Page Text
________________
तेणेव उवागच्छंति उवागच्छित्ता पुक्खरोदगं गेण्हति गेण्हित्ता जेणेव समयखेत्ते जेणेव भरहेरवयाई वासाइं जेणेव मागधवरदामपभासाइं तित्थाई तेणेव उवागच्चंति उवागच्छित्ता तित्थोदगं गिण्हति गिण्हित्ता तित्थमट्टियं गेण्हंति गेण्हित्ता जेणेव गंगा-सिंधु-रत्ता-रत्तवतीओमहानदीओ तेणेव उवागच्छंति उवागच्छित्ता सरितोदगं गेण्हंति गेण्हित्ता उभयतडमट्टियं गेण्हंति गेण्हित्त जेणेव चुल्लहिमवंतसिहरिवासधरपव्वता तेणेव उवागच्छंति उवागच्छित्ता सव्वतुवरे सव्वपुप्फे सव्वगंधे सव्वमल्ले सव्वोसहिसिद्धत्थए य गिण्हंति गिण्हित्ता जेणेव पउमद्दह-पंडरीयद्दहा तेणेव उवागच्छंति उवागच्छित्ता दहोदगं गेण्हंति गेण्हित्ता जाइं तत्थ उप्पलाइं जाव सहस्सपत्ताई ताइं गेण्हंति गेण्हित्ता जेणेव हेमवयहेरण्णवयाइं वासाइं जेणेव रोहियरोहितंस-सुवण्णकूलरुप्पकूलाओ महानदीओ तेणेव उवागच्छंति उवागच्छित्ता सलिलोदगं गेहंति गेण्हित्ता उभयतडमट्टियं गेण्हंति गणेहित्ता जेणेव सद्दावाति-वियडावातिवट्टवेतड्ढपव्वत्ता तेणेव उवागच्छंति उवागच्छित्ता सव्वतुवरे जावसव्वोसहिसिद्धत्थए य गेण्हंति गेण्हित्ता जेणेव महाहिमवंत-रुप्पिवासधरपव्वता तेणेव उवागच्छति उवागच्छित्ता जाव जेणेव महापउमद्दहमहापुंडरीयद्दहहा तेणेव उवागच्छंति उवागच्छित्ता दहोदगं गेण्हंति गेण्हित्ता जाइं तत्थ उप्पलाइं जेणेव हरिवास-रम्मगवासाइं जेणेव हरि-हरिकंत-नरकंत-नारिकताओ महानदीओ तेणेव उइवागच्छंति उवागच्छित्ता सलिलोदगं गेहति गेण्हित्ता उभयतडमट्टियं गेण्हति गेण्हित्ता जेणेव गंधावाति-मालवंतपरियागावटवेयडढपव्वया तेणेव उवागच्छति उवागिच्छत्ता जेणेव निसह-नीलवंत-वासहरपव्वता तेणेव उवागच्छति उवागच्छित्ता जेणेव तिगिच्छिदह-केसरिदहा तेणेव उवागच्छंति उवागच्छित्ता दहोदगं गेण्हति गेण्हित्ता जाइं तत्थ उप्पलाइं जाव सहस्सपत्ताइं ताइं गेण्हति गेण्हित्ता जेणेव पुव्वविदेहावरविदेहवासाइं जेणेव सीया-सीओयाओ महानईओ तेणेव उवागच्छंति उवागच्छित्ता सलिलोदगं गेण्हंति गेण्हित्ता उभयतडमट्टियं गेण्हंति गेण्हित्ता जेणेव सव्वचक्कवट्टिविजया जेणेव सव्वमागहवरदामपभासाइं तित्थाई जेणेव सव्ववक्खारपव्वता तेणेव उवागच्छंति उवागच्छित्ता सव्वत्वरे जाव सव्वोसहिसिद्धत्थए य गेहंति गेण्हित्ता जेणेव सव्वंतरनदीओ तेणेव उवागच्छंति उवागच्छित्ता सलिलोदगं गेण्हंति गेण्हित्ता [उभयतडमट्टियं गेण्हति गेण्हित्ता] जेणेव मंदरे पव्वते जेणेव भद्दसालवणे तेणेव उवागच्छंति उवागच्छित्ता सव्वतुवरे जाव सव्वोसहि-सिद्धत्थए य गिण्हंति गिण्हित्ता जेणेव नंदणवणे तेणेव उवागच्छंति उवागच्छित्ता सव्वतुवरे जाव सव्वोसहिसिद्धत्तए य सरसं च गोसीसचंदणं गिण्हति गिण्हित्ता जेणेव सोमनसवणे तेणेव उवागच्छंति उवागच्छित्ता सव्वतुवरे जाव सव्वोसहिसिद्धत्थए य सरसं व गोसीसचंदणं दिव्वं च समुणदामं गेण्हति गेण्हित्ता जेणेव पंडगवने तेणेव उवागच्छंति उवागच्छितता सव्वतुवरे जाव सव्वोसहिसिद्धत्थए यसरसं च गोसीसचंदणं दिव्वं च समुणदामं ददरमलयसुगंधिए गंधे गेण्हंति गेण्हित्ता एगतो मिलंति मिलित्ता जंबुद्दीवस्स पुरथिमिल्लेणं दारेणं निग्गच्छंति निग्गच्छित्ता ताए उक्किट्ठाए जाव देवगतीए तिरियमसंखेज्जाणदीवसमुद्दाणं मज्झंमज्झेणं वीईवयमाणा-वीईवयमाणा जेणेव विजया रायहाणी तेणेव उवागच्छंति उवागच्छित्ता विजयं रायहाणिं अनुप्पयाहिणं करेमाणा-करेमाणा जेणेव अभिसेयसभा जेणेव विजए देवे तेणेव उवागच्छंति उवागच्छित्ता करतलपरिग्गहियं सिरसावत्तं मत्थए अंजलिं कट्ट जएणं विजएणं वद्धावेंति विद्धावेत्ता विजयस्स देवस्स तं पडिवत्ति-३
महत्थं महगअधं महरिहं विपुलं अभिसेयं उवद्वति ।
दीपरत्नसागर संशोधितः]
[71]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |