियमसंखेज्जे अण्णंमि लवणसमुद्दे बारस जोयणसहस्साइं ओगाहित्ता एत्थ णं विजयस्स देवस्स विजया
दीपरत्नसागर संशोधितः]
[93]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |