Page Text
________________
पच्चत्थिमेमं उत्तरेणं जंबूए णं सुदंसणाए उत्तर-पुरत्थिमेणं पढमं वनसंड पन्नासं जोयणाई ओगाहित्ता एत्थ णं महं चत्तारि नंदापुक्खरिणीओ पन्नत्ताओ तं जहा- पउमा पउमप्पभा चेव कुमुदा कुमुदप्पभा ताओ णं नंदाओ पुक्खरिणीओ कोसं आयामेणं अद्धकोसं विक्खंभेणं पंचधणुसयाइं उव्वेहेणं वण्णओ पत्तेयंपत्तेयं पउमवरवेइया परिक्खित्ताओ पत्तेयं-पत्तेयं वनसंडपरिक्खित्ताओ वण्णओ तासि णं पुक्खरिणीणं पत्तेयं-पत्तेयं चउद्दिसिं चत्तारि तिसोवाणपडिरूवग पन्नत्ता वण्णओ जाव तोरणा तासि णं नंदापुक्खरिणीणं बहुमज्झदेसभाए एत्थ णं महं एगे पासायव.सए पन्नत्ते-कोसप्पमाणे अद्धकोसं विक्खंभो सो चेव वण्णओ जाव सीहासणं सपरिवारं एवं दक्खिण-पुरत्थिमेणं वि पन्नासं जोयणाइं ओगाहित्ता चत्तारि नंदा पुक्खरिइणीओ उप्पलगुम्मा नलिणा उप्पला उप्पलुज्जला तं चेव पमाणं तहेव पासायवडेसंगो तप्पमाणो एवं दक्षिण-पच्चत्थिमेणवि पन्नासं जोयणाई नवरं भिंगा भिंगणिभा चेव अंजणा कज्जलप्पभा सेसं तं चेव जंबूए णं सुदंसणाए उत्तर-पच्चत्थिमेणं पढमं वणसंडं पन्नासं जोयणाई ओगाहित्ता एत्थ णं चत्तारि नंदाओ पुक्खरिणीओ पन्नत्ताओ तं जहा- सिरिकता सिरिचंदा सिरिनिलया चेव सिरिमहिया तं चेव पमाणं तहेव पासायवडेंसओ ।
जंबूए णं सुदंसणाए पुरथिमिल्लस्स भवणस्स उत्तरेणं उत्तर-पुर्थमिमिल्लस्स पासायवडेंसगस्स दाहिणेणं एत्थ णं महं एगे कूडे पन्नत्ते-अट्ठ जोयणाई उड्ढं उच्चत्तेणं दो जोयणाई उव्वेहेणं मूले अट्ठ जोयणाई विक्खंभेणं मज्झे छ जोयणाइं विक्खंभेणं उवरिं चत्तारि जोयणाइं विक्कंभेणं मूले सातिरेपडिवत्ति-३
गाइं पणुवीसं जोयणाइं परिक्खेवेणं मज्झे सातिरेगाइं अट्ठारस जोयणाइं परिक्खेवेणं उवरिं सातिरेगाइं बारस जोयणाई परिक्खेवेणं मूले विच्छिण्णे मज्झे संखित्ते उप्पिं तणुए गोपुच्छसंठाणसंठिए सव्वजंबूनयामए अच्छे जाव पडिरूवे से णं एगाए पउमवरवियाए एगेण य वणसंडेण सव्वतो समंता संपरिक्खित्ते दोण्हवि वण्णओ तस्स णं कूडस्स उवरिं बहुसमरमणिज्जे भूमिभागे पन्नत्ते जाव मणीणं तणाय य सद्दो तस्स णं बहुसमरमणिज्जस्स भूमिभागस्स बहुमज्झदेसभाए एगं सिद्धायतणं-कोसप्पमाणं सव्वा सिद्धायतणवत्तव्वया जंबूए णं सुदंसणाए पुरथिमिल्लस्स भवणस्स दाहिणेणं दाहिण-पुरथिमिल्लस्स पासायवडेंसगस्स उत्तरेणं एत्थ णं महं एगे कूडे पन्नत्ते तं चेव पमाणं सिद्धायतणं च जंबूए णं सुदंसणाए दाहिणिल्लस्स भवणस्स पुरत्थिमेणं दाहिण-पुरत्थिमिल्लस्सपासायवडेंसगस्स पच्चत्थिमेणं एत्थ णं महं एगे कूडे पन्नत्ते तं चेव पमाणं सिद्धायतणं च जंबूए णं सुदंसणाए दाहिणिल्लस्स भवणस्स पच्चत्थिमेणं दाहि-णपच्चत्थि मिल्लस्स पासायवडेंसगस्स पुरत्थिमेणं एत्थ णं महं एगे केडू पन्नत्ते तं चेव पमाणं सिद्धा-यतणं च जंबूए णं सुदंसणाए पच्चत्थिमिल्लस्स भवणस्स दाहिणेणं दाहिण-पच्चत्थिमिल्लस्स पासाय-वडेंसगस्स उत्तरेणं एत्थ णं महं एगे कूडे पन्नत्ते तं चेव पमाणं सिद्धायतणं च जंबूए णं सुदंसणाए पच्चत्थिमिल्लस्स भवणस्स उत्तरेणं उत्तर-पच्चत्थिमिल्लस्स पासायवडेंसगस्स दाहिणेणं एत्थ णं महं एगे कूडे पन्नत्ते तं चेव पमाणं सिद्धायतणं च जंबूए णं सुदंसणाए उत्तरिल्लस्स भवणस्स पच्चत्थिमेणं उत्तर-पच्चत्थि-मिल्लस्स पासायवडेंसगस्स पुरत्थिमेणं एत्थ णं महं एगे कूडे पन्नत्ते तं चेव पमाणं सिद्धायतणं च जंबूए णं सुदंसणाए उत्तरिल्लस्स भवणस्स पुरत्थिमेणं उत्तर-पुरथिमिल्लस्स पासायवडेंसगस्स पच्चत्थिमेणं एत्थ णं महं एगे कूडे पन्नत्ते तं चेव पमाणं तहेव सिद्धायतणं जंबूए णं सुदंसणाए तुवालस नामधेज्जा पन्नत्ता [तं जहा]
[१९२] सुदंसणा अमोहा य सुप्पबुद्धा जसोधरा ।।
दीपरत्नसागर संशोधितः]
[92]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |