Page Text
________________
देवा लासेंति अप्पेगतिया देवा बुक्कारेंति अप्पेगतिया देवा पीणंति तंडवेंति लासेंति बुक्कारेंति अप्पेगतिया देवा अप्फोडेंति अप्पेगतिया देवा वग्गंति अप्पेगतिया देवा तिवतिं छिंदंति अप्पेगतिया देवा अप्फोडेंति विगंगंति तिवंति छिंदंति अप्पेगतिया देवा हयहेसियं करेंति अप्पेगतिया देवा हत्थिगुलगुलाइयं करेंति अप्पेगतिया देवा रहघणघणाइयं करेंति अप्पेगतिया देवा उच्छलेंति अप्पेगतिया देवा पोच्छलेंति अप्पेगतिया देवा उक्किटिं करेंति अप्पेगतिया देवा उच्छलेंति पोच्छलेंति उक्किटिं करेंति अप्पेगतिया देवा सीहनादं नदंति अप्पगतिया देवा पाददद्दरयं करेंति अप्पेगतिया देवा भमिचवेडं दलयंति अप्पेगतिया देवा सीहनादं पाददद्दरयं भूमिचवेडं दलयंति अप्पेगतिया देवा हक्कारेंति अप्पेगतिया देवा थक्कारेंति अप्पेगतिया देवा थक्कारेंति अप्पेगतिया देवा नामाइं साहेति अप्पेगतिया देवा हक्कारेंति थुक्कारेंति थक्कारेंति नामाई साहेति अप्पेगतिया देवा ओवयंति अप्पोगतिया देवा उप्पयंति अप्पोगतिया देवा परिवयंति अप्पेगतिया देवा ओवयंति उप्पयंति परिवयंति अप्पेगतिया देवा जलंपि अप्पेगतिया देवातवंति अप्पेगतिया देवा पतवंति अप्पेगतिया देवा जलंति तवंति पतवंति अप्पेगतिया देवा गज्जति अप्पेगइया देवा विज्जुयायंति अप्पेगइया देवा वासं वासंति अप्पेगइया देवा गज्जंति विज्जुयायंति वासं वासंति अप्पेगहतिया देवा देवसन्निवायं करेंति अप्पेगतिया देवा देवुक्कलियं करेंति अप्पेगइया देवा देवकहकहं करेंति अप्पेगतिया देवा देवदुहदुहगं करेंति अप्पेगतिया देवा देवसन्निवायं देवउक्कलियं देवकहकहं देवदुहदुहगं करेंति अप्पेगतिया देवा देवुज्जोयं करेंति अप्पेगतिया देवा विज्जुयारं करेंति अप्पेगतिया देवा चेलुक्खेवं करेंति अप्पेगतिया देवा देवुज्जोयं विज्जुयारं चेलुक्खेवं करेंति अप्पेगतिया देवा उप्पलहत्थगता जाव सहस्सपत्तहत्थगतवंदणकलसहत्थगता जाव धूवकड्च्छयहत्थगता हद्वतुट्ठ-जाव हियया विजयाए रायहाणीए सव्वतो समंता आधावंति परिधावति ।
तए णं तं विजयं देवं चत्तारि सामाणियसाहस्सीओ चत्तारि अग्गमहिसीओ सपरिवाराओ जाव सोलसआयरक्खदेवसाहस्सीओ अण्णे य बहवे विजयरायहाणीवत्थव्वा वाणमंतरा देवा य देवीओ य तेहिं वरकमलपतिट्ठाणेहिं जाव अट्ठसहस्सेणं सोवण्णियाणं कलसाणं तं चेव जाव अट्ठसहस्सेणं भोमेज्जाणं कलसाणं सव्वोदगेहिं सव्वमट्टियाहिं सव्वतुवरेहिं सव्वपुप्फेहिं जाव सव्वोसहिसिद्धत्थएहिं सव्विड्ढीए जाव निग्घोसनाइयरवेणं महया-महया इंदाभिसेएणं अभिसिंचंति अभिसिंचित्ता पत्तेयं-पत्तेयं करतलपरिग्गहियं सिरसावत्तं मत्थए अंजलिं कट्ट एवं वयासि-जय-जय नंदा जय-जय भद्दा जय-जय नंदा भदं ते अजियं जिणाहि जियं पालयाहिं अजितं जिणाहिं सत्तुपक्खं जित्तं पालयाहिं मित्तपक्खं जियमज्झे वसाहि तं देव निरुवसग्गं इंदो इव देवाणं चंदो इव ताराणं चमरो इव असुराणं धरणो इव नागाणं भरहो इव मणुयाणं बहूणि पलिओवमाइं बहूणि सागरोवमाणि बहूणि पलिओवम-सागरोवमाणि चउण्हं सामाणियसाहस्सीम जाव आयरक्खदेवसाहस्सीणं विजयस्स देवस्स विजयाए रायहाणीए अण्णेसिं च बहूणं विजयराय-हाणिवत्थव्वाणं वाणमंतराणं देवाणं देवीण य आहेवच्चं जाव आणा-ईसर-सेणावच्चं कारेमाणे पालेमाणे विहराहित्ति कट्ट महता-महता सद्देणं जय-जय सदं पउंजंति ।
[१८०] तए णं से विजए देवे महया-महया इंदाभिसेएणं अभिसित्ते समाणे सीहासणाओ अब्भुढेइ अब्भुढेत्ता अभिसेयसाओ पुरत्थिमेणं दारेणं पडिनिक्खमति पडिनिक्खमित्ता जेणेव अलंकारियसभा तेणेव उवागच्छति उवागच्छित्ता अलंकारियसभं अनुप्पयाहिणीकरेमाणे-अनप्पयाहिणीकरेमाणे पुरत्थिमेमं दारेणं अनुपविसति अनुपविसित्ता जेणेव सीहासणे तेणेव उवागच्छति उवागच्छित्ता
सीहासणवर
दीपरत्नसागर संशोधितः]
[73]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |