Page Text
________________
अणियाहिवईणं सोलसण्हं आयरक्खदेवसाहस्सीणं विजयस्स णं दारस्स विजयाए रायहाणीए अण्णेसिं च बहूणं विजयाए रायहाणीए वत्थव्वगाणं देवाणं देवीण य आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे महयाहयनट्ट-गीय-वाइय-तंती-तल-ताल-तुडिय-घण-मुइंगपडुप्पवाइयरवेणं दिव्वाइं भोगभोगाइं भुंजमाणे विहरइ विजयस्स णं भंते देवस्स केवतियं कालं ठिती पन्नत्ता गोयमा एगं पलिओवमं ठिती पन्नत्ता विजयस्स णं भंते देवस्स सामाणियाणं देवाणं केवतियं कालं ठिती पन्नत्ता गोयमा एगं पलिओवमं ठिती पन्नत्ता एमहिड्ढीए एमहज्जुतीए एमहब्बले एमहायसे एमहासोक्खे
एमहाणुपडिवत्ति-३
भागे विजए देवे विजए देवे ।
___ [१८२] कहि णं भंते जंबुद्दीवस्स दीवस्स वेजयंते नामं दारे पन्नत्ते गोयमा जंबुद्दीवे दीवे मंदरस्स पव्वयस्स दक्खिणेणं पणयालीसं जोयणसहस्साइं अबाधाए जंबुद्दीवे दीवे दाहिणपेरंते लवणसमुद्ददाहिमद्धस्स उत्तरेणं एत्थ णं जंबुद्दीवस्स दीवस्स वेजयंते नामं दारे पन्नत्ते-अट्ठ जोयणाई उड्ढं उच्चत्तेणं सच्चेव सव्वा वत्तव्वता जाव दारे कहि णं भंते रायहाणी दाहिणे णं जाव वेजयंते देवे वेजयंते देवे, कहि णं भंते जंबुद्दीवस्स दीवस्स जयंते नामं दारे पन्नत्ते गोयमा जंबुद्दीवे दीवे मंदरस्स पव्वयस्स पच्चत्थिमेणं पणयालीसं जोयणसहस्सिं जंबुद्दीवे दीवे पच्चत्थिमपेरंत लवणसमद्दपच्चत्थिमद्धस्स पुरत्थिमेणं सीओदाए महानदीए उप्पिं एत्थ णं जंबुद्दीवस्स दीवस्स जयंते नामं दारे पन्नत्ते तं चेव से पमाणं जयंते देवे पच्चत्थिमेणं से रायहाणि जाव एमहिड्ढीए, कहि णं भंते जंबुद्दीवस्स दीवस्स अपराइए नामं दारे पन्नत्ते गोयमा मंदरस्स उत्तरेणं पणयालीसं जोयणसहस्साइं अबाहाए जंबुद्दीवे दीवे उत्तपेरंते लवणसमुद्दस्स उत्तरद्धस्स दाहिणेणं एत्थ णं जंबुद्दीवे दीवे अपराइए नाम दारे पन्नत्ते तं चेव पमाणं रायहाणी उत्तरेणं जाव अपराइए देवे चउण्हवि अण्णंमि जंबद्दीवे |
[१८३] जंबुद्दीवस्स णं भंते दीवस्स दारस्स य दारस्स य एस णं केवतियं अबाधाए अंतरे पन्नत्ते गोयमा अउणासीतिं जोयणसहस्साइं बावण्णं च जोयणाई देसूणं च अद्धजोयणं दारस्स य दारस्स अबाधाए अंतरे पन्नत्ते ।
[१८४] जंबुद्दीवस्स णं भंते दीवस्स पएसा लवणं समुदं पुट्ठा हंता पुट्ठा ते णं भंते किं जंबुद्दीवे दीवे लवणे समुद्दे गोयमा ते जंबुद्दीवे दीवे नो खलु ते लवणे समुद्दे लवणस्स णं भंते समुद्दस्स पदेसा जंबुद्दीवं दीवं पुट्ठा हंता पुट्ठा ते णं भंते किं लवणे समद्दे जंबुद्दीवे दीवे गोयमा लवणे णं ते समुद्दे नो खल ते जंबुद्दीवे दीवे जंबुद्दीवे णं भंते दीवे जीवा उद्दाइत्ता-उद्दाइत्ता लवणे समद्दे पच्चायति गोयमा अत्थेगतिया पच्चायति अत्थेगतिया नो पच्चायंति लवणे णं भंते समुद्दे जीवा उद्दाइत्ता-उद्दाइत्ता जंबुद्दीवे दीवे पच्चायति गोयमा अत्थेगतिया पच्चायंति अत्थेगतिया नो पच्चायति ।
[१८५] से केणटेणं भंते एवं वुच्चति-जंबुद्दीवे दीवे गोयमा जंबुद्दीवे दीवे मंदरस्स पव्वयस्स उत्तरेणं नीलवंतस्स दाहिणेणं मालवंतस्स वक्खारपव्वयस्स पच्चत्थिमेणं गंधमायणस्स वक्खारपव्वयस्स पुरत्थिमेणं एत्थ णं उत्तरकुरा नाम कुरा पन्नत्ता-पाईणपडिणायता उदीणदाहिणवित्थिण्णा अद्धचंदसंठाणसंठिता एक्कारस जोयणसहस्साइं अट्ठ य बायाले जोयणसते दोण्णि य एक्कोण-वीसतिभागे जोयणस्स विक्खंभेणं तीसे जीवा उत्तरेणं पाईणपडिणायता दुओ वक्खारपव्वयं पुट्ठा पुरथिमिल्लाए कोडीए पुरत्थिमिल्लं वक्खारपव्वतं पुट्ठा पच्चत्थिमिल्लाए कोडीए पच्चत्थिमिल्लं वक्खारपव्वयं पुट्ठा तेवण्णं
[दीपरत्नसागर संशोधितः]
[80]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |