Page Text
________________
[३९] से किं तं पंचेंदिया पंचेदिया चउव्विहा पन्नत्ता तं जहा- नेरइया तिरिक्खजोणिया मणुस्सा देवा |
__ [४०] से किं तं नेरइया नेरइया सत्तविहा पन्नत्ता तं जहा- रयणप्पभापुढविनेरइया जाव अहेसत्तमपुढविनेरइया ते समासओ दुविहा पन्नत्ता तं जहा- पज्जत्तगा य अपज्जत्तगा य तेसि णं भंते जीवाणं कति सरीरगा पन्नत्ता गोयमा तओ सरीरगा पन्नत्ता तं जहा- वेउव्विए तेयए कम्मए तेसि णं भंते जीवाणं केमहालिया सरीरोगाहणा पन्नत्ता गोयमा दविहा सरीरोगाहणा पन्नत्ता तं जहाभवधारणिज्जा य उत्तरवेउव्विया य तत्थ णं जासा भवधारणिज्जासा जहण्णेणं अंगुलस्स असंखेज्जइभागं उक्कोसेणं पंचधणुसयाइं तत्थ णं जासा उत्तरवेउव्विया सा जहण्णेणं अंगुलस्स संखेज्जइभागं उक्कोसेणं धणुसहस्सं तेसि णं भंते जीवाणं सरीरा किंसंधयणी पन्नत्ता गोयमा छण्हं संघयणाणं असंघयणी-नेवट्ठी नेव छिरा नेव पहारू नेव संघयणमत्थि जे पोग्गल अणिट्ठा अकंता अप्पिय असुभा अमणुण्णा अमणामा ते तेसिं संघतत्ताए परिणमंति तेसि णं भंते जीवाइणं सरीरा किसंठिया पन्नत्ता गोयमा दुविहा पन्नत्ता तं
जहापडिवत्ति-१
भवधारणिज्जा य उत्तरवेउव्विया य तत्थ णं जेते भवधारणिज्जा ते हंडसंठिया तत्थ णं जेते उत्तरवेउव्विया तेवि हंडसंठिया पन्नत्ता चत्तारि कसाया चत्तारि सण्णाओ तिण्णि लेसाओ पंचइंदिया चत्तारि समग्धाया आइल्ला सण्णीवि असण्णीवि नपं-सगवेया छप्पज्जत्तीओ छ अपज्जत्तीओ तिवि दिट्ठी तिण्णि दंसणा नाणीवि अन्नाणीवि जे नाणी ते नियमा तिन्नाणी तं जहा- आभिणिबोहियणाणी सुयनाणी ओहिनाणी जे अन्नाणी ते अत्थेगइया दुअन्ना-णी अत्थेगइया तिअन्नाणी जे य दुअन्नाणी ते नियमा मइअन्नाणी सुयअन्नाणी य जे तिअन्ना-णी ते नियमा मइअन्नाणी य सुयअन्नाणी य विभंगनाणी य, तिविहे जोगे दुविहे उवओगे छद्दिसिं आहारो ओ-सण्णकारणं पडुच्च वण्णओ कालाइं जाव सव्वप्पणयाए आहारमाहारेंति उववाओ तिरियमणुस्सेसु ठिती जहन्नेणं दसवाससहस्साइं उक्कसोणं तेत्तीससागरोवमाइं दुविहा मरंति उव्वदृणा भाणियव्वा जओ आगया नवरि समुच्छिमेसु पडिसेहो दुगइया दुआगइया परित्ता असंखेज्जा पन्नत्ता समणाउसो से तं नेरइया ।
[४१] से किं तं पंचेदियतिरिक्खजोणिया पंचेंदियतिरिक्खजोणिया दुविहा पन्नत्ता तं जहासमुच्छिपंचेंदियतिरिक्खजोणिया य गब्भवक्कंतियपंचेंदियतिरिक्खजोणिया य ।
[४२] से किं तं संमच्छिमपंचेंदियतिरिक्खजोणिया संमच्छिमपंचेंदियतिरिक्खजोणिया तिविहा पन्नत्ता तं जहा- जलयरा थलयरा खहयरा ।
[४३] से किं तं जलयरा जलयरा पंचविहा पन्नत्ता तं जहा- मच्छगा कच्छभा मगरा गाहा सुसुमारा से किं तं मच्छा एवं जहा- पन्नवणाए जाव जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जत्तगा य तेसि णं भंते जीवाणं कति सरीरगा पन्नत्ता गोयमा तओ सरीरमा पन्नत्ता तं जहा- ओरालिए तेयए कम्मए सरीरोगाहणा जहन्नेणं अंगुलस्स असंखेज्जइभागं उक्कोसेणं जोयणसहस्सं छेवट्टसंघयणी हंडसंठिया चत्तारि कसाया सण्णाओवि, लेसाओ तिण्णि इंदिया पंच, समुग्धाया तिण्णि, नो सण्णी असण्णी नपुंसगवेया पज्जत्तीओ अपज्जत्तीओ य पंच, दो दिट्ठीओ दो दंसणा दो नाणा दो अन्नाणा दुविहे जोगे दुविहे उवओगे, आहारो छद्दिसिं, उववाओ तिरियमणुस्सहिंतो न देवेहिंतो नो नेरइएहितो तिरिएहितो असंखेज्जवासाउयवज्जेहिंतो अकम्मभूमगअंतरदीवग असंखेज्जवा
[दीपरत्नसागर संशोधितः]
[9]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |