Page Text
________________
अभिरूवे पडिरूवे उभओ पासिं दोहि य पउमवरवेइयाहिं वणसंडेहिं सव्वतो समंता संपरिक्खित्ते दोण्हवि वण्णओ नीलवंतद्दहस्स णं दहस्स तत्थ-तत्थ देसे तहिं-तहिं बहवे तिसोमाणपडिरूवगा पन्नत्ता वण्णओ तेसि णं तिसोमाणपडिरूवगाणं पुरतो पत्तेयं-पत्तेयं तोरणे पन्नत्ते वण्णओ लतस्स नीलवंतद्दहस्स बहमज्झ-देसभाए एत्थ णं महं एगे पउमे पन्नत्ते-जोयणं आयाम-विक्खंभेणं अद्धजोयणं बाहल्लेणं दस जोयणाई उव्वेहेणं दो कोसे ऊसिते जलंतातो सातिरेगाई दसजोयणिं सव्वग्गेणं पन्नत्ते तस्स णं पउमस्स अयमेयारूवे वण्णावासे पन्नत्ते तं जहा- वइरामए मले रिहामए कंदे वेरुलियामए नाले वेरुलियामया बाहिरपत्ता जंबूनयमया अभिंतरपत्ता तवणिज्जमया केसरा कणगमई कण्णिय नानामणिमया पुक्खरत्थिभुया सा णं कण्णिया अद्धजोयणं आयाम-विक्खंभेणं कोसं बाहल्लेणं सव्वप्पणा कणगमई अच्छा जाव पडिरूवा तीसे णं कण्णियाए उवरिं बहसमरमणिज्जे भूमिभागे जाव मणीणं वण्णो गंधो फासो तस्स णं बहुसमर-मणिज्जस्स भूमिभागस्स बहुमज्झदेसभाए एत्थ णं महं एगे भवणे पन्नत्ते-कोसं आयामेणं अद्धकोसं विक्खंभेणं देसूणं कोसं उड्ढे उच्चत्तेणं अणेगखंभसतसंनिविटुं वण्णओ जाव दिव्वतुडियसद्दसंपणाइए अच्छे जाव पडिरूवे तस्स णं भवणस्स तिदिसिं ततो दारा पन्नत्ता तं जहापुरत्थिमेणं दाहिणेणं
उत्तरेणं पडिवत्ति-३
ते णं दारा पंचधणुसयाइं उड्ढं उच्चत्तेणं अड्ढाइज्जाइं धणुसताइं विक्खंभेणं तावतयं चेव पवेसेणं सेया वरकणगथूभियागा दारवण्णओ जाव वणमालाओ ।
तस्स णं भवणस्स उल्लोओ अंतो बहसमरमणिज्जो भूमिभागो जाव मणीणं वण्णो गंधो फासो तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं मणिपेढिया पन्नत्ता-पंचधणुसयाइं आयाम-विक्खंभेणं अड्ढाइज्जाइं धणुसताइं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे देवसयणिज्जे पन्नत्ते सयणिज्जवण्णओ तस्स णं भवणस्स उप्पिं अट्ठमंगलगा जाव सहस्सपत्तहत्थगा से णं पउमे अण्णेणं अट्ठसतेणं तदद्धुच्चत्तप्पमाणमेत्ताणं परमाणं सव्वतो समंता संपरिक्खित्ते ते णं पउमा अद्धजोयणं आयाम-विक्खंभेणं कोसं बाहल्लेणं दस जोयणाई उव्वेहेणं कोसं ऊसिया जलंताओ साइरेगाइं दस जोयणाइं सव्वग्गेणं पन्नत्ताई तेसि णं परमाणं अयमेयारूवे वण्णावासे पन्नत्ते तं जहावइरामया मूला जाव कणगामईओ कण्णियाओ नाणामणिमया पुक्खरत्थिभुगा ताओ णं कण्णियाओ कोसं आयाम-विक्खंभेणं अद्धकोसं बाहल्लेणं सव्वकणगामईओ अच्छाओ जाव पडिरूवाओ तासि णं कण्णियाणं उप्पिं बहुसमरमणिज्जा भूमिभागा जाव मणीणं वण्णो गंधो फासो तस्स णं पउमस्स अवरुत्तरेणं उत्तरेणं उत्तरपुरत्थिमेणं नीलवंतस्स नागकुमारिंदस्स नागकुमाररण्णो चउण्हं सामाणियसाहस्सीणं चत्तारि पउमसाहस्सीओ पन्नत्ताओ एतेणं सव्वो परिवारो पउमाणं भाणियतव्वो से णं पउमे अण्णेहिं तिहिं पउमपरिक्खेवेहिं सव्वतो समंता संपरिक्खित्ते तं जहाअभिंतरेणं मज्झिमेणं बाहिएणं अब्भितरए पउमपरिक्खेवे बत्तीसं पउमसयसाहस्सीओ पन्नत्ताओ मज्झिमए पउमपरिक्खेवे चत्तालीसं एवमेव सपुव्वावरेणं एगा पठमकोडी वीसं च पउमसतसहस्सा भवंतीति मक्खायं, से केणतुणं भंते एवं वुच्चतिनीलवंतबहे नीलवंतबहे गोयमा नीलवंतबहे णं तत्थ-तत्थ देसे तहिंतहिं बहूइं उप्पलाइं जाव सहस्सपत्ताइं नीलवंतप्पभाई नीलवंतागारइं नीलवंतवण्णाइं नीलवंतवण्णाभाई नीलवंते एत्थ नागकुमारिंदे नागकुमारराया महिढिए जाव पलिओवमद्वितीए परिवसति से णं तत्थ चउण्हं सामाणिय-साहस्सीणं जाव सोलसण्हं आयरक्खदेवसाहस्सीणं नीलवंतद्दहस्स नीलवंताए य रायहाणीए
[दीपरत्नसागर संशोधितः]
[89]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |