Page Text
________________
विक्खंभेणं अब्भुगतमूसिय-पहसिया विव तहेव जाव अंतो बहसमरमणिज्जा भूमिभागा पन्नत्ता उल्लोया पउमलयाभत्तिचित्ता भाणियव्वा तेसि णं पासायवडेंसगाणं बहुमज्झदेसभाए पत्तेयं-पत्तेयं सीहासणा पन्नत्ता वण्णावासो सपरिवारा तेसि णं पासायवडेंसगाणं उप्पिं बहवे अट्ठमंगलगा झया छत्तातिच्छत्ता तत्थ णं चत्तारि देवा महिड्ढीया जाव पलिओवमद्वितीया परिवसंति तं जहा- असोए सत्तिवण्णे चंपए चूते ते णं तत्थ साणं-साणं वणसंडाणं साणं-साणं पासायवडेंसयाणं साणं-साणं सामाणियामं साणं-साणं अग्गमहिसीणं साणं-साणं परिसाणं साणं-साणं आयरक्खदेवाणं आहेवच्चं जाव विहरति विजयाए णं रायहाणीए अंतो बहसमरमणिज्जे भूमिभागे पन्नत्ते जाव पंचवण्णेहिं मणीहिं उवसोभिए तणसद्दविहूणे जाव देवा य देवीओ य आसयंति जाव विहरंति तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगे महं उवगारियालयणे पन्नत्ते-बारस जोयणसयाई आयाम-विक्खंभेणं तिण्णि जोयणसहस्साइं सत्त य पंचाणउत्ते जोयणसते किंचि विसेसाहिए परिक्खेवेणं अद्धकोसं बाहल्लेणं सव्वजंबणयामए अच्छे जाव पडिरूवे से णं एगाए पउमवरवेइयाए एगेणं य वणसंडेणं सव्वतो समंता संपरिक्खित्ते पउमवरवेइयाए वण्णओ वणसंडवण्णओ जाव विहरंति से णं वणसंडे देसूणाई दो जोयणाई चक्कवालविक्खंभेणं उवगारियालयणसमे परिक्खेवेणं ।
तस्स णं उवगारियलयणस्स चउद्दिसिं चत्तारि तिसोवाणपडिरूवगा पन्त्ता वण्णओ तेसि णं तिसोवाणपडिरूवगामं पुरतो पत्तेयं-पत्तेयं तोरणा पन्नत्ता वण्णओ तस्स णं उवगारियलयणस्स उप्पिं बहसमरमणिज्जे भूमिभागे पन्नत्ते जाव मणीणं फासो तस्स णं बहसमरमणिज्जस्स भूमिभागस्स बहमज्झदेसभाए एत्थ णं महं एगे मलपासायवडेंसए पन्नत्ते से णं मल पासायवडेंसए बावहिं जोय-णाई अद्धजोयणं च उड्ढे उच्चत्तेणं एक्कतीसं जोयणाई कोसं च आयाम-विक्खंभेणं अब्भुग्गयमूसियप्पहसिते तहेव तस्स णं मूल पासायवडेंसगस्स अंतो बहसमरमणिज्जे भूमिभागे पन्नत्ते जाव मणिफासे उल्लोए तस्स णं बहुसमरमणिज्जस्स भूमिभागस्स बहुमज्झदेसभागे एत्थ णं महं एगा मणिपेढिया पन्नत्ता सा च एगं जोयणमायामविक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा तीसे णं मणिपेढियाए उवरिं महं एगे सीहासणे पन्नत्ते एवं सीहासणवण्णओ सपरिवारो तस्स णं पासायवडेंसगस्स उप्पिं बहवे अट्ठमंगलगा झया छत्तातिछत्ता से णं मूल पासायवडेंसए अण्णेहिं चउहिं तद्धच्चत्तप्पमाणमेत्तेहिं पासायवडेंसएहिं सव्वतो समंता संपरिक्खित्ते तेणं पासायवडेंसगा एक्कतीसं जोयणाई कोसं च उडढं पडिवत्ति-३
उच्चत्तेणं अद्धसोलसजोयणाई अद्धकोसं च आयाम-विक्खंभेणं अब्भुगतमूसियपहसिया विव तहेव तेसि णं पासायवडेंसयाणं अंतो बहसमरमणिज्जा भूमिभागा उल्लोया तेसि णं बहसमरमणिज्जाणं भूमिभागाणं बहुमज्झदेसभाए पत्तेयं-पत्तेयं सीहासणं पन्नत्तं वण्णओ तेसिं परिवारभूता भद्दासणा पन्नत्ता तेसि णं अट्ठमंगलगा झया छत्तातिछत्ता ते णं पासायवडेंसगा अण्णेहिं चउहिं तदछुच्चत्तप्पमाणमेत्तेहिं पासायवडेंसएहिं सव्वतो समंता संपरिक्खित्ता ते णं पासायवडेंसगा अद्धसोलसजोयणाइं अद्धकोसं च उड्ढं उच्चत्तेणं देसूणाई अट्ठ जोयणाई आयाम-विक्खंभेणं अब्भुग्गयमूसियपहसिया विव तहेव तेसि णं पासायवडेंसगाणं अंतो बहसमरमणिज्जा भूमिभागा उल्लोया तेसि णं बहसमरमणिज्जाणं भूमिभागाणं बहुमज्झदेसभाए पत्तेयं-पत्तेयं पउमासणा पन्नत्ता तेसि णं पासायवडेंसगाणं अट्ठमंगलगा झया छत्तातिच्छत्ता ते णं पासायवडेंसगा अण्णेहिं चउहिं तदछुच्चत्तप्पमाणमेत्तेहिं पासायव.सएहिं सव्वतो समंता संप-रिक्खित्ता ते णं पासायवडेंसगा देसूणाई अट्ठ जोयणाई उड्ढं उच्चत्तेणं देसूणाई चत्तारि जोयणाई [दीपरत्नसागर संशोधितः]
[१४-जीवाजीवाभिगम]
[64]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |