Page Text
________________
गोमाणसीसाहस्सीओ पन्नत्ताओ तं जहा- पुरत्थिमेणं दो साहस्सीओ एवं पच्चत्थिमेणवि दाहिणेणं सहस्सं एवं उत्तरेणवि तासु णं गोमाणसीसु बहवे सुवण्णरुप्पमया फलगा पन्नत्ता जाव तेसु णं वइरामएसु नागदंतएसु बहवे रययामया सिक्कया पन्नत्ता तेसु णं रययामएसु सिक्कएसु बहवे वेरुलियामईओ धूवघडियाओ पन्नत्ताओ ताओ णं धूवघडियाओ कालागरु-पवरकुंदरुक्क-तुरुक्कधूवमघमघेतगंधुद्धयाभिरामाओ जाव घाणमणनिव्वुइकरेणं गंधेणं ते पएसे सव्वतो समंता आपूरेमाणीओआपूरेमाणीओ सिरीए अतीव-अतीव उवसोभेमाणीओ-उवसोभेमाणीओ चिट्ठति सभाए णं सुधम्माए अंतो बहुसमरणिज्जे भूमिभागे पन्नत्ते जाव मणीणं फासो उल्लोए पउमल-याभत्तिचित्ते जाव सव्वतवणिज्जमए अचअछे जाव पडिरूवे ।
[१७६] तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगा मणिपेढिया पन्नत्ता सा णं मणिपेढिया दो जोयणाई आयाम-विक्खंभेणं जोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे माणवए नाम चेइयखंभे पन्नत्तेअद्धदमाई जोयणाई उडढं उच्चत्तेणं अद्धकोसं उव्वेहेणं अद्धकोसं विक्खंभेणं छकोडीए छलंसे छविग्गहिते वइरामयवट्टलट्ठसंठिय-सुसिलिट्ठपरिघट्टमहसुपतिद्विते एवं जहा- हिंदज्झयस्स वण्णणो जाव पडिरूवे तस्स णं माणवकस्स चेतियखंभस्स उवरिं छक्कोसे ओगाहित्ता हेढावि छक्कोसे वज्जेत्ता मज्झे अद्धपंचमेसु जोयणेसु एत्थ णं बहवे सुवण्णरुप्पमया फलगा पन्नत्ता तेसु णं सुवण्णरुप्पमएसु फलएसु बहवे वइरामया नागदंता पन्नत्ता तेसु णं वइरामएसु नागदंतएसु बहवे रययामया सिक्कगा पन्नत्ता तेसु णं रययामयसिक्कएसु बहवे वइरामया गोलवदृसमुग्गका पन्नत्ता तेसु णं वइरामएसु गोलवट्टसमुग्गएसु बयाओ जिण-सकहाओ संनिक्खित्ताओ चिट्ठति जाओ णं विजयस्स देवस्स अण्णेसिं च बहूणं वाणमंतराणं देवाण य देवीणं य अच्चणिज्जाओ वंदणिज्जाओ जाव पज्जुवासणिज्जाओ माणवगस्स णं चेतियखंभस्स उवरिं अट्ठमंगलगा झया छत्तातिछत्ता तस्स णं माणव-कस्स चेतियखंभस्स पुरत्थिमेणं एत्थ णं महं एगा मणिपेढिया पन्नत्ता सा णं मणिपेढिया जोयणं आयाम-विक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं महं एगे सीहासणे पन्नत्ते सपरिवारे तस्स णं माणवगस्स चेतियखंभस्स पच्चत्थिमेणं एत्थ णं महं एगा मणिपेढिया पन्नत्ता-जोयणं आयाम-विक्भंभेणं अद्धजोयणं बाहल्लेमं सव्वमणिमई अच्छा जाव पडिरूवा तीसे णं मणिपेढिया उप्पिं एत्थ णं महं एगे देवसयणिज्जे पन्नत्ते तस्स णं देवसयणिज्जस्स अयमेयारूवे वण्णावासे पन्नत्ते तं जहा- नाणामणिमया पडिपादा सोवण्णिया पादा नाणामणिमया पायसीसा जंबूनयमयाइं गत्ताई वइरामया संधी नानामणिमए वेच्चे रययामई तूली लोहियक्खमया बिब्बोयणा तवणिज्जमई गंडोवहाणिया से णं देवसयणिज्जे सालिंगणवट्टिए उभओ बिब्बोयणे दुहओ उण्णए मज्भे नयगंभीर गंगापुलिणवालुयाउद्धालसालिसए ओयवियखोमदुगुल्लपट्ट-पडिच्छयणे आइणगरुत-बूर-नवणीयतूलफासे सुविरइयरयत्ताणे पडिवत्ति -३
रत्तंसुयसंवुते सुरम्मे पासाईए दरिसणिज्जे अभिरूवे पडिरूवे तस्स णं देवसयणिज्जस्स उत्तरपुरत्थिमेणं एत्थ णं महं एगा मणिपेढिया नप्नत्ता-जोयणमेगं आयाम-विक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उप्पिं एत्थ णं खुड्डए महिंदज्झए पन्नत्ते पमाणं वण्णओ जो महिंदज्झयस्स तस्स णं खुड्डमहिंदज्झयस्स पच्चत्थिमेणं एत्थ णं विजयस्स देवस्स महं एगे चोप्पाले नाम पहरणकोसे पन्नत्ते-सव्ववइरामए अच्छे जाव पडिरूवे तत्थ णं विजयस्स देवस्स बहवे
[दीपरत्नसागर संशोधितः]
[67]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |