Page Text
________________
वा कंटएति वा हीएति वा सक्कराति वा तणकयवराति वा पत्तकयवराति वा असुईति वा पूइयातिवा दुब्भि-गंधाति वा अचोक्खाति वा नो तिणढे समढे ववगयखाणु-कंटक-हीर-सक्कर-तणकयवर-पत्तकयवरअसुई-पूइय-दुब्भिगंधमचोक्खपरिव-ज्जिया णं उत्तरकुरा पन्नत्ता समणाउसो अत्थि णं भंते उत्तरकुराए कुराए गड्डाति वा दरीति वा घसीति वा भिगूति वा विसमेति वा धूलीति वा पंकेति वा चलणीति वा नो तिणढे समढे उत्तरकुराए णं कुराए बहुसमरमणिज्जे भूमिभागे पन्नत्ते समणाउसो अत्थि णं भंते उत्तरकुराए कुराए दंसाति वा मसगाति वा ढिंकणाति वा जूवाति वा लिक्खाति वा नो तिणढे समट्टे ववगतोवद्दवा णं उत्तरकुरा पन्नत्ता समणाउसो अत्थि णं भंते उत्तरकुराए कुराए अहीति वा अयगराति वा महोरगाति वा हंता अत्थि नो चेव णं ते अण्णमण्णस्स तेसिं वा मणुयाणं किंचि आबाहं वा वाबाहं वा छविच्छेयं वा करेंति पगइभद्दगा णं ते बालगणा पन्नत्ता समणाउसो अत्थि णं भंते उत्तरकुराए कुराए गहदंडाति वा गहमुसलाति वा गहगज्जिताति वा गहजुद्धाति वा गहसंघाडगाति वा गहअवसववति वा पडिवत्ति-३
अब्भाति वा अब्भरुक्खाति वा संझाति वा गहजुद्धाति वा गहसंघाडगाति वा गहअवसव्वाति वा अब्भाति वा अब्भरुक्खाति वा संझाति वा गंधव्वनगराति वा गज्जितातिवा विज्जुताति वा उक्कापाताति वा दिसादाहाति वा निग्घाताति वा पंसुविट्ठीति वा जूवगाति वा जक्खालित्ताति वा धूमियाति वा महियाति वा रउग्धाताति वा चंदोवराति वा सूरोवरागाति वा चंदपरिवेसाति वा सूरपरिवेसाति वा पडिचंदाति पडिसूराति वा इंदधणूति वा उदगमच्छाति वा कविहसियाति वा अमोहाति वा पाईणवायाति वा पडीणवायाति वाजाव सुद्धवाताति वा गामदाहाति वा नगरदाहाति वा जाव सण्णि-वेसदाहाति वा पाणक्खय-भूतक्खयकुलक्खयाति वा नो तिणट्टे समटे ।
अत्थि णं भंते उत्तरकुराए कुराए डिंबाति वा डमराति वा कलहाति वा बोलाति वा खाराति वा वेराति वा महाजुद्धाति वा महासंगामाति वा महासन्नाहाति वा महापुरिसनिपडणाति वा महासत्थनिडणाति वा ववगतडिंब-डमर-कलह-बोल-खार-वेराणं ते मणयगणा पन्नत्ता समणाउसो अत्थि णं भंते उत्तरकुराए कुराए इब्भूयाति वा कुलरोगाति वा गामरोगाति वा नगररोगाति वा मंडलरोगाति वा पंडुरोगाति वा पोट्टरोगाति वा सिरोवेदणाति वा अच्छिवेदणाति वा कण्णवेदणाति वा नखवेदणाति वा दंतवेद-णाति वा कासाति वा सासाति वा सोसाति वा जराति वा दाहाति वा कच्छति वा खसराति वा कट्ठाति वा अरि-साति वा अजीरगाति वा भगंदलाति वा इंदग्गहाति वा खंदग्गहाति वा कुमारग्गहाति वा नागरगहाति वा जक्खग्गहाति वा भूतग्गहाति वा धणुग्गहाति वा उव्वेगाति वा एगाहियाति वा बेयाहियाति वा तेयाहियाति वा चाउत्थगाहियाति वा हिययसूलाति वा मत्थगसूलाति वा पाससूलाति वा कुच्छिसूलाति वा जोणिसूलाति वा गाममारीति वा जाव सन्निवेसमारीति वा पाण-क्खयाति वा जणक्खयाति वा धणक्खायति वा कुलक्खयाति वा वसणभूतमणारियाति वा नो तिणढे समढे ववगतरोगातंका गं ते मणुयगणा पन्नत्ता समणाउसो तेसि णं भंते मण्या णं केवतिकालं ठिती पन्नत्ता गोयमा जहण्णेणं देसूणिं तिण्णि पलिओवमाई पलिओवमस्स असंखेज्जतिभागेणं ऊणगाणि उक्कोसेणं तिण्णि पलिओवमाइं, ते णं भंते मण्या कालमासे कालं किच्चा कहिं गच्छंति कहिं उववज्जति गोयमा ते णं मणुया छम्मासावेसाउया जुयलगं पसवंति पसवित्ता एगूणपन्नं राइंदियाइं अनुपालेंति अनुपालेत्ता कासित्ता छीइत्ता जंभाइत्ता अक्किट्ठा अव्वहित्ता अपरियाविया कालमासे कालं किच्चा देवलोएस उववज्जंति देवलोगपरिग्गहिया णं ते मणुयगणा पन्नत्ता
दीपरत्नसागर संशोधितः]
[87]
[१४-जीवाजीवाभिगमं]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |