Page Text
________________
फलिहरयणपामोक्खा पहरणरयणा संनिक्खित्ता चिट्ठति-उज्जला सुणिसाय सुतिक्खधारा पासाईया दरिसणिज्जा अभिरूवा पडिरूवा तीसे णं सभाए सुहम्माए उप्पिं बहवे अट्ठमंगलगा झया छत्तातिछत्ता ।
[१७७] सभाए णं सुधम्माए उत्तरपुरत्थिमेणं एत्थ णं महं एगे सिद्धायतणे पन्नत्ते-अद्धतेरस जोयणाई आयामेणं छ जोयणाई सकोसाइं विक्खंभेणं नव जोयणाई उड्ढं उच्चत्तेणं जाव गोमाणसिया वत्तव्वया जा चेव सहाए सुहम्माए वत्तव्वया सा चेव निरवसेसा भाणियव्वा तहेव दारा मुहमंडवा पेच्छाघरमंडवा झया थूभा चेइयरुक्खा महिंदज्झया नंदाओ पुक्खरिणीओ सुधम्मासरिसप्पमाणं मणगुलिया दामा गोमाणसी धूवघडियाओ तहेव भूमिभागे उल्लोए य जाव मणिफासो तस्स णं सिद्धायतणस्स बहुमज्झदेसभाए एत्थ णं महं एगामणिपेढिया प्नत्ता-दो जोयणाई आयामविक्खंभेणं जोयणं बाहल्लेमं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे देवच्छंदए पन्नत्ते-दो जोयणाइंआयाम-विक्खंभेणं साइरेगाइं दो जोयणाई उड्ढं उच्चत्तेणं सव्वरयणामए अच्छे जाव पडिरूवे तत्थ णंदेवच्छंदए अट्ठसतं जिनपडिमाणं जिणुस्सेहप्पमाणमेत्ताणं संनिखित्तं चिट्ठइ तासि णं जिनपडिमाणं अयमेयारूवे वण्णावासे पन्नत्ते तं जहा- तवणिज्जमया हत्थतल-पायतला अंकामयाइं नक्खाई अंतोलोहियक्खप-रिसेयाई कणगामया पादा कणगामया गोप्फा कणगामईओ जंधाओ कणगामया जाणू कणगामया ऊरू कणगामईओ गायलट्ठीओ तवणिज्जमईओ नाभीओ रिट्ठामईओ रोमराईओ तवणिज्जमया चूचुया तवणिज्जमया सिरिवच्छा कणगमईओ वाहाओ कणगमईओ पासाओ कणगमईओ गीवाओ रिट्ठामए मंसू सिलप्पवालमया ओट्ठा फालियामया दंता तवणिज्जमईओ जीहाओ तवणिज्जमया तालुया कणगमईओ नासियाओ अंतोलोहितक्खपरिसेयाओ अंकमयाणि अच्छीणि अंतोलोहि-तक्खपरिसेयाइं रिट्ठामईओ ताराओ रिट्ठमयाइं अच्छिपत्ताइं रिट्ठामईओ भमुहाओ कणगामयाकवोला कणगामया सवणा कणगामयनिडालपट्टियाओ वइरामईओ सीसघडीओ तवणिज्जमईओ केसंतकेसभूमीओ रिट्टामया उवरिमुद्धजा
तासि णं जिनपडिमाणं पिट्ठओ पत्तेयं-पत्तेयं छत्तधार-पडिमाओ पन्नत्ताओताओ णं छत्तधारपडिमाओ हिमरययकुंदेंदुप्पगासाइं सकोरेंटमल्लदामधवलाइं आतपताइं सलीलं धारेमाणीओधारेमाणीओ चिति तासि पंजिणपडिमाणं उभओ पासिं दो-दो चामरधारपडिमाओ पन्नत्ताओ तो णं चामरधारपडिमाओ चंदप्पह-वइर-वेरुलिय-नाणामणिरयणखचितचित्तदंडाओ सुहमरयतदीहवालाओ संखंककुंद-दगरय-अमतमथितफेणजसण्णिकासाओ धवलाओ चामराओ गहाय सलील वीजेमाणीओ चिट्ठति तासि णं जिनपडिमाणं पुरओ दो-दो नागपडिमाओदो-दो जक्खपडिमाओ दो-दो भूतपडिमाओ दो-दो कुंडधारपडिमाओ विणयओणयाओ पायवडियाओ पंजलीउडाओ संनिक्खित्ताओ चिटुंति-सव्वरयणामईओ अच्छाओ जाव पडिरूवाओ तत्थ णं देवच्छंदए जिनपडिमाणं पुरओ अट्ठसतं घंटाणं अट्ठसतं वंदनकल-साणं असतं भिगारगाणं एवंआयंसगाणं थालाणं पातीणं सुपतिढकाणं मणगुलियाणं वातकरगाणं पडिवत्ति-३
चित्ताणं रयणकरंडगाणं हयकंठगाणं गयकंठगाणं नरकंठगाणं किन्नरकंठगा
ढगाणं महोरगकंठगाणं गंधव्वकंठगाणं उसभकंठगाणं पुप्फचंगेरीणं एवं मल्ल-चुण्ण-गंध-वत्थाभरणचंगेरीणं सिद्धत्थचंगेरीणं लोमहत्थचंगेरीणं पुप्फपडलगाणं जाव लोमहत्थपडलगाणं सीहासणाणं छत्ताणं चामरामं तेल्लसमुग्गाणं कोहसमुग्गाणं पत्तसमुग्गाणं चोयसमुग्गाणं तगरसमुग्गाणं एलासमुग्गाणं हरियालसमुग्गाणं हिंगुलयसमुग्गाणं मणोसिलासमुग्गाणं अंजणसमुग्गाणं अट्ठसयं झयाणं अट्ठसयं] धूवकडुच्छुयाणं [दीपरत्नसागर संशोधितः]
[68]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |