Page Text
________________
संनिक्खित्तं चिट्ठति तस्सणं सिद्धायतणस्स उप्पिं बहवे अट्ठट्ठमंगलगा झया छत्ताचिछत्ता उत्तिगारा सोलसविहेहिं रयणेहिं उवसोणिया तंजहा- रयणेहिं जाव रिट्ठेहिं ।
[१७८] तस्स णं सिद्धायतणस्सणं उत्तरपुरत्थिमेणं एत्थ णं महं एगा उववायसभा पन्नत्ता जहा- सुधम्मा तहेव जाव गोमाणसीओ उववायसभाएविदारा मुहमंडलवा उल्लोए भूमिभागे तहेवजाव मणिफासो तस्स णं बहुसमरमणिज्जस्सभूमिभागस्स बहुमज्झदेसभाए एत्थ णं महं एगा मणिपेढया पन्नत्ता-जोयणं आयाम - विक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे देवसयणिज्जे पन्नत्ते तस्स णं देवसयणिज्जस्स वण्णओउववायसभाए णंउप्पिं अट्ठट्ठमंगलगा झया छत्तातिछत्ता तीसे णं उववायसभाएउत्तरपुरत्थिमेणं एत्थणं महं एगे हरए पन्नत्तेसे णं हरए अद्धतेरसजोयणि आयामेणं छ जोयणाई सक्कोसाइं विक्खंभेणं दस जोयणाइं उव्वेहेणं अच्छे सण्हे वण्णओ जहेव नंदाणं पुक्खरिणीणं जाव तोरणवण्णओ तस्स णं हरयस्स उत्तरपुरत्थिमेणं एत्थ णं महं एगा अभिसेयसभा पन्नत्ता जहा- सभासुधम्मा तं चेव निरवसेसं जाव गोमाणसीओ भूमिभाए उल्लोए तहेव तस्स णं बहुसमरमणिज्जस्स भूमिभागस्स बहुमज्झदेसभा एत्थ णं महं एगा मणिपेढिया पन्नत्ता - जोयणं आयाम - विक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे सीहासणे पन्नत्ते सीहासणवण्णओ अपरिवारो तत्थ णं विजयस्स देवस्स सुबहू अबिसेकभंडे संनिक्खित्ते चिट्ठति अभिसेयसभा उप अट्ठट्ठमंगलगा झया छत्तातिछत्ता तीसे णं अभिसेयसभाए उत्तरपुरत्थिमेणं एत्थ णं महं गा अलंकारियसभा पन्नत्ता अभिसेयसभा वत्तव्वया जाव सीहासणं अपरिवारं तत्थ णं विजयस्स देवस्स सुबहू अलंकारिए भंडे संनिक्खित्ते चिट्ठति अलंकारियसभाए उप्पिं अट्ठट्ठमंगलगा झया छत्ताइछत्ता तीसे णं अलंकारियसभाए उत्तरपुरत्थिमेणं एत्थ णं महं एगा ववसायसभा पन्नत्ता अभिसेयसभा वत्तव्वयाजाव सीहासणंअपरिवारं तत्थ णं विजयस्स देवस्स महं एगे पोत्थयरयणे सनिक्खित्ते चिट्ठति तस्स णं पोत्थयरयणस्स-अयमेयारूवे वण्णावासे पन्नत्तेतं जहा- रिट्ठमईओ कंबियाओ तवणिज्जमए दोरे नाणामणिमए गंठी अंकमयाई पत्ताइं वेरुलियमए लिप्पासणे तवणिज्जमई संकला रिट्ठामए छादणे रिटअठामई मसी वइरामई लेहणी रिट्ठामयाई अक्खराइं धम्मिए लेक्खे ववसायसभाए णं उप्पिं अट्ठट्ठमंगलगाझया छत्तातिछत्ता तीसे णं ववसायसभाए उत्तरपुरत्थिमेणं महं एगे बलिपीढे पन्नत्ते दो जोयणिं आयामविक्खंभेणं जोयणं बाहल्लेणं सव्वरयणामए अच्छे जाव पडिरूवे तस्स णं बलिपीढस्स उत्तरपुरत्थिमेणं एत्थ णं महं एगा नंदापुक्खरिणी पन्नत्ता जं चेव माणं हरयस्स तं चेव सव्वं ।
[१७९] तेणं कालेणं तेणं समएणं विजए देवे विजयाए रायहाणीए उववातसभाए देवसयणिज्जंसि देवदूसंतरिते अंगुलस्स असंखेज्जतिभागमेत्तीए ओगाहणाए विजयदेवत्ताए उववणे णं से विजए देवे अहुणोववण्णमेत्तए चेव समाणे पंचविहाए पज्जत्तीए पज्जत्तिभावं गच्छति तं जहा
आहार
पडिवत्ति-३
पज्जत्तीए सरीरपज्जत्तीए इंदियपज्जत्तीए आणापाणुपज्जत्तीए भासमणपज्जत्तीए तए णं तस्स विजयस्स देवस्सपंचविहाए पज्जत्तीए पज्जत्ति भावं गयस्स समाणस्स इमेयारूवे अज्झत्थिए जाव समुप्पज्जित्था-किं मे पुव्वि करणिज्जं किं मे पच्छा करणिज्जं किं मे पुव्विं सेयं किं मे पच्छा सेयं किं मे पुव्विंपि पच्छावि हिताए सुहाए खमाए निस्सेयसाए आणुगामियत्ताए भविस्सति तए णं तस्स [दीपरत्नसागर संशोधितः ]
[69]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |