Page Text
________________
सुंदरथण-जहण-वयण-कर-चरण-नयण-ला-वण्ण-वण्ण-रूव-जोव्वण-विलासकलिया नंदनवनचारिणीओव्वं अच्छराओ अच्छेरगपेच्छणिज्जा पासाईयाओ दरिसणिज्जाओ अभिरुवाओ पडिरूवाओ ।
ते णं मण्या ओहस्सरा हेसस्सरा कोंचस्सरा नंदिसस्सरा नंदिधोसा सीहस्सरा सीहधोसा मंजुस्सरा मंजुधोसा सुस्सरा सुस्सरनिग्धोसा पउमुप्पगलगंधसरिसनीसाससुरभिवयणा छवी निरातंकउत्तमपसत्थअइसेस-निरुवमतणू जल्ल-मल-कलंक-सेय-रय-दोसवज्जिय-सरीर-निरुवलेवा छाया-उज्जोइयंगमंगा अनुलोमवाउवेगा कंकग्गहणी कवोतपरिणामा सउणिपोस-पिटुंतरोरुपरिणता विग्गहिय-उन्नयकुच्छी वज्जरिसभनारायसंघयणा समचउरंससंठाणसंठिया छधणुसहस्समूसिया तेसिं मणुयाणं दोछप्पन्नपिट्ठिककरंडगसता पन्नत्ता समणाउसो ते णं मणुया पगतिभद्दगा पगतिउवसंता पगतिपयणुकोहमानमायालोभा मिउमद्दवसंपन्ना अल्लीणा भद्दगा विणीया अप्पिच्छा असंनिहिसंचया अचंडा विडिमंतरपरिवसणा जहिच्छियकामगामिणो य ते मणुयगणा पन्नत्ता समणाउसो तेसि णं भंते मणुयाणं केवतिकालस्स आहारडे पडिवत्ति-३
समुप्पज्जति गोयमा अट्ठमभत्तस्स आहारढे समुप्पज्जति ते णं भंते मणुया किमाहारमाहारेंति गोयमा पुढवीपुप्फफलाहारा ते मणुयगणा पन्नत्ता समणाउसो तीसे णं भंते पुढवीए केरिसए आसाए पन्नत्ते गोयमा से जहानामए गुलेति वा खंडेति वा सक्कराति वा मच्छंडियाति वा पप्फडमोयएति वा भिसकंदेति वा पुप्फुत्तराइ वा पउमुत्तराइ वा विजयाति वा महाविजयाति वा उवमाति वा अणोवमाति वा चाउरक्के वा गोक्खीरे खंडगुलमच्छंडिउवणीए पयत्तमंदग्गिकढिए वण्णेणं उववेते गंधेणं उववेते रसेणं उववेते फासेणं उववेते भवेयारूवे सिया नो तिणढे समढे तीसे णं पुढवीए एत्तो इद्वतराए चेव कंततराए चेव पियतराए चेव मणुण्णतराए चेव मणामतराए चेव आसाए णं पन्नत्ते तेसि णं भंते पुप्फफलाणं केरिसए आसाए पन्नत्ते गोयमा से जहानामए रणो चाउरंतचक्कवट्टिस्स कल्लाणे भोयणे सतसहस्सनिप्फन्ने वण्णेणं उववेते गंधेणं उववेते रसेणं उववेते फासेणं उववेते आसादणिज्जे वीसादणिज्जे दीवणिज्जे दप्पणिज्जे मयणिज्जे बिंहणिज्जे सव्विंदियगातपल्हायणिज्जे भवेयारूवे सिया नो तिणद्वे समझे तेसि णं ५ इतराए चेव जाव मणामतराए चेव आसाए णं पन्नत्ते ।।
ते णं भंते मणुया तमाहारमाहारित्ता कहिं वसहिं उर्वति गोयमा रुक्खगेहालया णं ते मण्यगणा पन्नत्ता समणाउसो ते णं भंते रुक्का किं संठिया पन्नत्ता गोयमा अप्पेगा कडागारसंठिया अप्पेगापेच्छाघरसंठिया अप्पेगा छत्तसंठिया अप्पेगा झयसंठिया अप्पेगाथूभसंठिया अप्पेगा तोरणसंठिया अप्पेगा गोपुरसंठिया अप्पेगा वेइयसंठिया अप्पेहा चोप्पालसंठिया अप्पेगा अट्टालग संठिया अप्पेगा वीहिसंठिया अप्पेहा वपासायसंठिया अप्पेगा हम्मियतलसंठिया अप्पेगा गवक्खसंठिया अप्पेगा वालग्गपोतियसंठिया अप्पेगा बलभीसंठिया अप्पेगा वरभवणविसिट्ठ-संठाण-संठिया सुहसीयलच्छाया णं ते दुमगणा पन्नत्ता समणाउसो अत्थि णं भंते उत्तरकराए कराए गेहाणि वा गेहाययणाणि वा नो तिणद्वे समटे रुक्खगेहालया णं ते मण्यगणा पन्नत्ता समणाउसो अत्थि णं भंते उत्तरकराए कराए गामाति वा नगराति वा जाव सन्निवेसाति वा नो तिणढे समढे जहिच्छियकामगामिणो णं ते मण्यगणा पन्नत्ता समणुसो अत्थि णं भंते उत्तरकुराए कुराए असीति वा मसीति वा किसीति वा विवणीति वा पणीति वा वाणिज्जाति वा नो तिणद्वे समढे ववगयअसिमसिकिसिविवणिपणिवाणिज्जा णं ते मणयगणा पन्नत्ता समणाउसो अत्थि णं भंते उत्तरकुराए कुरए हिरण्णेति वा सुवण्णेति वा कंसेति वा दूसेति वा मणिमोत्तियसंखसिलप्पवा-लसंतसारसावएज्जेति वा हंता अत्थि नो चेव णं तेसिं मणुयाणं तिव्वे
[दीपरत्नसागर संशोधितः]
[85]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |