Page Text
________________
तासि णं मणिपेढियाणं उप्पिं पत्तेयं-पत्तेयं चत्तारि जिनपडिमाओ जिणस्सेहपमाणमेत्ताओ पलियंकणिसण्णाओ थूभाभिमुहीओ चिट्ठति तं जहा- उसभा वद्धमाणा चंदाणणा वारिसेणा तेसि णं चेइयथूभाणं पुरओ पत्तेयं-पत्तेयं मणिपेढियाओ दो-दो जोयणाइं आयाम-विक्खंभेणं जोयणं बाहल्लेणं सव्वमणिमईओ अच्छाओ जाव पडिरूवाओ तासि णं मणिपेढियाणं उप्पिं पत्तेयं-पत्तेयं चेइयरुक्खे पन्नत्ते ते णं चेइयरुक्खा अट्ठजोयणाई उड्ढं उच्चत्तेणं अद्धजोयणं उव्वेहेणं दो जोयणाई खंधी अद्धजोयणं विक्खंभेणं छजोयणाई विडिमा बहुमज्झदेसभाए अट्ठजोयणाई आयाम-विक्खंभेणं साइरेगाइं अट्ठजोयणाई सव्वग्गेणं पन्नत्ता तेसि णं चेइयरुक्खाणं अयमेतारूवे वण्णावासे पन्नत्ते तं जहा- वइरामयमलरययसुपतिहि-तयिडिमा रिट्ठामयकंद-वेरुलियरुइल-खंधा सुजात-वरजातरूवपढमगविसाल-साला नानामणिरयणविविध-साहप्पसाह-वेरुलियपत्त-तवणिज्जपत्त-वेंटा
जंबूनयरत्तमउयसुकुमालपवालपल्लववरंकुरधरा विचित्तमणिरयण-सुरभिकुसुमफलभरण-मियसाला सच्छाया सप्पभा सस्सिरीया सउज्जोया अधियं नयनमननिव्वुतिकरा अयमरसमरसफला पासादीया दरिसणिज्जा अभिरूवा पडिरूवा ते णं चेइयरुक्खा अण्णेहिं बहुहिं तिलय-लवय-छत्तोवग सिरीस-सत्तिवण्ण-दहिवण्ण-लोद्ध-धवचंदण-अज्जुण-नीव-कुडय-कयंव-पणस-ताल-तमाल-पियाल-पियंग-पारावय-रायरुक्ख-नंदिरुक्खेहिं सव्वओ समंता संपरिक्खित्ता ते णं तिलया जाव नंदिरुक्खा कस-विकस-विसद्धरुक्खमला मूलमंतो कंदमंतो जाव सुरम्मा ते णं तिलया जाव नंदिरुक्खा अण्णाहि बहूहि पउमलयाहिं जाव सामलयाहिं सव्वतो समंता संपरिक्खित्ता ताओ णं पउमलयाओ जाव सामलयाओ निच्चं कुसुमियाओ जाव पडिरूवाओ तेसि णं चेइयरुक्खाणं उप्पिं अट्ठमंगलगा झया छत्तातिछता तेसि णं चेइयरुक्खाणं पुरओ पत्तेयं-पत्तेयं मणिपेढिया पन्नत्ता ताओ णं मणिपेढियाओ जोयणं आयाम-विक्खंभेणं अद्धयजोयणं बाहल्लेणं सव्वमणिमईओ अच्छाओ जाव पडिरूवाओ ।
तासि णं मणिपेढियाणं उप्पिं पत्तेयं-पत्तेयं महिदज्झए पन्नत्ते ते णं महिंदज्झया अद्धट्ठमाई जोयणाई उड्ढं उच्चत्तेणं अद्धकोसं उव्वेहेणं अद्धकोसं विक्खंभेणं वइरामया-वट्टलट्ठसंठियसुसिलिट्ठपरि-घट्ठमट्ठसुपतिहिता विसिट्ठा अणेगवर-पंचवण्णकुडभीसहस्स-परिमंडियाभिरामा वा उधुयविजयवेजयं-तीपडाग-छत्तातिछत्तकलिया तुंगा गगणतल-मणुलिहंतसिहरा पासादीया दरिसणिज्जा अभिरूवा पडिरूवा तेसि णं महिंदज्झयाणं उप्पिं अट्ठमंगलगा झया छत्तातिछत्ता तेसि णं महिंदज्झयाणं पुरओ पत्तेयं-पत्तेयं नंदा पुक्खरिणी पन्नत्ता ताओ णं पुक्खरिणीओ अद्धतेरस-जोयणाई आयामेणं छ जोयणाइं सक्कोसाइं विक्खंभेणं दस जोयणाई उव्वेहेणं अच्छाओ सण्हाओ पुक्खरिणीवण्णओ पत्तेयं-पत्तेयं पउमवरवेइया-परिक्खित्ताओ पत्तेयं-पत्तेयं वणसंडपरिक्खित्ताओ वण्णओ तासि णं नंदाणं पुक्खरिणीणं तिदिसिं तिसोवाणपपडिवत्ति-३
डिरूवगा पन्नत्ता तेसि णं तिसोवाण-पडिरूवगाणं वण्णओ तोरणा भाणियव्वा जाव छत्तातिच्छत्ता सभाए णं सुहम्माए छ मणोगुलियासाहस्सीओ पन्नत्ता तं जहा- पुरत्थिमेणं दो साहस्सीओ पच्चत्थिमेणं दो साहस्सीओ दाहिणेणं एगा साहस्सी उत्तरेणं एगा साहस्सी तासु णं मणोगुलियासु बहवे सुवण्णरुप्पमया फलगा पन्नत्ता तेसु णं सुवण्णरुप्पामएसु फलगेसु बहवे वइरामया नागदंतगा पन्नत्ता तेसु णं वइरामएसु नागदंतएस बहवे किण्हसुत्तबद्धा वग्घारितमल्लदामकलावा जाव सुक्किलसुत्तबद्धा वग्धारितमल्लदामकलावा ते णं दामा तवणिज्जलंबूसगा जाव चिट्ठति सभाए णं सुहम्माए छ
दीपरत्नसागर संशोधितः]
[66]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |