Page Text
________________
पत
खंधोवि एगजीवो ताल-सरल-नालिएरीणं ।। [२६] जह सगलसरिसवाणं सिलेसमिस्साण वट्टिया वट्टी ।
पत्तेयसरीराणं तहहोंति सरीरसंघाया ।। [२७] जह वा तिलप्पडिया बहएहिं तिलेहि संहित्ता संती ।
पत्तेयसरीराणं तह होतिसरीरसंघाया ।। [२८] सेत्तं पत्तेयसरीरबायरवणस्सइकाइया | [२९] से किं तं साहारणसरीरबायरवणस्सइकाइया साहारणसरीरबायरवणस्सइकाइया अनेग
पडिवत्ति-१
विहा पन्नत्ता तं जहा- आलुए मूलए सिंगबेरे हिरिलि सिरिलि सिस्सिरिलि किट्ठिया छिरिया छीरविरालिया कण्हकंदे वज्जकंदे सूरणकंदे खेलूडे भद्दमोत्था पिंडहलिद्द लोही नीहू थीहू अस्सकण्णी सीहकण्णी सीउंढी मुसंढी जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जत्तगा य तत्थ णं जेते अपज्जत्तगा ते णं असंपत्ता तत्थ णं जेते पज्जत्तगा तेसिं वण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई संखेज्जाइ जोणिप्पमुहसयसहस्साइं पज्जत्तगणिस्साए अपज्जत्तगा वक्कमंति-जत्थ एगो तत्थ सिय संखेज्जा सिय असंखेज्जा सिय अनंता तेसि णं भंते जीवाणं कति सरीरगा पन्नत्ता गोयमा तओ सरीरगा पन्नत्ता तं जहा- ओराले तेयए कम्मए तहेव जहाबायरपुढविकाइयाणं नवरं-सरीरोगाहणा जहन्नेणं अंगुलस्स असंखेज्जइभागं उक्कोसेणं सातिरेगं जोयणसहस्सं सरीरगा अणित्थंसंठिया ठिती जहन्नेणं अंतोमुहत्तं उक्कोसेणं दसवाससहस्साइं जाव दुगइया तिआगइया अपरित्ता अनंता पन्नत्ता सेत्तं बायरवणस्सइकाइया सेत्तं वणस्सइकाइया सेत्तं थावरा |
[३०] से किं तं तसा तसा तिविहा पन्नत्ता तं जहा- तेउक्काइया वाउइक्काइया ओराला तसा पाणा ।
___ [३१] से किं तं तेउक्काइया तेइउक्काइया दुविहा पन्नत्ता तं जहा- सुहुमतेउक्काइया य बायरतेउक्काइया य ।
[३२] से किं तं सुहुमतेउक्काइया सुहुमतेउक्काइया जहा- सुहुमपुढविक्काइया नवरं-सरीरगा सूइकलावसंठिया एगगइया दुआगइया परित्ता असंखेज्जा पन्नत्ता सेसं तं चेव सेत्तं सुहमतेउक्काइया ।
[३३] से किं तं बादरतेउक्काइया बादरतेउक्काइया अनेगविहा पन्नत्ता तं जहा- इंगाले जाव तत्थ नियमा असंखेज्जा तेसी णं भंते जीवाणं कति सरीरमा पन्नत्ता गोयमा तओ सरीरगा पन्नत्ता तं जहा- ओरालिए तेयए कम्मए सेसं तं चेव सरीरगा सइकलावसंठिया तिण्णि लेस्सा ठिती जहन्नेणं अंतोमुहुत्तं उक्कोसेणं तिण्णि राइंदियाइं तिरियमणुस्सेहिंतो उववाओ सेसं तं चेव जाव एगतिया दुआगतिया परित्ता असंखेज्जा पन्नत्ता सेत्तं बादरतेउक्काइया सेत्तं तेउक्काइया ।
[३४] से कि तं वाउक्काइया वाउक्काइया विहा पन्नत्ता तंजहा-सुहम-वाउक्काइया य बायरवाउक्काइया य सुहुमवाउक्काइया जहा- तेउक्काइया नवरं-सरीरगा पडागसंठिया एगगतिया दुआगतिया परित्ता असंखिज्जा सेत्तं सुहमवाउक्काइया, से किं तं बादरवाउक्काइया बादर वाउक्काइय अनेगविहा पन्नत्ता तं जहा- पाईणवाते पडीणवाते जाव सुद्ध वाते जे यावण्णे तहप्पगारा ते समासतो विहा पन्नत्ता तं जहा- पज्जत्तगा य अपज्जत्तगा य तत्थ णं जे ते अपज्जत्तगा ते णं असंपत्ता तत्थणं जे ते पज्जतगा एतिसि णं वण्णादेसेणं गंधादेसेणं रसादसेणं फासादेसेणं सहस्सग्गसो विहाणाई
दीपरत्नसागर संशोधितः]
[7]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |