Page Text
________________
अण्णेसिं च बहूणं वाणमंतराणं देवाणं य देवीणं य आहेवच्चं जाव विहरति से तेणटेणं गोयमा एवं वच्चति-नीलवंतद्दहे नीलवंतबहे ।
[१८८] कहि णं भंते नीलवंतस्स नागकमाररिंदस्स नागकुमाररण्णो नीलवंता नाम रायहाणी, नीलवंतद्दहस्सुत्तरेणं अण्णंमि जंबुद्दीवे दीवे बारस जोयणसहस्साइं जहा- विजयस्स |
[१८९] नीलवंतद्दहस्स णं पुरत्थिम-पच्चत्थिमेणं दस-दस जोयणाई अबाधाए एत्थ णं दसदस कंचणगपव्वता पन्नत्ता ते णं कंचणगपव्वता एगमेगं जोयणसतं उड्ढं उच्चत्तेणं पणवीसं पणवीसं जोयणाई उव्वेहेणं मूले एगमेगं जोयणसतं विक्खंभेणं मज्झे पन्नत्तरि जोयणाई विक्खंभेणं उवरिं पन्नासं जोयणाई विक्खंभेणं मले तिण्णि सोलसत्तरे जोयणसते किंचिविसेसाहिए परिक्खेवेणं मज्झे दोन्नि सत्ततीसे जोयणसते किंचिविसेसूणे परिक्खेवेणं उवरिं एगं अट्ठावण्णं जोयणतं किंचिविसेसूणे परिक्खेवेणं मूले वित्थिण्णा मज्झे संखित्ता उप्पिं तणुया गोपुच्छसंठाणसंठिता सव्वकंचणमया अच्छा जाव पडिरूवा पत्तेयं-पत्तेयं परमवरवेइयापरिक्खित्ता पत्तेयं-पत्तेयं वणसंडपरिक्खित्ता वण्णओ तेसि णं कंचणगपव्वताणं उप्पिं बहुसमरमणिज्जा भूमिभागा पन्नत्ता जाव आसयंति तेसि णं बहुसमरमणिज्जाणं भूमिभागाणं बहुमज्झ-देसभाए पत्तेयं-पत्तेयं पासाय-वडेंसए पन्नत्ते-सड्ढबावहिँ जोयणाई उड्ढं उच्चत्तेणं एक्कतीसं जोयणाई कोसं पडिवत्ति-३
च विक्खंभेणं मणिपेढिया दोजोयणिया सीहासणा सपरिवारा, से केणटेणं भंते एवं वुच्चतिकंचणगपव्वता कंचणगपव्वता गोयमा कंचणगेसु णं पव्वतेसु तत्थ-तत्थ देसे तहिं-तहिं वावीसु उप्पलाइं जाव कंचणगवण्णाभाई कंचणगा य एत्थ देवा महिड्ढीया जाव विहरंति से तेणटेणं रायहाणीओ वि तहेव उत्तरेणं विजयरायहाणिसरिसियाओ अण्णंमि जंबुद्दीवे कहिणं भंते उत्तरकुराए कुराए उत्तरकुरूद्दहे नामं दहे पन्नत्ते गोयमा नीलवंतद्दहस्स दाहिणिल्लाओ चरिमंतओ अट्ठचोत्तीसे जोयणसते एवं सो चेव गमो नेतव्वो जो नीलवंतद्दहस्स सव्वेसिं सरिसको दहसरिनामा य देवा सव्वेसिं परत्थिमपच्चत्थिमेणं कंचणगपव्वता दस-दस एकप्पमाणा उत्तरेणं रायहाणीओ अण्णंमि जंबुद्दीवे, कहि णं भंते चंदद्दहे एरावणदहे मालवंतद्दहे एवं एक्केक्को नेयव्वो ।
__ [१९०] कहि णं भंते उत्तरकुराए कुराए जंबू-सुदंसणाए जंबूपोढे नाम पेढे पन्नत्ते गोयमा जंबुद्दीवे दीवे मंदरस्स पव्वयस्स उत्तरपुरत्थिमेणं नीलवंतस्स वासधरपव्वतस्स दाहिणेणं मालवंतस्स वक्खारपव्वयस्स पच्चत्थिमेणं गंधमादणस्स वक्खारपव्वयस्स पुरत्थिमेणं सीताए महानदीए पुरथिमिल्ले कूले एत्थ णं उत्तरकुराए कुराए जंबूपेढे नाम पेढे पन्नत्ते-पंचजोयणसताइं आयाम-विक्खंभेणं पन्नरस एक्कासीते जोयणसते किंचिविसेसाहिए परिक्खेवेणं बहुमज्झदेसभाए बारस जोयणाइं बाहल्लेणं तदाणंतरं च णं माताए-माताए पदेसपरिहाणीए परिहायमाणे-परिहायमाणे सव्वेसु चरमंतेसु दो कोसे बाहल्लेणं सव्वजंबनयामए अच्छे जाव पडिरूवे से णं एगाए पउमवरवेइयाए एगेणं य वणसंडेणं संपरिक्खत्ते वण्णओ दोण्हवि तस्स णं जंबूपेढस्स चउद्दिसिं चत्तारि तिसोवाणपडिरूवगा पन्नत्ता तं चेव जाव तोरणा जाव छत्तातिछत्ता तस्स णं जंबूपेढस्स उप्पिं बहसमरमणिज्जे भूमिभागे पन्नत्ते से जहानामए आलिंगपुक्खरेति वा जाव मणीणं फासो तस्स णं बहसमरमणिज्जस्स भूमिभागस्स बहुमज्झदेसभाए एत्थ णं महं एगा मणिपेढिया पन्नत्ता-अट्ठ जोयणाई आयाम-विक्खंभेणं चत्तारि जोयणाई बाहल्लेणं मणिमई अच्छा जाव पडिरूवा तीसे णं मणिपेढियाए उवरिं एत्थ णं महं
[दीपरत्नसागर संशोधितः]
[90]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |