Page Text
________________
नव भोमा पन्नत्ता तेसि णं भोमाणं अंतो बहुसमरमणिज्जा भूमिभागा पन्नत्ता जाव मणीणं फासो तेसि णं भोमाणं अंतो बहसमरमणिज्जा भूमिभागा पन्नत्ता जाव मणीणं फासो तेसि णं भोमाणं उप्पिं उल्लोया पउमलयाभत्तिचित्ता जाव सामलया भत्तिचित्ता सव्वतवणिज्जमया अच्छा जाव पडिरूवा तेसि णं भोमाणं बहुमज्झदेसभाए जेसे पंचमे भोमे तस्स णं भोमस्स बहुमज्झदेसभाए एत्थ णं महं एगे सीहासणे पन्नत्ते सीहासणवण्णओ विजयदूसे अंकुसे जाव दामा चिट्ठति तस्स णं सीहासणस्स अवरुत्तरेणं उत्तरेणं उत्तरपुरत्थिमेणं एत्थ णं विजयस्स देवस्स चउण्हं सामाणियसहस्साणं चत्तारि भद्दासणसाहस्सीओ पन्नत्ताओ तस्स णं सीहासणस्स दाहिणेणं एत्थ णं विजयस्स देवस्स मज्झिमियाए परिसाए दसण्हं देवसाहस्सीणं दस भद्दासणसाहस्सीओ पन्नत्ताओ तस्स णं सीहासणस्स दाहिणपच्चत्थिमेणं एत्थ णं विजयस्स देवस्स बाहिरियाए परिसाए बारसण्हं देवसाहस्सीणं बारस भद्दासणसाहस्सीओ पन्नत्ताओ तस्स णं सीहासणस्स पच्चत्थिमेणं एत्थ णं विजयस्स देवस्स सत्तण्हं अणियाहिवतीणं सत्त भद्दासणा पन्नत्ता तस्स णं सीहासणस्स पुरत्थिमेणं दाहिणेणं पच्चत्थिमेणं उत्तरेणं एत्थ णं विजयस्स देवस्स सोलस आयरक्ख-देवसाहस्सीणं सोलस भद्दासणसाहस्सीओ पन्नत्ताओ तं जहा- परत्थिमेणं चत्तारि साहस्सीओ एवं चउसुवि जाव उत्तरेणं चत्तारि साहस्सीओ अवसेसेस भोमेसु पत्तेयं-पत्तेयं सीहासणे पन्नत्ते भद्दासणा पन्नत्ता |
[१७१] विजयस्स णं दारस्स उवरिमागारे सोलसविहेहिं रतणेहिं उवसोभिते तं जहा- रयणेहिं विरेहिं वेरुलिएहिं जाव रिटेहिं विजयस्स णं दारस्स उप्पिं अट्ठमंगलगा पन्नत्ता तं जहा- सोत्थिय सिरिवच्छ जाव दप्पणा सव्वरयणामया अच्छा जाव पडिरूवा विजयस्स णं दारस्स उप्पिं बहवे कण्हचामरज्झया जाव सव्वरयणामया अच्छा जाव पडिरूवा विजयस्स णं दारस्स उप्पिं बहवे छत्तातिच्छत्ता |
[१७२] से केणटेणं भंते एवं वच्चति-विजए णं दारे विजए णं दारे गोयमा विजए णं दारे विजए नाम देवे महिड्ढीए महज्जुतीए जाव महाणुभावे पलिओवमट्टितीए परिवसति से णं तत्थ चउण्हं सामाणियसाहस्सीणं चउण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाहिवईणं सोलसण्हं आयरक्खदेवसाहस्सीणं विजयस्स णं दारस्स विजयाए रायहाणीए अण्णेसिं च बहूणं विजयाए रायहाणीए वत्थव्वगाणं देवाणं देवीण य आहेवच्चं जाव दिव्वाइं भोगभोगाइं भुंजमाणे पडिवत्ति-३
विहरइ से तेणटेणं गोयमा एवं वुच्चति-विजए दारे-विजए दारे अदुत्तरं च णं गोयमा विजयस्स णं दारस्स सासए नामधेज्जे पन्नत्ते-जं नं कयाइ नासि नं कयाइ नत्थि न कयाइ न भविस्सइ जाव अवढिए निच्चे विजए दारे ।
[१७३] कहि णं भंते विजयस्स देवस्स विजया नाम रायहाणी पन्नत्ता गोयमा विजयस्स णं दारस्स पुरत्थिमेणं तिरियमसंखेज्जे दीवसमुद्दे वीतिवतित्ता अण्णंमि जंबुद्दीवे दीवे बारस जोयणसहस्साई ओगाहित्ता एत्थ णं विजयस्स देवस्स विजया नाम रायहाणी पन्नत्ता-बारस जोयणसहस्साई आयामविक्कंभेणं सत्ततीसं जोयणसहस्साइं नव य अडयाले जोयणसए किंचिविसेसाहिया परिक्खेवेणं पन्नत्ता सा णं एगेणं पागारेणं सव्वतो समंता संपरिक्खित्ता से णं पागारे सत्तसीसं जोयणाई अद्धजोयणं च उडढं उच्चत्तेणं मले अद्धतेरसस जोयणाई विक्खंभेणं मज्झे सक्कोसाई छ जोयणाई विक्खंभेणं उप्पिं तिण्णि सद्धकोसाइं जोयणाई विक्खंभेणं मूले विच्छिण्णे मज्झे संखित्ते उप्पिं तणुए बाहिं वट्टे अंतो चउरंसे गोपुच्छसंठाणसंठिते सव्वकणगामए अच्छे जाव पडिरूवे से णं पागारे नानाविहपंचवण्णेहिं कविसीसएहिं [दीपरत्नसागर संशोधितः]
[62]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |