Page Text
________________
जेणेव सभाए सुहम्माए बहुमज्झदेसभाए तेणेव उवागच्छति उवागच्छित्ता-जेणेव सभा सुहम्माए दाहिणिल्ले दारे तेणेव उवागच्छति उवागच्छित्ता-सभं सुहम्मं अनुप्पयाहिणी करेमाणे जेणेव उत्तरिल्ला नंदापुक्खरिणी तेणेव उवागच्छंति उवागच्छित्ता - जेणेव सभाए सुहम्माए उत्तरिल्ले दारे तेणेव उवागच्छइ उवागच्छित्ता - जेणेव सभाए सुहम्माए पुरत्थिमिल्ले दारे तेणेव उवागच्छइ उवागच्छित्ता-जेणेव पडिवत्ति- ३
उववायसभा तेणेव उवागच्छति उवागच्छित्ता उववायसभं पुरत्थिमिल्लेणं दारेणं अनुप्पविसति अनुप्पविसित्ता जेणेव मणिपेढिया जेणेव देवसयणिज्जे तेणेव उवागच्छति उवागच्छित्ता - जेणेव उववायसभाए बहुमज्झदेसभाए तेणेव उवागच्छइ उवागच्छित्ता- जेणेव उववायसभाए दाहिणिल्ले दारे तेणेव उवागच्छइ उवागच्छित्ता-उववायसभं अनुप्पयाहिणीकरेमाणे जेणेव उत्तरिल्ला नंदापुक्खरिणी तेणेव उवागच्छड्-उवागच्छित्ता-जेणेव उववायसभाए उत्तरिल्ले दारे तेणेव उवागच्छइ उवागच्छित्ता - जेणेव उववायसभाए पुरत्थमिल्ले दारे तेणेव उवागच्छइ उवागच्छित्ता-जेणेव हरए तेणेव उवागच्छइ उवागच्छित्ता तोरणे य तिसोवाणपडिरूवए य सालभंजियाओ य बालरुवए य लोमहत्थगेणं पमज्जति पमज्जित्ता - जेणेव अभिसेयसभा तेणेव उवागच्छति उवागच्छित्ता अभिसेयसभं पुरत्थिमिल्लेणं दारेणं अनुप्पविसति अनुप्पविसित्ता जेणेव मणिपेढिया जेणेव सीहासणे तेणेव उवागच्छति उवागच्छित्ता-जेणेव सुबहू अभिसेयभंडे तेणेव उवागच्छति उवागच्छित्ता - जेणेव अभिसेयसभाए बहुमज्झदेसभाए तेणेव उवागच्छइ उवागच्छित्ता-जेणेव अभिसेयसभाए दाहिणिल्ले दारे तेणेव उवागच्छति उवागच्छित्ता-अभिसेयसभं अनुप्पयाहिणीकरेमाणे जेणेव उत्तरिल्ला नंदापुक्खरिणी तेणेव उवागच्छइ उवागच्छित्ता- जेणेव अभिसेयसभाए उत्तरिल्ले दारे तेणेव उवागच्छइ उवागच्छित्ता - जेणेव अभिसेयसभाए पुरत्थिमिल्ले दारे तेणेव उवागच्छइ उवागच्छित्ता-जेणेव अलंकारियसभा तेणेव उवागच्छइ उवागच्छित्ता अलंकारियसभं पुरत्थिमिल्लेणं दारेणं अनुप्पविस अनुप्पविसित्ता जेणेव मणिपेढिया जेणेव सीहासणे तेणेव उवागच्छइ उवागच्छित्ता जेणेव सुबहू अलंकारियभंडे तेणेव उवागच्छति उवागच्छित्ता- जेणेव अलंकारियसभाए बहुमज्झदेसभाए तेव उवागच्छति उवागच्छित्ता जेमेव अलंकारियसभाए दाहिणिल्ले दारे तेणेव उवागच्छति उवागच्छित्ताअलंकारियसभं अनुप्पयाहिणीकरेमाणे जेणेव उत्तरिल्ला नंदा पुक्खरिणी तेणेव उवागच्छति उवागच्छित्ताजेणेव अलंकारिय-सभाए उत्तरिल्ले दारे तेणेव उवागच्छति उवागच्छित्ता-जेमेव अलंकारियसभाए पुरत्थममिल्ले दारे तेणेव उवागच्छति उवागच्छित्ता जेमेव ववसायसभा तेणेव उवागच्छति उवागच्छित्ता ववसायसभं पुरत्थिमिल्लेणं दारेणं अनुप्पविसति अनुप्पविसित्ता जेणेव पोत्थयरयणे तेणेव उवागच्छति उवागच्छित्ता लोमहत्थगं परामुसति परामुसित्ता पोत्थयरयणं लोमहत्थगेणं पमज्जति पमज्जित्ता दिव्व दगधाराए अब्भुक्खति अब्भुक्खित्ता सरसेणं गोसीसचंदणेणं चच्चए दलयति दलइत्ता अग्गेहिं वरेहिं गधेहिं मल्लेहि य अच्चेइ अच्चेत्ता पुप्पारुहणं जाव आभरणारुहणं जेणेव मणिपेढिया जेणेव सीहासणे तेणेव उवागच्छइ उवागच्छित्ता- जेणेव ववसायसभे बहुमज्झदेसभाए तेणेव उवागच्छति उवागच्छित्ता-जेणेव ववसायसभाए दाहिणिल्ले दारे तेणेव उवागच्छति उवागच्छित्ता- ववसायसभं अनुप्पयाहिणीकरेमाणे जेणेव उत्तरिल्ला नंदापुक्खरिणी तेणेव उवागच्छति उवागच्छित्ता जेणेव ववसायसभए उत्तरिल्ले दारे तेणेव उवागच्छति उवागच्छित्ता - जेणेव ववसा-यसभाए पुरत्थिमिल्ले दारे तेणेव उवागच्छति उवागच्छित्ता-जेणेव बलिपीढे तेणेव उवागच्छति उवागच्छित्ता बलिपीढस्स बहुमज्झदेसभागं दिव्वाए दगधाराए अब्भुक्खति अब्भुक्खित्ता सरसेणं गोसीसचंदणेणं पंचगुलितलं दलयति दलइत्ता कयग्गाहग्गहियकरतलपब्भट्ठविमुक्केणं [दीपरत्नसागर संशोधितः ] [१४- जीवाजीवाभिगमं ]
[78]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |