Page Text
________________
आयाम-विक्खंभेणं अब्भुग्गतमूसियपहसिया विव भूमिभागा उल्लोया भद्दासणाइं उवरिं मंगलगा झया छत्तातिछत्ता ते णं पासायवडेंसगा अण्णेहिं चउहिं तदद्धच्चत्तप्पमाणमेत्तेहिं पसायवडेंसएहिं सव्वतो समंता संपरिक्खित्ता ते णं पासायवडेंसगा देसूणाइं चत्तारि जोयणाई उड्ढं उच्चत्तेणं देसूणाई दो जोयणाई आयाम-विक्खंभेणं अब्भुग्गयमूसियपहसिया विव भूमिभागा उल्लोया पउमासणाई उवरिं मंगलगा झया छत्ताइच्छत्ता |
[१७५] तस्स णं मूलपासायवडेंसगस्स उत्तरपुरत्थिमेणं एत्थ णं विजयस्स देवस्स सभा सुधम्मा पन्नत्ता-अद्धत्तेरसजोयणाई आयामेणं छ सक्कोसाइं जोयणाइं विक्खंभेणं नव जोयणाई उड्ढं उच्चत्तेणं अणेगखंभसतसंनिविट्ठा अब्भुग्गयसुकयवइरवेदियातोरण-वररइयसालभंजियासुसिलिट्ठ-विसिट्ठ-लट्ठसंठिय-पसत्थवेरुलियविमलखंभा नाणामणि-कणगरयणखइय-उज्जलबहु-समसुविभत्तभूमिभागा ईहा-मियउसभ-तुरग-जाव सुहफासा सस्सिरीयरूवा कंचणमणिरयण-थूभियागा नाणाविहपंचवण्णघंटापडागपरिमंडितग्गसिहरा धवला मिरीइकवचं विणिम्मयंती लाउल्लोइयमहिया गोसीससरसरत्तचंदणदद्दरदिन्नपंचं. गुलितला उवचियवंदण-कलसा वंदणघडसुकय-तोरण-पडिदुवारदेसभागा आसत्तोसत्तविउलवट्टवग्धारियमल्लदामकलावा पंचवण्मसरससुरभिमुक्कपुप्फपुंजोवयारकलिता कालागरु-पवरकुंदुरुक्क-तुरुक्कधूवमघमघेतगंधुदुयभिरामा सुगंधवरगंधगंधिया गंधवट्टिभूया अच्छरगणसंघसंविकिण्णा दिव्वतुडियसद्दसपणाइया अच्छा जाव पडिरूवा ।
तीसे णं सोहम्माए सभाए तिदिसिं तओ दारा पन्नत्ता तं जहा- पुरत्थिमेणं दाहिणेणं उत्तरेणं ते णं दारा पत्तेयं-पत्तेयं दो-दो जोयणाडं उडढं उच्चत्तेणं एग जोयणं विक्खंभेणं तावडयं चेव पवेसेणं सेया वरकणगथूभियागा दारवण्णओ जाव वणामालाओ तेसि णं दारणं पुरओ पत्तेयं-पत्तेयं मुहमंडवे पन्नत्ते ते णं महमंडवा अद्धतेरसजोयणाई आयामेणं छजोयणाई सक्कोसाइं विक्खंभेणं साइरेगाई दो जोयणाइं उड्ढं उच्चत्तेणं अणेगखंभसयसंनिविट्ठा जाव उल्लोया भूमिभागवण्णओ तेसि णं मुहुमंडवाणं उवरिं पत्तेयं-पत्तेयं अट्ठमंगलगा झया छत्ताइछत्ता तेसि णं मुहमंडवाणं पुरओ पत्तेयं-पत्तेयं पेच्छाघरमंडवे पन्नत्ते ते णं पेच्छाघरमंडवा अद्धतेरसजोयणाई आयामेणं जाव दो जोयणाई उड्ढं उच्चत्तेणं जाव मणीणं फासो तेसि णं बहुमज्झेदसभाए पत्तेयं-पत्तेयं वइरामए अक्खाडगे पन्नत्ते तेसि णं वइरामयाणं अक्खडगाणं बहुमज्झदेसभाए पत्तेयं-पत्तेयं वइरामए पन्नत्ता ताओ णं मणिपेढियाओ जोयणमेगं आयाम-विक्खंभेणं अद्धजोयणं बाहल्लेणं सव्वमणिमईओ अच्छाओ जाव पडिरूवाओ तासि णं मणिपेढियाणं
उप्पिं पत्तेयं-पत्तेयं
सीहासणे
पन्नत्ते पडिवत्ति-३
सीहासणवण्णओ सपरिवारो तेसि णं पेच्छाघरमंडवाणं उप्पिं अट्ठमंगलगा झया छत्तातिछत्ता तेसि णं पेच्छाघरमंडवाणं पुरओ पत्तेयं-पत्तेयं मणिपेढिया पन्नत्ता ताओ णं मणिपेढियाओ दो-दो जोयणाई आयाम-विक्खंभेणं जोयणं बाहल्लेमं सव्वमणिमईओ अच्छाओ जाव पडिरूवाओ तासि णं मणिपेढियाणं उप्पिं पत्तेयं-पत्तेयं चेइयथूभे पन्नत्ते ते णं चेइयथूभा दो जोयणाई आयाम-विक्कंभेणं सातिरेगाइं दो जोयणाई उड्ढं उच्चत्तेणं सेया संखंक-कुंद-दगरय-अमयमहियफेणपुंजसण्णिकासा सव्वरयणामया अच्छा जाव पडिरूवा तेसि णं चेइयथभाणं उप्पिं अट्ठमंगलगा बहकिण्हचामरझया छत्तातिछत्ता तेसि णं चेइयथूभाणं पत्तेयं-पत्तेयं चउद्दिसिं चत्तारिमणिपेढियाओ पन्नत्ताओ ताओ णं मणिपेढियाओ जोयणं आयम-विक्खंभेणं अद्धजोयणं बाहल्लेणं सव्वमणिमईओ अच्छाओ जाव पडिरूवाओ ।
[दीपरत्नसागर संशोधितः]
[65]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |