Page Text
________________
तहेव ते मणियंगावि दुमगणा अणेबविविहवीससापरिणताए भूसणविहीए उववेया कुसविकुसविसुद्धरुक्खमूला जाव चिह्रति उत्तरकुराएओ णं कुराए तत्थ-तत्थ देसे तहिं-तहिं बहवे गेहागारा नाम दुमगणा पन्नत्ता समणाउसो जहा- से पागारट्टालग-चरिय-दार-गोपुर-पासायाकासतल-मंडव-एगसालग
बिसालगतिसालग-चउसा-लग-गब्भघर-मोहणधर-वलभिधर-चित्तसालमा-लय-भत्तिधरवट्टतंसचउरंसनंदियावत्तसंठिया पंडुरतलमुंडमालहम्मियं अहव णं धवलहर-अद्ध-मागहविब्भमसेलद्धसेलसुट्ठिय-कूडागारड्ढ-सुविहिकोढग-अमेगधर-सरण-लेणं-आवणा विडंग-जालवंद-निज्जूह-अपवरकचंदसालियरूव-विभत्तिकलिता भवणविही बहुविकप्पा तहेव ते गेहागारावि दुमगणा अणेगबहुविधिववीससापरिणयाए सुहारुहण-सुहोत्ताराए सुहनिक्खिमणप्पवेसाए दद्दरसोपाणपंतिकपडिवत्ति-३
लिताए पइरिक्कसुहविहाराए मनोनुकूलाए भवणविहीए उववेया कुस-विकुस-विसुद्धरुक्खमूला जाव चिट्ठति उत्तरकुराए णं कुराए तत्थ-तत्थ देसे तहिं-तहिं बहवे अणिगणा नाम दुमगणा पन्नत्ता समणाउसो जहासे आइगण-खोम-तणुय-कंबल-दुगुल्ल-कोसेज्ज-कालमिगपट्ट-अंसुय-चीणंसुय-पट्टा आभरण-चित्त-सहिणगकल्लाणग-भिंगिणील-कज्जलबवण्ण-रत्त-पीत-सुक्किल-सक्कय-मिगलो-महेमप्प-रल्लग-अवरुत्तर-सिंधुउसभ-दामिल-वंग-कलिंग-नलिणतंतु-मयभत्तिचित्ता वत्थविही बहुप्पकारा हवेज्ज वरपट्टणुग्गता वण्णरागकलित्ता तहेव ते अणिगणावि दुमगणा अमेगबहुविविहवीससापरिणताए वत्थविधीए उववेया कुस-विकुसविसुद्धरुक्खमूला जाव चिट्ठति ।
उत्तरकुराए णं भंते कुराए मणुयाणं केरिसए आगारभावपडोयारे पन्नत्ते गोयमा ते णं मण्या अतीव सोमचारुरूवा भोगुत्तमगयलक्खणा भोगसस्सिरीया सुजायसव्वंग-सुंदरंगा सुपतिट्ठियकुम्मचारु-चलणा रत्तुप्पलपत्त-मउयसुकुमालकोमलतला नग-नगर-मगर-सागर-चक्कंकहरंकलक्खणंकियचलणा अनु-पुव्वसुसाहतंगुलीया उण्णय-तणु-तंबणिद्धणखा संठिय-सुसिलिट्ठ-गूढगुप्फा एणीकुरुविंद-वत्त-वट्टाण-पुव्वजंघा समुग्ग-निमग्ग-गूढजाणू गयससण-सुजात-सण्णिभोरू वरवारणमत्ततुल्लविक्कम-विलासितगती पमुइयवरतुरग-सीहलरलट्टियकडी वरतु-रग-सुजातगुज्झदेसा आइण्णहयव्व निरुवलेवा साहसयसोणंदमुसल-दप्पण-निगरितवरकण-गच्छरुसरिस-वरवइरवलितमज्झा उज्जुय-समसंहितसुजात-जच्चत्तणु-कसिण-निद्ध-आदेज्ज-लडह-सुकुमाल-मध्य-रमणिज्जरोमराई गंगावत्तय-पयाहिणावत्ततरंगभंगुर-रविकिरणतरुणबोधिय-आ-कोसायंतपउम-गंभीरवियडणाभा झस-विहग-सुजातपीणकुच्छी झसोदरा सुइकरणा सण्णयपासा संगत-पासा सुंदरपासा सुजातपासा मितमाइय-पीणइयपासा अकरंडुयकणगरुयनिम्मल-सुजाय-निरुवहयदेहधारी कणगसिलातलुज्जल-पसत्थ-समतल-उवचिय-विच्छिण्णपिलवच्छा सिरिवच्चं-कियवच्छा जुगसन्निभपी-णरतियपीवरपउट्ठ-संठियसुसिलिट्ठविसिद्धणथिरसुबद्धसंधी पुरवरफ-लिह-वट्टियभुया भुयगीसरविपुल-भोग-आयाणफलिहउच्छूढ-दीहबाहू रत्ततलोवइत-मध्य-मंसलसुजाय-अच्छिद्दजालपाणी पीवरकोमलवरंगुलीया आतंब-तलिण-सुचि-रुइर-निद्धणक्खा चंदपाणिलेहा सूरपालिणेहा संखपाणिलेहा चक्कपाणिलेहा दिसासो-वत्थियपाणिलेहा चंद-सूर-संख-चक्क-दिसासोवत्थियपाणिलेहा अनेगवरलक्खणुत्तम-पसत्य-सुविरइयपाणि-लेहा वरमहिस-वराह-सीह-सर्दुल-उसभ-नागवरपडिपुन्नविउलखंधा चउरंगुलसुप्पमाण-कंबुवरसरिसगीवा मंस-लसंठिय-पसत्थ-सद्दूलविपुलहणुया अवहितसुविभत्त-चित्तमंसू ओयवियसिलप्पवाल-बिंबफल-सन्निभाह-रोढा पंडुरससिसगल-विमलनिम्मलसंखगोखीरफेणकुंद-दगरयमुणालिया-धवलदंतसेठी अखंडदंता अप्फुडि-यदंता सुजातदंता अविरलदंता [दीपरत्नसागर संशोधितः]
[83]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |