Page Text
________________
ममत्तभावे समुप्पज्जति अत्थि णं भंते उत्तरकुराए कुराए रायाति वा जुवरायाति वा ईसरेति वा तलवरेइ वा कोडुबि-एति वा मांडबिएति वा इब्भेति वा सेट्ठीति वा सेणावतीति वा सत्थवाहेति वा नो तिणढे समढे ववग-यइढिसक्कारा णं ते मण्यगणा पन्नत्ता समणाउसो अत्थि णं भंते उत्तरकुराए कुराए दासेति वा पेसेति वा सिस्सिति वा भयगेति वा भाइल्लगेति वा कम्मरएति वा नो तिणढे समढे वगगतआभिओगिया णं ते मणुयगणा पन्नत्ता समणाउसो अत्थि णं भंते उत्तरकुराए कुराए माताति वा पियाति वा भायाति वा भइणीति वा भज्जाति वा पुत्ताति वा धूयाति वा सुण्हाति वा ता अत्थि नो चेव णं तेसि णं मणुयाणं तिव्वे पेज्जबंधणे समुप्पज्जति पयणुपेज्जबंधणा णं ते मणुयगणापन्नत्ता समणाउसो |
अत्थि णं भंते उत्तरकराए अरीति वा वेरीति वा घातकेति वा वहकेति वा पडिणीएति वा पच्चामित्तेति वा नो तिणढे समढे ववगतवेराणुबंधा णं ते मण्यगणा पन्नत्ता समणुसो अत्थि णं भंते उत्तरकुराए कुराए मित्तेति वा वयंसेति वा सहीति वा सुहिएति वा संगतिएति वा नो तिणट्टे समढे ववगपडिवत्ति-३
तनेहाणरागा ते मणयगणा पन्नत्ता समणाउसो अत्थि णं भंते उत्तरकराए कराए आवाहाति वा वीवाहाति वा जन्नाति वा सद्धाति वा थालिपाकाति वा पितिपिंडनिवेदणाति वा चूलोवणयणाति वा सीमंतोवणयणाति वा नो तिणढे समढे ववगतआवाहवीवाहजन्नसद्धथालिपागपितिपिंडनिवेदणचूलेवणसयणसीमंतो-वणयणा णं ते मणुयगणा पन्नत्ता समणाउसो अत्थि णं भंते उत्तरकुराए कुरे इंदमहातिवा खंदमहाति वा रुद्दमहाति वा सिवमहाति वा वेसमणमहाति वा नागमहाति वा जक्खमहाति वा भूतमहाति वा मगंद महाति वा कूवम-हातिवातलागमहातिवानदिमहातिवा दहमहातिवा पव्वयमहातिवा रुक्खमहाति वा चेइयमहाति वा थभमहाति वा नो तिणढे समढे ववगतमहामहिमा णं ते मणयगणा पन्नत्ता समणसो अत्थि णं भंते उत्तरकुराए कुराए नडपेच्छाति वा नट्टपेच्छाति वा जल्लपेच्छाति वा मल्लपेच्छाति वामुट्ठियपेच्छाति वा वेलंबग-पेच्छाति वाकहगपेच्छाति वा पवगपेच्छाति वा लासगपेच्छाति वा अक्खाइगपेच्छाति वा लंखपेच्छाति वा मंखपेच्छाति वा तणइल्लपेच्छाति वा तंबवीणपेच्छाति वा अक्खाइगपेच्छाति वा लंखपेच्छाति वा मंख-पेच्छाति वा तूणइल्लपेच्छाति वा तुंबवीणपेच्छाति वा कावपेच्छाति वा मागहपेच्छाति वा नो तिणढे समढे ववगतकोउहल्ला णं ते मणउयगणा पन्नत्ता समणाउसो अत्थि णं भंते उत्तरकुराए कुराए सगडाति वा रहाति वा जाणाति वा जुग्गाति वा गिल्लीति वा थिल्लीति वा सीयाति वा संदमाणियाति वा नो तिणढे समढे पादचारविहारिणो णं ते मणुयगणा पन्नत्ता समणाउसो अत्थि णं भंते उत्तरकुराए कुराए-आसाति वा इत्थीति वा उट्टाति वा गोणाति वा महिसाति वा खराति वा घोडाति वा अजाति वा एलाति वा हंता अत्थि नो चेव णं तेसिं मणयाणं परिभोगत्ताए हव्वमागच्छंति अत्थि णं भंते उत्तरकुराए कुराए गावीति वा महिसीति वा उट्टीति वा अयाति वा एलिगति वा हंता अत्थि नो चेव णं तेसिं मणुयाणं परिभोगत्ताए हव्वमागच्छंति ।
अत्थि णं भंते उत्तरकुराए कुराए सीहाति वा वग्धाति वा विगाति वा दीविगाति वा अच्छाति वा परस्पराति वा सियालाति वा विडालाति वा सुणगाति वा कोलसुणगाति वा कोकंतियाति वा ससगाति वा चित्तलाति वा चिल्ललगाति वा हंता अत्थि नो चेव णं ते अण्णमण्णस्स तेसिं वा मणुयाणं किंचि आबाहं वा वाबाहं वा छविच्छेदं वा करेंति पगतिभद्दगा णं ते सावयगणा पन्नत्ता समणाउसो अत्थि णं भंते उत्तरकुरे कुरा सालीति वा वीहिति वा गोधूमाति वा जवाति वा तिलाति वा उक्खूति वा हंता अत्थि नो चेव णं तेसिं मणुयामं परिभोगत्ताए हव्वमागच्छंति अत्थि णं भंते उत्तरकुराए कुराए खाणूति दीपरत्नसागर संशोधितः]
[१४-जीवाजीवाभिगम]
[86]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |