Page Text
________________
एगदंतसेढिव्व अणेगदंता हुतवहनिदंतधोत-तत्ततवणिज्ज-रत्ततलतालुजीहा गरुलायत-उज्जुतुंगणासा कोकासित-धवलपत्तलच्छा विप्फालिय-पुंडरीयनयणा आणामियचावरुइल-तणु-कसिण-निद्धभुया अल्लीणप्पमाणजुत्त-सवणा सुसवणा पीम-मंसल-कवोल-देसभागा निव्वण-सम-लट्ठ-मट्ठ-चंदद्दसमनिडाला उडुवतिपडिपुन्नसोमवदणा धणणिचियसुबद्धलक्ख-नुण्णयकूडागारणिभ-पिंडियसिरा छत्तागारुत्तमंगदेसा दाडिमपुप्फपगास-तवणिज्जसरिस-निम्मल-सुजाय-केसंतकेसभूमी सामलिबोंडधणाणि-चियछोडियमिउविसयप-सत्थसुहमलक्खण-सुगंधसुंदर-भुयभमोयगभिंगि-नील-कज्जल-पहQभमरगणनिद्ध-निरंबनि-चियकुंचिय-पयाहिणावत्त-मुद्धसिरया लक्खणवंजणगुणोववेया सुजायसुविभत्तसुरूवगा पासाईया दरिसणिज्जा अभिरूवा पडिरूवा ।
णं भं
केरिसए आगारभावपडोयारे पन्नत्ते गोयमा ताओ णं पडिवत्ति-३
मणुईओ सुजायसव्वंगसुंदरीओ पहाणमहेलागुणजुत्ताओ अइकंग-विसप्पमाण-पउमसूमाल-कुम्मसंठितविसिहचलणा उज्जु-मउय-पीवर-पुट्ठ-साहयंगुलीओ उण्णय-रतिय-तलिणतंव-सुइ-निद्धणखा रोमरहिय-वट्टलट्ठसंठिय-अजहण्णपसत्थलक्खणजंध-जुयला सुणिम्मिय-सुगूढजाणू मंसलसुबद्धसंधी कयलीखंभातिरेगसंठिय-निव्वण-सुकुमल-मउय-कोमल-अविरल-सम-संहत-सुजात-वट्ट-पीवर-निरंतरोरू अट्ठावयवीचियपट्टसंठिय-पसत्थ-विच्छिण्ण-पिहुलसोणी वदणाया मप्पमाणदुगुणितविलास-मंसलसुबद्धजहणवरधारणीओ वज्जविराइय-पसत्थलक्खनिरोदरा तिव-लियलिय-तणुणमियमज्झिआओ उज्जुय-समसंहित-जच्चतणुकसिण-निद्ध-आदेज्ज-लडह-सुवि-भत्त-सुजात-सोभंत-रुइल-रमणिज्जरोमराई गंगावत्तय-पयाहिणावत्ततरंगभं-गुर-रविकिरण-तरुणबोधिय-आकोसायंतपउम-गंभीरवियडणाभा अनुब्भड-पसत्थ-पीणकुच्छी सण्णयपासा संगयपासा सुंदरपासा सुजायपासा मितमाइयपीणरइयपासा अकरंडुय-कणगरुयगनिम्मलसुजायनिरुवहय-गातलट्ठी कंचणकलस-सुप्पमाण-सम-संहित-सुजात-लट्ठचूचुयआमेलगाजमलजुगल-वट्टियअब्भुण्णयर-तियसंठियपयोधराओ भुजंगअनुपुव्वतणुय-गोपुच्छवट्टसम-संहिय-नमिय-आएज्ज-ललियवाहा तंबणहा मंसलग्गहत्था पीवरकोमलवरंगुलीआ निद्धपालिणेहा रवि-ससि-संख-चक्क-सोत्थिय-विभत्तसुविरइयपाणिलेहा पीणुन्नयकक्ख-वक्ख-वत्थिप्पदेसा पडिपुन्नगलकबोला चउरंगुलसुप्पमाणकंबुवरसरिसमीवा मंसल-संठिय-पसत्थहणुया दाडिम-पुप्फप्पगास-पीव-रपवराधरा सुंदरोत्तरोट्ठा दधिदगरयचंदकुंदवासंतिमउलधवल-अच्छिद्द-विमलदसणा रत्तुप्पलरत्त-मउयसूमाल-तालुजीहा कणइरमउलअब्भुग्गय-उज्जुतुंगणासा सारयणवकम-लकुमुदकुवलयवि-मुक्कदल-निगरसरिस-लक्खणअंकियनयणा पत्तल-चवलायंत-तंबलोयणाओ आणामि-तच्चाव-रुइल-किण्हब्भराइसंठिय-संगत-आयय-सुजात-तणु-कसिणनिद्धभमुया अल्लीण-पमाणजुत्तं-सवणा पीण-मट्ठ-रमणिज्जगंडलेहा चउरंस-पसत्थ-समणिडासला कोमुइरयणिकर-विमलपडिपुन्न-सोमवयणा छत्तुन्नयउत्तिमंगा कुडिल-सुसिणिद्ध-दीहसिरया छत्त-ज्झयजूव-थूभ-दामिणि-कमंडलु कलस-वावि-सोत्थिय-पडाग-जव-मच्छ-कुम्म-रहवर-मगर-सुक-थाल-अंकुस-अट्ठावयसुपइ-दुक-मऊर-सिरिदामाभिसेय-तरण-मेइणि-उदधि वरभवण-गिरि-वरआयंस-ललि-यगय-उसभ-सीह-चामरउत्तमपसत्थबत्तीसलक्खणधरीओ हंसस-रिसगतीओ कोई
-सस्सराओ कंताओ सव्वस्स अनुमयाओ ववगतवलिपलिया वंग-दुव्वण्ण-वाही-दोभग्ग-सोग-मुक्काओ उच्चत्तेण य नराण थोवूणमूसियाओ सभावसिंगारचरुवेसा संगय-गय-हसिय-भणिय-चेट्ठिय-विलास-सेलाव-निउणजुत्तोवयारकुसला
दीपरत्नसागर संशोधितः]
[84]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |