Page Text
________________
समणाउसो उत्तरकुराए णं भं कुराए कतिविधा मणुया अनुसज्जंति गोयमा छवविहा मनुया अनुसज्जंति तं जहा- पउमगंधा मियगंधा अममा तेतली सहा सणिचरा ।
[१८६] कहि णं भंते उत्तरकुराए जमगा नाम दुवे पव्वता पन्नत्ता गोयमा नीलवंतस्स वासध-रपव्वयस्स दाहिणिल्लाओ चरिमंताओ अट्ठचोत्तीसे जोयणसत्ते चत्तारि य सत्तभागे जोयणस्स अबाधाए सीताए महानदीए पुरत्थिम-पच्चत्थिमेणं उभओ कूले एत्थ णं उत्तरकुराए जमगा नाम दुवे पव्वता पन्नत्ता-एगमेगं जोयणसहस्सं उड्ढं उच्चत्तेणं अड्ढाइज्जाई जोयणसताणि उव्वेहेणं मूले एगमेगं जोयण-सहस्सं आयामविक्खंभेणं मज्झे अद्धट्ठमाइं जोयणसताई आयाम - विक्खंभेणं उवरिं पंचजोयणसयाई आयाम-विक्खंभेणं मूले तिण्णि जोयणसहस्साइं एगं च बावट्ठे जोयणसतं किंचिविसेसाहियं परिक्खेवेणं पन्नत्ता मज्झे दो जोणसहस्साइं तिण्णि य बावत्तरे जोयणसते किंचिविसेसाहिए परिक्खेवेणं पन्नत्ता उवरिं एगं जोयणसहस्सं पंच य एक्कासीते जोयणसते किंचिविसेसाहिए परिक्खवेणं पन्नत्ता मूले विच्छिण्णा मज्झे संखित्ता उप्पिं तणुया गोपुच्छसंठाण-संठिता सव्वकणगामया अच्छा जाव पडिरूवा पत्तेयं-पत्तेयं
पडिवत्ति-३
पउम-वरवियापरिक्खित्ता पत्तेयं पत्तेयं वनसंडपरिक्खित्ता वण्णओ तेसि णं जमगपव्वयाणंउप्पिं बहुसमरमणिज्जा भूमिभागा पन्नत्ता वण्णओ जाव आसयंति तेसि णं बहुसमरमणिज्जाणं भूमिभागाणं बहुमज्झदेसभाए पत्तेयं-पत्तेयं पासायवडेंसगा पन्नत्ता ते णं पासायवडेंसगा बावट्ठि जोयणाइं अद्धजोयणं च उड्ढं उच्चत्तेणं एकत्तीसं जोयणाई कोसं च विक्कंभेणं अब्भुग्गतमूसित पहसिता वण्णओ उल्लोए भूमिभागो मणिपेढिया दो जोयणाई आयाम - विक्खंभेणं जोयणं बाहल्लेणं सीहासणं विजयसे अंकुसा दामा णं च मुणेतव्वे विधी जावतेसि णं सीहासणाणं अवरुत्तरेणं उत्तरेणं उत्तरपुरत्थिमेणं एत्थ णं जगाणं देवाणं पत्तेयं-पत्तेयं चउण्हं सामाणियसाहस्सीणं चत्तारि भद्दासणसाहस्सीओ पन्नत्ताओ परिवारो वत्तव्वो तेसि णं पासायवडेंसगाणं उप्पिं अट्ठट्ठमंगलगा जाव सहस्सपत्तहत्थगा से केणणं भंते एवं वुच्चति-जमगा पव्वता जमगा पव्वता गोयमा जमगपव्वतेसु णं खुड्डा - खुड्ड्डयासु जाव बिलपंतियासु बहूइं उप्पलाई जाव सहस्सपत्ताइं जमगप्पभाई जमगागाराई जमगवण्णाइं जमगा य एत्थ दो देवा महिड्ढिया जाव पलिओवमट्ठितीया परिवसंति ते णं तत्थ पत्तेयं-पत्तेयं चउण्ह सामाणियसाहस्सीणं जाव सोलसण्हं आयरक्खदेवसाहस्सीणं जमगपव्वताणं जमगाण य रायहाणीणं अण्णेसिं च बहूणं वाणमंतराणं देवाण य देवीण य आहेवच्चं जाव पालेमाणा विहरंति से तेणट्टेणं गोयमा एवं वुच्चति जमगा पव्वता जमगा पव्वता अदु च णं गोयमा जाव निच्चा कहि णं भंते जमगाणं देवाणं जमगाओ नाम रायहाणीओ पन्नत्ताओ गोयमा जमगपव्वयाणं उत्तरेणं तिरियमसंखेज्जे दीवसमुद्दे वीइवइत्ता अण्णंमि जंबुद्दीवे दीवे बारस जोयणसहस्साइं ओगाहित्ता एत्थ णं जमगाणं देवाणं जमगाओ नाम रायहाणीओ पन्नत्ताओ- बारस जोयणसहस्साइं जहाविजयस्स जाव एमहिड्ढिया जमगा देवा जमगा देवा ।
[१८७] कहि णं भंते उत्तरकुराए कुराए नीलवंतद्दहे नामं दहे पन्नत्ते गोयमा जमगपव्वाणं दाहिणिल्लाओ चरिमंताओ अट्ठचोत्तीसे जोयणसते चत्तारि सत्तभागा जोयणस्स अबाहाए सीताए महानईए बहुमज्झदेसभाए एत्थ णं उत्तरकुराए कुराए नीलवंत हे नामं दहे पन्नत्ते - उत्तरदक्खिणायते पाईणपडीणविच्छिण्णे एगं जोयणसहस्सं आयामेणं पंच जोयणसताइं विक्खंभेणं दस जोयणाइं उव्वेहेणं अच्छे सण्हे रययामयकूले जाव अणेगसउणगणमिथुइणपविचरिय-सद्गुण्णइयम-हुरसरणाइयए पासादीए दरिसणिज्जे [दीपरत्नसागर संशोधितः ] [१४- जीवाजीवाभिगमं ]
[88]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |