Page Text
________________
संखेज्जाइं जोणिप्पमुहसयसहस्साइं पज्जत्तगणिस्साए अप्जजत्तगा वक्कमंति-जत्थ एगो तत्थ नियमा असंखेज्जा तेसि णं भंते जीवाणं कति सरीरगा पन्नत्ता गोयमा चत्तारि सरीरगा पन्नत्ता तं जहाओरालिए वेउव्विए तेयए कम्मए सरीरगा पडागसंठिया चत्तारि समुग्धाया वेयणासमुग्धाए कसायसमुग्धाए मारणंतियसमुग्धाए वेउव्वियसमुग्धाए आहारो निव्वाघाएणं छद्दिसिं वाघायं पडुच्च सिय चउदिसिं पंचदिसिं उववाओ देवमणुयनेरइएसु नत्थि ठिती जहण्णेणं अंतोमुहत्तं उक्कोसेणं तिण्णि वाससहस्साइं सेसं तं चेव एगगतिया दुआगतिया परित्ता असंखेज्जा पन्नत्ता समणाउसो सेत्तं बायरवाउक्काइया सेत्तं वाउक्काइया
[३५] से किं तं ओराला तसा पाणा ओराला तसा पाणा चउव्विहा पन्नत्ता तं जहा
बेइंदिया पडिवत्ति-१
तेइंदिया चउरिंदिया पंचेंदिया ।
_ [३६] से किं तं बेइदिया बेइंदिया अनेगविहा पन्नत्ता तं जहा- पुलाकिमिया जाव समुद्दलिक्खा जे यावण्णे तहप्पगारा ते समासओ दुविहा पन्नत्ता तं जहा- पन्नत्तगा य अपज्जत्तगा य तेसि णं भंते जीवाणं कति सरीरगा पन्नत्ता गोयमा तओ सरीरगा पन्नत्ता तं जहा- ओरालियए तेयए कम्मे तेसि णं भंते जीवाणं केमहालिया सरीरोगाहणा पन्नत्ता गोयमा जहण्णेणं अंगलासंखेज्जइभागं उक्कोसेणं बारसजोयणाई छेवट्टसंघयणा हंडसंठिया चत्तारि कसाया चत्तारि सण्णाओ तिण्णि लेसाओ दो इंदिया तओ समुग्धाया-वेयणा कसायामारणंतिया नोसण्णी असण्णी नपुंसगवेयगा पंच पज्जत्तीओ पंच अपज्जत्तीओ सम्मद्दिट्ठीवि मिच्छादिट्ठीवि नो सम्मामिच्छादिट्ठी नो चक्खुदंसणी अचक्खुदंसणी नो ओहिदंसणी नो केवलदंसणी, ते णं भंते जीवा किं नाणी अन्नाणी गोयमा नाणीवि अन्नाणीवि जे नाणी ते नियमा दुन्नाणी तं जहा- आभिणिबोहियनाणि य सुयनाणि य जे अन्नाणी ते नियमा दुअन्नाणीमइअन्नाणी य सुयअन्नाणी य नो मनजोगी वइजोगी कायजोगी सागरोवउत्तावि अनागरोवउत्तावि आहारो नियमा छद्दिसिं उववाओ तिरियमणुस्सेसु नेरइयदेवअसंखेज्जवासाउयवज्जेसु ठिती जहन्नेणं अंतोमुहुत्तं उक्कोसेणं बारस संवच्छराणि समोहयावि मरंति असमोहयावि मरंति कहिं गच्छिति नेरइयदेवअसंखेज्जवासाउयरवज्जेसु गच्छंति दुगइया दुआगइया परिता असंखेज्जा सेत्तं बेइंदिया ।
[३७] से किं तं तेइंदिया तेइंदिया अनेगविहा पन्नत्ता तं जहा- ओवइया रोहिणिया जाव हत्थिसोंडा जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जत्तगा य तहेव जहा- बेइंदियाणं नवरं-सरीरोगाहणा उक्कोसेणं तिण्णि गाउयाइं तिणि इंदिया ठिती जहन्नेणं अंतोमुहत्तं उक्कोसेणं एगूणपन्नराइंदियाई सेसं तहेव दुगइया दुआगइया परित्ता असंखेज्जा पन्नत्ता से तं तेइंदिया ।
[३८] से किं तं चउरिंदिया चरिंदिया अनेगविहा पन्नत्ता तं जहा- अंधिया पोत्तिया जाव गोमयकीडा जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जगा य तेसिं णं भंते जीवाणं कति सरीरमा पन्नत्ता गोयमा तओ सरीरगा पन्नत्ता तं चेव नवरं-सरीरोगाहणाउक्कोसेणं चत्तारि गाउयाइं इंदियाइं चत्तारि चक्खुदंसणी अचक्खुदंसणी ठिई उक्कोसेणं छम्मासा सेसं जहा तेइंदियाणं जाव असंखेज्जा पन्नत्ता से तं चउरिंदिया ।
दीपरत्नसागर संशोधितः]
[8]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |