Page Text
________________
विजयस्स देवस्स सामाणियपरिसोववण्णगा देवा विजयस्स देवस्स इमं एतारूवं अज्झत्थियं चिंतियं पत्थियं मणोगयं संकप्पं समुप्पण्णं समभिजाणित्ता जेणेव विजए देवे तेणेव उवागच्छंति उवागच्छित्ता विजयं देवं करयलपरिग्गहियं सिरसावत्तं मत्थए अंजलिं कट्ट जएणं विजएणं वद्धावेंति वद्धावेत्ता एवं वयासी एवं खलु देवाणुप्पियाणं विजये रायहाणीए सिद्धायतणंसि अट्ठसतं जिनपडिमाणं जिणुस्सेहमाणमेत्ताणं संनिक्खित्तं चिट्ठति सभाए सुधम्माए माणवए चेतियखंभे वइरामएसु गोलवट्टसमुग्गएस बहूओ जिन-सकहाओ सन्निक्खित्ताओ चिट्ठति जाओ णं देवाणुप्पियाणं अण्णेसिं च बहूणं विजयरायहाणिवत्थव्वाणं देवाण य देवीण अच्चणिज्जाओ वंदमिज्जाओ जाव चेतियं पज्जवासणिज्जाओ एतण्णं देवाणप्पियाणं पव्विं करणिज्जं एतण्णं देवाणप्पियाणं पच्छा करणिज्जं एतण्णं देवाणुप्पियाणं पुट्विं सेयं एतण्णं देवाणुप्पियाणं पच्छा सेयं एतण्णं देवाणुप्पियाणं पुट्विंपि पच्छावि जाव आणुगामियत्ताए भविस्सति तए णं से विजए देवे तेसिं सामाणियपरिसोववण्णगाणंदेवाणं अंतिए एयमढे सोच्चा निसम्म हट्टतुट्ठ-जाव हियए देवसयणिज्जाओ अब्भुढेइ अब्भुढेत्ता देवदूसं परिहेइ परिहेत्ता देवसयणिज्जाओ पच्चोरुहड़ पच्चोरुहित्ता उववायसभाओ परत्थिमेणं दारेणं निग्गच्छड़ निग्गचअछित्ता जेणेव हरए तेणेव उवागच्छति हरयं अनुपदाहिणं करेमाणे-करेमाणे पुरत्थिमेणं तोरणेणं अनुप्पविसति अनुप्पविसित्ता पुरथिमिल्लेणं तिसोवाणपडिरूवएणं पच्चोरुहति पच्चोरुहित्ता हरयं ओगाहति ओगाहित्ता जलमज्जणं करेति करेत्ता जलकिड्डं करेति करेत्ता आयंते चोक्खे परमसूइभूते हरयाओ पच्चुत्तरति पच्चुत्तरित्ता जेणामेव अभिसेयसभा तेणामेव उवागच्छति उवागच्छित्ता अभिसेयसभं पदाहिणं करेमाणे पुरथिमिल्ले णं दारेणं अनुपविसति अनुपविसित्ता जेणेव सीहासणे तेणेव उवागच्छति उवगाच्छित्ता सीहासणवरगते पुरत्थाभिमुहे सण्णिसण्णे ।
तए णं तस्स विजयस्स देवस्स सामाणियपरिसोववण्णगा देवा अभिओगिए देवे सद्दावेंति सद्दावेत्ता एवं वयासी-खिप्पामेव भो देवाणुप्पिया विजयस्स देवस्स महत्थं महग्धं महरिहं विपुलं इंदाभिसेयं उवद्ववेह तए णं ते आभिओगिया देवा सामाणियपरिसोववण्णेहिं देवेहिं एवं वुत्था समाणा हद्वतुट्ठ जाव हियया करतलपरिग्गहियं सिरसावत्तं मत्थए अंजलिं कट्ट एवं देवा तहत्ति आणाए विणएणं वयणं पडिसुणंति पडिसुणित्ता उत्तरपुरत्थिमं दिसीभागं अवक्कमंति अवक्कमित्ता वेउव्विसमुग्धाएणं समोहण्णंति समोहणित्ता संखेज्जाइं जोयणाई दंड निसिरंति तं जहा- रयणाणं जाव रिट्ठाणं अहाबायरे पोग्गले परिसाइंति परिसाडित्ता अहासुहमे पोग्गले परियायंति परियाइत्ता दोच्चंपि वेउव्वियसमुग्धाएणं समोहण्णंति समोहणित्ता अट्ठसहस्सं सोवणियाणं कलसाणं अट्ठसहस्सं रुप्पामयाणं कलसाणं अट्ठसहस्सं मणिमयाणं अट्ठसहस्सं सुवण्णरुप्पामयाणं अट्ठसहस्सं सुवण्णमणिमयाणं अट्ठसहस्सं रुप्पामणिमयाणं अट्ठसहस्सं सुवण्णरुप्पामणिमयाणं अट्ठसहस्सं भोमेज्जाणं अट्ठसहस्सं भिंगाराणं एवं-गाणं पुप्फ-चंगेरीणं जाव लोमहत्थगचंगेरीणं पुप्फपडलगाणं जाव लोमहत्थगपडलगाणं सीहासणाणं छत्ताणं चामराणं तेल्लसमुग्गाणं जाव अंजणसमुग्गाणं झयाणं अट्ठसहस्सं धूवकडुच्छुयाणं विउव्वंति विउव्वित्ता ते साभाविए य विउव्विए य कलसे य जाव धूवकडुच्छुए य गेण्हंति गेण्हित्ता विजयाओ राययहाणीतो पडिपडिवत्ति-३
णिक्खमंति पडिणिक्खमित्ता ताए उक्किट्ठाए जाव दिव्वाए देवगतीए तिरियमसंखेज्जाणं दीवसमुद्दाणं मज्झंमज्झेणं वीईवयमाणा-वीईवयमाणा जेणेव खीरोदे समुद्दे तेणेव उवागच्छंति उवागच्छित्ता खीरोदगं गिण्हंति गिण्हित्ता जाइं तत्थ उप्पलाइं जाव सहस्सपत्ताइं ताइं गिण्हंति गिण्हित्ता जेणेव पुक्खरोदे समुद्दे
दीपरत्नसागर संशोधितः]
[70]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |