Page Text
________________
तए णं तं विजयं देवं चत्तारि सामाणियसाहस्सीओ चत्तारि अग्गमहिसीओ सपरिवाराओ तिण्णि परिसाओ सत्त अणिया सत्ता अणियाहिवी सोलस आयारक्खदेवसाहस्सीओ अण्णे य बहवे य विजयरायधाणिवत्थव्वगा वाणमंतरा देवा य देवीओ य तेहिं साभाविएहिं उत्तरवेउव्विएहि य वरकमलपतिढाणेहिं सुरभिवरवारिपडिपुन्नेहिं चंदणकयचच्चाएहिं आविद्धकंठगुणेहिं पउमुप्पलपिधाणेहिं सुकुमालकरतलपरिग्गहिएहिं अट्ठसहस्सेणं सोवण्णियाणं कलसाणं रूप्पामयाणं मणिमयाणं जाव अट्ठसहस्सेणं भोमेज्जाणं कलसाणं सव्वोदएहिं सव्वमट्टियाहिं सव्वतुवरेहिं सव्वपुप्फेहिं सव्वगंधेहिं सव्वमल्लेहिं सव्वोसहिसिद्धत्थएहिं य सव्वढिए सव्वजुतीए सव्वबलेणं सव्वसमुदएणं सव्वायरेणं सव्वविभूतीए सव्वविभूसाए सव्वसंभमेणं सव्वपुप्फगंधमल्लालंकारेणं सव्वदिव्वतुडियसद्दसण्णिणाएणं महया इड्ढीए महया जुतीए महया बलेणं महया समदएणं महया वरतुरियजमगसमगपरड्प्पवादितरवेणं संख-पणव-गडह-भेरि-झल्लरिखरमुहि-हुडुक्क-मुरव-मुइंग-दुंदुहि-निग्घोसनादितरवेणं महया-महया इंदाभि-सेगेणं अभिसिंचंति तए णं तस्स विजयस्स देवस्स महया-महया इंदाभिसेगंसि वट्टमाणंसि अप्पेगतिया देवा विजयं रायहाणिं नच्चोदगं नातिमट्टियं पविरलफुसियं रयरेणविणासणं दिव्वं सुरभिं गंदोदगवासं वासंति अप्पेगतिया देवा विजयं रायहाणि निहतरयं नहरयं भट्ठरय पसंतरयं उवसंतरयं करेंति अप्पेगतिया देवा विजयं रायहाणि सभिंतरबाहिरियं आसियसम्मज्जितोवलित्तं सित्तसुइसम्मट्ठ-रत्यंतरावणवीहियं करेंति अप्पेगतिया देवा विजयं रायहाणिं मंचातिमंचकलितं करेति अप्पेगतिया देवा विजयं रायहाणिं नानाविहरागोसियझयपडागतिपडागमंडितं करेंति अप्पेगतिया देवा विजयं रायहाणिं लाउल्लोइय-महियं गोसीस-सरसरत्तचंदणददरदिण्णपंचंगलितलं करेंति अप्पेगतिया देवा विजयं रायहाणि उवचियवंदणकलसं वंदणघडसकयतोरणपडिदुवारदेसभागं करेंति अप्पेगतिया देवा विजयं रायहाणिं आसत्तोसत्तविपुलवट्टवग्घारितमल्लदामकलावं करेंति अप्पेगइया देवा विजयं रायहाणिं उवचियवंदणकलसं वंदणघडसुकयतोरणपडिदुवारदेसभागं करेंति अप्पेगतिया देवा विजयं रायहाणिं आसत्तोसत्तविपुलवट्टवग्घारितमल्लदामकलावं करेंति अप्पेगइया देवा विजयं रायहाणि पंचवण्णसरससुरभिमुक्कपुप्फपुंजोवयारकलितं करेंति अप्पेगइया देवा विजयं रायहाणिं कालागरु-पवरकुंदुरुक्क-तुरुक्क-धूवडज्झंत-मघमतगंधुद्धयाभिरामं सुगंधवरगंधगधियं गंधवट्टिभूयं करेंति अप्पेगइया देवा हिरणवासं वासंति अप्पेगइया देवा सुवण्णवासं वासंति अप्पेगइया देवा एवं रयणवासं पुप्फवासं मल्लवासं गंधवासं चुण्णवासं वत्थवासं आभरणवासं अप्पेगइया देवा हिरणविधिं भाएंति एवंसुवण्णविधिं जाव आभरणविधिं अप्पेगतिया देवा दुतं नट्टविधिं उवदंसेंति अप्पेगतिया देवा विलंबितं नट्टविहिं उवदंसेंति अप्पेगतिया देवा दुतविलंबितं नाम नट्टविधिं उवदंसेंति अप्पेगतिया देवा अंचियं नट्टविधिं उवदंसेंति अप्पेगतिया देवा रिभितं नट्टविधिं उवदंसेंति अप्पेगतिया देवा अंचितरिभिंतं नट्टविधिं उवदंसेंति अप्पेगतिया देवा आरभडं नट्टविधिं उवदंसेंते अप्पेगतिया देवा भसोलं नट्टविधिं उवदंसेंति अप्पेगतिया देवा आरभडभसोलं नट्टविधिं उवदंसेंति अप्पेगतिया देवा उप्पायनिवायपसत्तं संकुचिय-पसारियं रियारियं भंत-संभंतं नाम नट्टविधिं उवदंसेंति अप्पेगतिया देवा चउव्विधं वाइयं वादेति तं जहा- ततं विततं धणं झुसिरं अप्पेगतिया देवा चउव्विधं गेयं गायति तं जहा- उक्खित्तं पवत्तं मंदायं रोइयावसाणं अप्पेगतिया देवा चउव्विधं अभिनयं अभिनयंति तं जहा- दिद्वंतियं पाडिसुयं सामन्नतोविणिवातियं लोगमज्झावसाणियं अप्पेगतिया देवा पीणंति अप्पेगतिया देवा तंडवेंति अप्पेगतिया पडिवत्ति-३
दीपरत्नसागर संशोधितः]
[72]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |