Page Text
________________
पडिवत्ति-३
गते पुरत्थाभिमुहे सण्णिसण्णे तए णं तस्स विजयस्स देवस्स आभि-ओहिया देवा आलंकारियं भंडं उवणेति तए णं तस्स विजयस्स देवस्स आभिओगिया देवा आलंकारियं भंडं उवणेति तए णं से विजए देवे तप्पढमयाए पम्हलसूमालाए दिव्वाए सुरभीए गंधकासाईए गाताइं लूहेति लूहत्ता सरसेणं गोसीसचंदणेमं गाताई अनुलिपति अनुलिपित्ता नासाणी-सासवायवोज्झं चक्खुहरं वण्णफरिसजुत्तं हयलालापेलवातिरेगं धवलं कणगखचियंतकम्मं आगासफलिहसमप्पभं अहतं दिव्वं देवदूसज्यलं नियंसेइ नियंसेत्ता हारं पिणि इ पिणिवेत्ता अद्धहारं पिणि इ पिणिवेत्ता एकावलिं पिणिद्धेत्ति पिणिवेत्ता एवं एतेणं अभिलावेणं मुत्ताबलिं कणगावलिं रयणावलिं कडगाइं तुडियाइं अंगयाइं केयूराइं दसमुद्दियाणतकं कुंडलाइं चूडामणि चित्तरयण-संकडं मउड पिणि इं पिणिवेत्ता गंथिम-वेढिम-पूरिम-संघाइमेणं चउव्विहेणं मल्लेणं कप्परुक्खयं पिव अप्पाणं अलंकियविभूसितं करेति करेत्ता दद्दरमलयसुगंधगंधिएहिं गंधेहिं गाताई भुकुंडेति भुकुंडेत्ता दिव्वं च सुमणदामं पिणिद्धति तए णं से विजए देवे केसालंकारेणं मल्लालंकारेणं आभरणालंकारेणं चउव्विहेणं अलंकारेणं अलंकिते विभूसिए माणे पडिपुन्नालंकारेणं सीहासणाओ अब्भुढेइ अब्भुढेत्ता अलंकारियसभाओ पुरथिमिल्लेणं दारेणं पडिनिक्खमित्ता पडिनिक्खमित्ता जेणेव ववसायसभा तेणेव उवागच्छति उवागच्छित्ता ववसायसभं अनुप्पदाहिणीकरेमाणेअनुप्पदाहिणीकरेमाणे पुरथिमिल्लेणं दारेणं अनुपविसति अनुपविसित्ता जेणेव सीहासणे तेणेव उवागच्छति उवागच्छित्ता सीहासणवरगते पुरत्थाभिम्हे सण्णिसण्णे तए णं तस्स विजयस्स देवस्स आभिओगिया देवा पोत्थयरयणं उवणेति ।
तए णं से विजए देवे पोत्थयरयणं गेहंति गेण्हित्ता पोत्थयरयणं मुयति मुएत्ता पोत्थयरयणं विहाडेति विहाडेत्ता पोत्थयरयणं वाएति वाएत्ता धम्मियं ववसायं ववसइ ववयसइत्ता पोत्थयरणं पडिणिक्खिवेइ पडिणिक्खिवेत्ता सीहासणाओ अब्भुट्टेति अब्भुढेत्ता ववसायसभाओ पुरथिमिल्लेणं दारेणं पडिणिक्खमइ पडिणिक्खमित्ता जेणेव नंदा पुक्खरिणी तेणेव उवागच्छति उवागच्छित्ता नंदं पुक्खरिणिं अनुप्पयाहिणीकरेमाणे-अनुप्पयाहिणीकरेमाणे पुरथिमिल्लेमं तोरणेणं अनुपविसति अनुपविसित्ता पुरथिमिल्लेणं तिसोपाणपडिरूवएणं पच्चोरुहति पच्चोरुहित्ता हत्थं पादं पक्खालेति पक्खालेत्ता एगं महं सेतं रययामयं विमलसलिलपुन्नं मत्तगयमहमुहाकितिसमाणं भिंगारं गिण्हति गिण्हित्ता जाइं तत्थ उप्पलाइं पउमाइं जाव सहस्सपत्ताई ताइं गिण्हति गिण्हित्ता नंदातो पुक्खरिणीतो पच्चुत्तरेइ पच्चुत्तरेत्ता जेणेव सिद्धायतणे तेणेव पहारेत्थ गमणाए तए णं तस्स विजयस्स देवस्स चत्तारि सामाणियसाहस्सीओ जाव अन्ने य बहवे वाणमंतरा देवा य देवीओ य अप्पेगइया उप्पलहत्थगया जाव सहस्सपत्तहत्थगया विजयं देवं पिट्ठतो-पिट्ठतो अनुगच्छंति तए णं तस्स विजयस्स देवस्स बहवे आभिओगिया देवा देवीओ य वंदणकलसहत्थगता जाव धूवकडुच्छयहत्थगता विजयं देवं पितो-
पितो अनगच्छंति तए णं से विजए देवे चउहिं सामाणियसाहस्सीहिं जाव अण्णेहि य बहहिं वाणमंतरेहिं देवेहि य देवीहि य सद्धिं संपरिवुड़े सव्विड्डीए सव्वजुतीए जाव निग्घोसणाइयरवेणं जेणेव सिद्धायतणे तेणेव उवागच्छति उवगच्छित्ता सिद्धायतणं अनुप्पयाहिणीकरेमाणे-अनुप्पयाहिणी करेमाणे पुरथिमिल्लेणं दारेणं अनुपविसति अनुपविसित्ता आलोए जिनपडिमाणं पणामं करेति करेत्ता जेणेव मणिपेढिया जेणेव देवच्छंदए जेणेव जिनपडिमाओ तेणेव उवागच्छड उवागच्छित्तालोमहत्थग परामुसति
त्ता जिनपडिमाओ पमज्जति पमज्जित्ता दिव्वाए दगधाराए ण्हावेत्ता सरसेणं गोसीसचंदणेणं
दीपरत्नसागर संशोधितः]
[74]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |