Page Text
________________
उवसोभिए तं जहा- किण्हेहिं जाव सुक्किलेहिं ते णं कविसीलका अद्धको आयामेणं पंचधणुसताई विक्खंभेणं देसोणमद्धकोसं उड्ढं उच्चतेणं सव्वमणिमया अच्छा जाव पडिरूवा विजयाए णं रायहाणीए एगमेगाए बाहाए पणुवीसं पणुवसं दारसतं भवतीति मक्खायं ते णं दारा बावट्ठि जोयणाइं अद्धजोयणं च उड्ढं उच्चत्तेणं एक्कतीसं जोयणाइं कोसं च विक्खंभेणं तावतियं चेव पवेसेणं सेता वरकणगथूभियागा वण्णओ जाव वणमालाओ ईहामिय तहेव जहा - विजए दारे जाव तवणिज्जवालुगपत्थडा सुहफासा सस्सिरीया सरूवा पासादीया तेसि णं दाराणं उभयो पासिं दुहओ निसीहियाए दो-दो चंदणकलसपरिवाडीओ पन्नत्ताओ तहेव भाणियव्वं जाव वणमालाओ तेसि णं दाराणं उभओ पासिं दुओ निसीहियाए दो-दो पगंठगा पन्नत्ता ते णं पगंठगा एक्कतीसं जोयणाई कोसं च आयाम - विक्खंभेणं पन्नरस जोयणाई अड्ढाइज्जे य कोसे बाहल्लेणं पन्नत्ता सव्ववइरामया अच्छा जाव पडिरूवा तेसि णं पगंठाणं उप्पिं पत्तेयं-पत्तेयं पासायवडेंसगा पन्नत्ता ते णं पासायवडेंसगा एक्कतीसं जोयणाई कोसं च उड्ढं उच्चत्तेणं पन्नरस जोयणाइं अड्ढाइज्जे य कोसे आयाम - विक्खंभेणं अब्भुग्गयमूसितपहसिया विव वण्णओ उल्लोगा सीहासणाइं जाव मुत्तादामा सेसं इमाए गाहाए अनुगंतव्वं ।
[तोरण मंगलया सालभंजिया नागदंतरासु दामाई
संघाडं पंति वीधी मिधुण लता सोथिया चेव वंदणकलसा भिंगारगा य आदंसगा य थाला पातीओ य सुपतिट्ठा मणोगुलिया वातकरगा य चित्ता रयणकरंडा हयग नरकंठका य चंगेरी पडला सीहासण छत्त चामरा उवरि भोमा य]
एवामेव सुपव्वावरेणं विजयाए रायहाणीए एगमेगे दारे असीतं असीतं केउसहस्सं भवतीति मक्खायं तेसि णं दाराणं पुरओ सत्तरस भोमा पन्नत्ता तेसि णं भोमाणं भूमिभागा उल्लोया य भाणियव्वा तेसि णं भोमाणं बहुमज्झदेसभाए जेते नवमनवमा भोमा तेसि णं भोमाणं बहुमज्झदेसभाए पत्तेयं-पत्तेयं मद्दासणा पन्नत्ता तेसि णं दाराणं उवरिमागारा सोलसविधेहिं रयणेहिं उवसोभिया तं चेव जाव छत्ताइछत्ता एवामेव पुव्वावरेण विजयाए रायहाणीए पंच दारसता भवंतीति मक्खाया ।
पडिवत्ति-३
[१७४] विजयाए णं रायहाणीए चउद्दिसिं पंच-पंच जोयणसताइं अबाहाए एत्थ णं चत्तारि वणसंडा पन्नत्ता तं जहा- असोगवणे - सत्तिवण्णवणे चंपगवणे चूतवणे |
[पुव्वेणं असोगवणं दाहिणतो होइ सत्तिवण्णवणं अवरेणं चंपगवणं चूयवणं उत्तरे
पासे
ते णं वणसंडा साइरेगाई दुवालस जोयणसहस्साइं आयामेणंपंच जोयणसयाइं विक्खंभेणं पन्नत्ता-पत्तेयं-पत्तेयं पागारपरिक्खित्ता किण्हा किण्होभासा वणसंडवण्णओ भाणियव्वो जाव बहवे वाणमंतरा देवा य देवीओ य आसयंति सयंति चिट्ठति निसीदंति तुयट्टंति रमंति ललंति कीलति मोहंत पुरापोराणाणं सुचिण्णाणं सुपरक्कंताणं सुभाणं कम्माणं कडाणं कल्लाणाणं कल्लाणं फलवित्तिविसेस पच्चणुभवमाणा विहरंति तेसि णं वणसंडाणं बहुमज्झदेसभाए पत्तेयं - पत्तेयं पासायवडेंसगा पन्नत्ता ते णं पासायवडेंसगा बावट्ठि जोयणाइं अद्धजोयणं च उड्ढं उच्चत्तेणं एक्कतीसं जोयणाई कोसं च आयाम[दीपरत्नसागर संशोधितः ] [१४- जीवाजीवाभिगमं ]
[63]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |