Page Text
________________
जोयणसहस्सिं आयामेणं तीसे धणुपडं दाहिणेणं सहिँ जोयणसहस्साई चत्तारि य अट्ठारसुत्तरे जोयणसत्ते दुवालस य एकूणवीसतिभाए जोयणस्स परिक्खेवणं पन्नत्ता उत्तरकुराए णं भंते कुराए केरिसए आगारभावपडोयारे पन्नत्ते गोयमा से जहानामए आलिंगपुक्खरेइ वा जाव तणाणं मणीणं य वण्णो गंधो फासो सद्दो य भाणितव्वो उत्तरकुराए णं कुराए तत्थ-त्थ देसे तहिं-तहिं बहुईओ खुड्डा-खुड्डीयाओ वावीओ जाव बिलपंतियाओ तिसोवामपडिरूवगा तोरणा पव्वयगा पव्वयगेसु आसणाइं घरगा घरएसु आसणाइं मंडवगा मंडवएसु पुढविसिलापट्टगा तत्थ णं बहवे उत्तरकुरा मणुस्सा मणुस्सीओ य आसयंति सयंति जाव फलवित्तिविसेसं पच्चणुभवमाणा विहरंति, उत्तरकुराए णं कुराए तत्थ-तत्थ देसे तहिं-तहिं बहवे सेरियापडिवत्ति-३
गुम्मा जाव महाजाइगुम् ते णं गुम्मा दसवण्णं कुसुमं कुसुमंति जेण कुराए बहुसमरमणिज्जे भूमिभागे वायविहुयग्गसालेहिं मुक्कपुप्फपुंजोवयारकलिए सिरीए अईव उवसोभेमाणे चिट्ठइ उत्तरकुराए णं कुराए तत्थ-तत्थ देसे तहिं-तहिं बहवे रुक्खा हेरुयालवणा भेरुयालवणा मेरुयालवणा सालवणा सरलवणा सत्तवण्णवणा पूयफलिवणा खज्जूरिवणा नालिएरिवणा कुस-विकुस-विसुदधरुक्खमूला मूलमंतो कंदमंतो जाव अणेगसगड-रह-जाण-जुग्ग-गिल्लि-थिल्लि-सीय-संदमाणियपडिमोयणा सुरम्मा पासादीया दरिसणिज्जाअभिरुवा पडिरूवा पत्तेहि य पुप्फेहिय य अच्छण्ण-पडिच्छण्णा सिरीए अतीव-अतीव उवसोभेमाणाउवसोभोमाणा चिट्ठति ।
उत्तरकुराए णं कुराए तत्थ-तत्थ देसे तहिं-तहिं बहवे उद्दालका कोद्दालका मोद्दालका कतमाला नट्टमाला वट्टमाला दंतमाला सिंगमाला संखमाला सेयमाला नाम दुमगणा पन्नत्ता समाणाउसो कुसविकुस-विसुद्धरुक्खमूला जाव चिट्ठति उत्तरकुराए णं कुराए तत्थ-तत्थ देसे तहिं-तहिं बहवे तिलया लउया छत्तोवा सिरीसा सत्तिवण्णा लोद्धा धवा चंदणा अज्जुणा नीवा कुडया कदंबा फणसा साला तमाला पयाला पियंग पारेयवा रायरुक्खा नंदिरुक्खा कस-विकस-विसद्धरुक्खमला जाव चिट्ठति उत्तरकरए णं कुराए तत्थ-तत्थ-देसे हिं-तहिं बहूओ पउमलयाओ नागलयाओ असोगलयाओ चंपगलयाओ चूयलयाओ वणलयाओ वासंतिकलयाओ अइमुत्तकलयाओ कुंदलयाओ सामलयाओ निच्चं कुसुमियाओ जाव वडिंसयधराओ पासादीयाओ दरिसणिज्जाओ अभिरुवाओ पडिरूवाओ उत्तरकुराए णं कुराए तत्थ-तत्थ देसे तहिंतहिं बहुओ वनराईओ पन्नत्ताओ ताओ णं वनराईओ किण्हाओ किण्होभासाओ जाव अणेगसगड-रह-जाणजुग्ग-गिल्लि-थिल्लि-सीयसंद-माणियपडिमोयणाओ सुरम्माओ पासाईयाओ दरिसणिज्जाओ अभिरुवाओ पडिरूवाओ उत्तर-कुराए णं कुराए तत्थ-तत्थ देसे तहिं-तहिं बहवे मत्तंगया नाम दुमगणा पन्नत्ता समणाउसो जहा- से चंदप्पभ-मणिसिलाग-वरधीसु-वरवारूणि-सुजातपत्त-पुप्फ-फल-चोय-निज्जाससार-बहुदव्व-जुत्तसंभारकालसंधियासवा महु-मेरग-रिट्ठाभ-दुद्धजाति-पसन्न-तेल्लग-सता-उखज्जूरमुद्दियासार-काविसायण-सुपक्कखोयरसवरसुरा-वण्णरसगंध फरिसजुत्त-बलवीरिय-परिणामा मज्जविही बहुप्पगारा तहेव ते मत्तंगयावि दुमगणा अणेगबहुविविहवीससापरिणयाए मज्जविहीए उववेया फलेहिं पुन्ना वीसंदंति कुसविकुस-विसुद्ध-रुक्खमूला जाव चिट्ठति उत्तरकुराए णं कुराए तत्थ-तत्थ देसे तहिं-तहिं बहवे भिंगंगया नाम दुमगणा पन्नता समणाउसो जहा- से करग-घडग-कलस-कक्करि-पायंचणि-उदंक-वद्धणि-सुपइट्ठग-विट्ठर-पारीचसग-भिंगार-करोडि-सरग-परग-पत्ती-थाल-मल्लग-चवलिय-दग-वारक-विचित्तवट्टक-मणि-वट्टकसुत्तिचारुपिणय कंचण-मणि-रयण-भत्तिचित्ता भाजणविधी बहुप्पगारा तहेव ते भिंगंगयावि दुमगणा अणेबहुविविहवीससापरिणताए भाजणविधीए उववेया कुस-विकुस-विसुद्धरुक्खमूला जाव चिट्ठति । [दीपरत्नसागर संशोधितः]
[81]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |