Page Text
________________
दसद्धवण्णेणं कुसुमेणं पुप्फपुंजोव-यारकलियं करेति करेत्ता धूवं दलयति दलइत्ता आभिओगिए देवे सद्दावेति सद्दावेत्ता एं वयासी
खिप्पामेव भो देवाणुप्पा विजयाए रायहाणीए सिंधाडगेसु तिएसु चउक्केसु पच्चरे चउम्मुहेसु महापहपहेसु पागारेसु अट्टालएसु चरियासु दारेसु गोपुरेसु तोरणेसु आरामेसु उज्जाणे का वनेसु वनसंडेसु वनराईसु अच्चणियं करेइ करेत्ता ममेयमाणत्तियं खिप्पामेव पच्चप्पिणह तते णं ते आभि
पडिवत्ति-३
ओगिया देवा विजएणं देवेणं एवं वुत्ता समाणा हट्ठतुट्ठ-जाव पडिसुणेत्ता विजयाए रायहाणीए सिंघाडगेसु जाव वणराईसु अच्चणियं करेति करेत्ता जेणेव विजए देवे तेणेव उवागच्छंति उवागच्छित्ता [विजयं देवं करतलपरिग्गहियं सिरसावत्तं मत्थए अंजलिं कट्टु एयमाणत्तियं पच्चप्पिणंति तए णं से विजए देवे बलिपीढे बलिविसज्जणं करेति करेत्ता जेणेव उत्तरपुरत्थमिल्ला नंदापुक्खरिणी तेणेव उवागच्छति उवागच्छित्ता उत्तरपुरत्थमिल्लं नंदं पुक्खरिणि अनुप्पयाहिणीकरेमाणे पुरत्थमिल्लेणं तोरणेमं अनुप्पविसति अनुप्पविसित्ता पुरत्थमिल्लेणं तिसोमाणपडिरूवएणं पच्चोरुभति पच्चोरुभित्ता हत्थपायं पक्खालेति पक्खालेत्ता नंदाओ पुक्खरिणीओ पच्चुत्तरति पच्चुत्तरित्ता जेणेव सभा सुहम्मा तेणेव पहारेत्थ गमणाए तए णं से विजए देवे चउहिं सामाणियसाहस्सीहिं [चउहिं अग्गमहिसीहिं सपरिवाराहिं तिहिं परिसाहिं सत्तहिं अणियाहिं सत्तहिं अणियाहिवईहिं सोलसेहिं आयरक्खदेवसाहस्सीहिं] अण्णेहिं य बहूहिं विजयरायहाणी-वत्थव्वेहिं वाणमंतरेहिं देवेहिं देवीहिंय सद्धिं संपरिवुडे सव्विड्ढीए जाव दुंदुहिनिग्घोसणाइयरवेणं विजयाए रायहाणीए मज्झंमज्झेणं जेणेव सभा सुहम्मा तेणेव उवागच्छति उवागच्छित्ता सभं सुहम्मं पुरत्थिमिल्लेणं दारेणं अनुप्पविसति अनुप्पविसित्ता जेणेव मणिपेढिया जेणेव सीहासणे तेणेव उवागच्छति उवागच्छित्ता सीहासणवरगते पुरत्थाभिमुहे सणसणे ।
[१८१] तए णं तस्स विजयस्स देवस्स चत्तारि सामाणियसाहस्सीओ अवरुत्तरेणं उत्तरेणं उत्तरपुरत्थिमेणं पत्तेयं-पत्तेयं पुव्वणत्थेसु भद्दासणेसु निसीयंति तए णं तस्स विजयस्स देवस्स चत्तारिअग्गमहिसीओ पुरत्थिमेणं पत्तेयं-पत्तेयं पुव्वणत्थेसु भद्दासणेसु निसीयंति तए णं तस्स विजयस् देवस्स दाहिणपुरत्थिमेणं अब्भिंतरियाए परिसाए अट्ठ देवसाहस्सीओ पत्तेयं-पत्तेयं पुव्वणत्थेसु भद्दाससु निसीयंति एवं दक्खिणेणं मज्झिमियाए परिसाए दस देवसाहस्सीओ जाव निसीदंति दाहिणपच्चत्थिमेणं बाहिरियाए परिसाए बारस देवसाहस्सीओ पत्तेयं-पत्तेयं जाव निसीदंति तए णं तस्स विजयस्स देवस्स पच्चत्थिमेणं सत्त अणियाहिवती पत्तेयं-पत्तेयं जाव निसीयंति तए णं तस्स विजयस्स देवस्स पुरत्थिमेणं दाहिणेणं पच्चत्थिमेणं उत्तरेणं सोलस आयरक्खदेवसाहस्सीओ पत्तेयं-पत्तेयं पुव्वणत्थेसु भद्दासणेसु निसीदंति तं जहा- पुरत्थिमेणं चत्तारि साहस्सीओ जाव उत्तरेणं चत्तारि साहस्सीओ ते णं आयरक्खा सन्नद्ध-बद्ध-वम्मियकवया उप्पीलियसरासणपट्टिया पिणद्धगेवेज्ज-विमलवरचिंधपट्टा गहियाउहपहरणा ति-नयाई ति-संधीणि वइरामयकोडीणिं धणूइं अभिगिच्झ परियाइयकंडकलावा नीलपाणिणो पीय-पाणिणो-रत्तपाणिणो चावपाणिणो चारुपाणिणो चम्मपाणिणो दंडपाणिणो खग्गपाणिणो पासपाणिणो नील-पीय-रत्त-चाव-चारु-चम्म-दंड-खग्ग- पासधरा आय- रक्खा रक्खोवगा गुत्ता गुत्तपालिता जुत्ता जुत्तपालिता पत्तेयं-पत्तेयं समयतो विनयतो किंकरबूता विव चिट्ठति तए णं से विजए देवे चउण्हं सामाणियसाहस्सीणं चउन्हं अग्गमहिसीणं सपरिवाराणं तिन्हं परिसाणं सत्तण्हं अणियाणं सत्तण्हं
[दीपरत्नसागर संशोधितः ]
[79]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |