Page Text
________________
उत्तरकुराए णं कुराए तत्थ-तत्थ देसे तहिं-तहिं बहवे तुडियंगा नाम दुमगणा पन्नत्ता समणुसो जहा- से आलिंग-मुइंग-पणव-पडहदद्दरग-करडि-डिंडिम-भंगा-होरंभ-कणिय-खरमुहि-मगुंद-संखियपिरली-वच्चग-परिवाइणि-वंस-वेणु-सुधोस-विपंचि महति-कच्छभि-रग-सिग तल-ताल-कंसताल-सुसंपउत्ता आतोज्ज-विधी बहुप्पगारा निउण-गंधव्वसमयकुसलेहिं फंदिय तिढाणसुद्धा तहेव ते तुडियंगहयावि दुमगणा अणेगबहुविविधवीससारपरिणयाए तत-वितत-धण-झुसिराए चउव्विहाए आतोज्जविहीए उववेया कुस-विकुसविसुद्धरुक्खमूला जाव चिट्ठति उत्तरकुराए णं कुराए तत्थ-तत्थ देसे तहिं-तहिं बहवे दीवसिहा नाम दुमगणा पन्नत्ता समणाउसो जहा- से संझाविरागसमए नवणिहिपतिणो दीविया-चक्कवालविंदे पभूयपडिवत्ति-३
वट्टिपलित्तणेहे धणिउज्जालिए तिमिरमद्दए कणगणिगरण-कुसुमितपारिजातकवणप्पगासे कंचनमणिरयणविमलमहरिहविचित्तदंडाहि दीवियाहिं सहसापज्जालिउस्सप्पियणिद्ध-तेय-दिप्पंतविमलगहगणसमप्पहाहिं वितिमिरकरसूर-पसरिउज्जोय-चिल्लियाहिं जालुज्जल-पहसियाभिरामाहिं सोभेमाणा तहेव ते दीवसिहावि दुमगणा अणेगबहुविविहवीससापरिणयाए उज्जोयविधीए उववेया कुस-विकुसविसुद्धरुक्खमूला जाव चिट्ठति उत्तरकुराए णं कुराए तत्थ-तत्थ-देसे तहि-तहिंबहवे जोतिसिया नाम दुमगणा पन्नत्ता समणाउसो जहासे अचिरुग्गयसरय-सूरमंडल-पड़तउक्कासहस्स-दिप्पं-तविज्जु-उज्जलहुयवहनिमजलिय निदंतधोयतत्ततवणिज्जकिंसुयासोयजासुयमकुसुमविमउलिय पुंज-मणिरयणकिरण-जच्चहिंगुलुयणिगररूवाइरेगरूवा तहेव ते जोतिसियावि दुमगणा अमेगबहुविविहवीससापरिण उज्जोयविहीए उववेया कुस-विकुस-विसुद्धरुक्खमूला जाव चिट्ठति उत्तरकुराए णं कुराए तत्थ-तत्थ देसे तहिंतहिं बहवे चित्तंगा नाम दुमगणा पन्नत्ता समणाउसो जहा- से पेच्छाघरे विचित्ते रम्मे वरकुसुमदाममालुज्जले भासंतमुक्कपप्फपंजोवयारकलिए विरल्लियविचित्तमल्ल-सिरिसमुदयप्पगब्भे गंथिमवेढिमपूरिमसंघाइमेणं मल्लेणं छेयसिप्पिय-विभागरइएण सव्वतो चेव समणुबद्धे पविरल-लंबंत-विप्पइटेहिं पंचवण्णेहिं कुसुमदामेहिं सोमाणे वणमालकतग्गए चेव दिप्पमाणे तहेव ते चित्तंगयावि दुमगणा अणेगबहुविविहवीससापरिणयाए मल्लविहीए उववेया कुस-विकुस-विसुद्धरुक्ख-मूला जाव चिट्ठति उत्तरकुराए णं कुराए तत्थ-तत्थ देसे तहिं-तहिं बहवे चित्तरसा नाम दुमगणा पन्नत्ता समणाउसो जहा- से सुगंधवरकलमसालितंदुल-विसिट्ठणिरुवहत-दुद्धरद्धे सारयघयगुड-खंड-महुमेलिए अति-रसे परमण्णे होज्ज उत्तमवण्णगंधमंते रण्णो जहा- वा चक्कवडिस होज्ज निउणेहिं सुयपुरिसेहिं सज्जिए चउरकप्पसेयसित्ते इव ओदणे कलमसालिणिव्वत्तिए विपक्के सबप्फ-मिठ-विसय-सगलसित्थे अणेगसालणगसंजुत्ते अहवा पडिपुन्नदव्वुवक्खडे सुसक्कए वण्णगंधरसफरिसजुत्त-बलविरियपरिणामे इंदियबलपुट्ठिवद्धणे खुप्पिवासमहणे पहाणगुलकढियखंडमच्छंडिघओवणी-एव्व मोयगे सहसमियगब्भे पन्नत्ते तहेव ते चित्तरसा वि दुमगणा अणेगबहुविविहवीससापरिणयाए भोजणविहीए उववेया कुस-विकुस-विसुद्ध-रुक्ख-मूला जाव चिट्ठति ।
उत्तरकुराए णं कुराए तत्थ-तत्थ देसे तहिं-तहिं बहवे मणियंगा नाम दुगणा पन्नत्ता समणाउसो जहा- से हारहार-वेढणग-मउड-कुंडल-वामुत्तगहेमजाल-मणिजाल-कणगजालग-सुत्तग-ओविय
कडग-खुड्डियाएगावलि-कंठसुत्त-मगरिग-उरत्थगेवेज्ज-सोणिसुत्तग-चूलामणि-कणगतिलग-फुल्लगसिद्धत्थय-कण्णवालि-ससि-सूर-उसभ-चक्कग-तलभंगय-तुडिय-हत्थ-मालग-हरिसय-केयूर-वलय-पालंब
अंगुलेज्जग-वलक्ख-दीणारमालिया-कंची-मेहला-कलाव-पयरग-पारिहेरग-पायजाल-घंडिया-खिंखिणीरयणोरुजाल-वरणेउर-चलणमालिया-कणगणिगलमालिया-कंचणमणिरयणभत्तिचित्ता भस
[दीपरत्नसागर संशोधितः]
[82]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |