Page Text
________________
दो पउमलयाओ जाव पडिरूवाओ तेसि णं तोरणाणं पुरतो-दो-दो दिसासोवत्थिया पन्नत्ता सव्वरयणामया अच्छा जाव पडिरूवा तेसि णं तोरणाणं पुरतो दो-दो वंदनकलसा पन्नत्ता वण्णओ तेसि णं तोरणाणं पुरतो दो-दो भिंगारगा पन्नत्ता वरकमलपइट्ठाणा जाव महता-महता मत्तगयमहामनुहागितिसमाणा पन्नत्ता समणाउसो तेसि णं तोरणाणं पुरतो दो-दो आयंसगा पन्नत्ता तेसि णं आयंसगाणं अयमेयारूवे वण्णावासे पन्नत्ते तं जहा- तवणिज्जमया पयंठगा वेरुलियमया छरुहा वइरामया वरंगा नानामणिमया वलक्खा अंकमया मंडला अणोग्धसियनिम्मलाए छायाए समणुबद्धा चंडमंडलपडिणिकासा महता-महता अद्धकायसमाणा पन्नत्ता समणाउसो तेसि णं तोरणाणं पुरतो दो-दो वइरणाभा थाला पन्नत्ता ते णं थाला अच्छ-तिच्छाडय-सालितंदुल-नहसंदट्ठ-पडिपुन्ना इव चिट्ठति सव्वजंबूनदमया अच्छाजाव पडिरूवा महतामहता रहचक्कसमाणा पन्नत्ता समणाउसो तेसि णं तोरणाणं पुरतो दो-दो पातीओ पन्नत्ताओ ताओ णं पातीओ अच्छोदय-पडिहत्थाओ नानाविहस्स फलहरितगस्स बहुपडिपुन्नाओ विव चिट्ठति सव्वरयणामईओ अच्छाओ जाव पडिरूवाओ महया-महया गोकलिंगजगचक्कसमाणाओ पन्नत्ताओ समणाउसो |
तेसि णं तोरणाणं पुरतो दो-दो सुपतिहगा पन्नत्ता ते णं सुपितिहगा सुसव्वोसहि-पडिपुन्ना नाणाविहस्स य पसाधणभंडस्स बहुपडिपुन्ना इव चिट्ठति सव्व रयणामया अच्छा जाव पडिरूवा तेसि णं तोरणाणं पुरतो दो-दो मणोगुलियाओ पन्नत्ताओ तओ णं मणोगुलियाओ सव्ववेरुलियामईओ अच्छाओ जाव पडिरूवाओ तासु णं मणोगुलियासु बहवे सुवण्णरुप्पामया फलगा पन्नत्ता तेसु णं सुवण्णरुप्पामहएसु फलएसु बहवे वइरामया नागदंतगा पन्नत्ता तेसु णं वइरामएसु नागदंतएसु बहवे रययामया सिक्कया पन्नत्ता तेसु णं रययामएसु सिक्कएसु बहवे वायकरगा पन्नत्ता ते णं वायकरगा किण्हसुत्तसिक्कग-गवच्छिया जाव सुक्किलसुत्तसिक्कग-गलच्छिया सव्ववेरुलियामया अच्छा जाव पडिरूवा तेसि णं तोरणाणं पुरओ दो-दो चित्ता रयणकरंडगा पन्नत्ता से जहनामए रण्णो चाउरंतचक्कवट्टिस्स चित्ते रयणकरंडए वेरुलियमणि-फालियपडल-पच्चोयडे साए पभाए ते पदेसे सव्वतो समंता ओभासइ उज्जोवेइ तावेई पभासेइ एवामेव तेविचित्ता रयणकरंडगा साए पभाए ते पदेसे सव्वतो समंता ओभासेंति
उज्जोवेंति पडिवत्ति -३
तावंति पभासेंति तेसि णं तोरणाणं पुरतो दो-दो हयकंठा गयकंठा जाव उसभकंठा पन्नत्ता सव्वरयणामया अच्छा जाव पडिरूवा तेसि णं तोरणाणं पुरतो दो-दो सीहासणाइं पन्नत्ताइं तेसि णं सीहासणाणं वण्णओ जाव दामा तेसि णं तोरणाणं पुरतो दो-दो रुप्पच्छदा छत्ता पन्नत्ता ते णं छता वेरुलियविमलदंडा जंबूणयकण्णिका वइरसंधी मत्ताजालपरिगता अट्ठसहस्सवरकंचणसालागा वद्दरमलयसुगंधी सव्वोउसुरभिसीयलच्छाया मंगलभत्तिचित्ता चंदा-गारोवमा तेसि णं तोरणाणं पुरतो दो-दो चामराओ पन्नत्ताओ ताओ णं चामराओ चंदप्पभ-वइर-वेरुलियनानामणिरयणखचियचित्तदंडाओ सुहुमरयतदीहवालाओ संखंककुंददग-रय-अमयमहि-यफेणपुंजसण्णिकासाओ सव्वरयणामयाओ अच्छाओ जाव पडिरूवाओ तेसि णं तोरणाणं पुरतो दो-दो तेल्लसमुग्गा कोट्ठसमुग्गा पत्तसमुग्गा चोयसमुग्गा तगरसमुग्गा एलासमुग्गा हरियालसमुग्गा हिंगुलयसमुग्गा मणोसिलासमुग्गा अंजणसमुग्गा सव्वरयणामया अच्छा जाव पडिरूवा |
[१७०] विजये णं दारे अट्ठसतं चक्कज्झयाणं एवं मिगज्झयाणं गरुडज्झयाणं ऋच्छज्झयाणं छत्तज्झयाणं पिच्छज्झयाणं सउणिज्झयाणं सीहज्झयाणं उसभज्झयाणं अट्ठसतं सेयाणं च उविसाणाणं नागवरकेऊणं एवामेव सुपव्वावरेणं विजयदारे असीयं केउसहस्सं भवतित्ति मक्खायं विजये णं दारे
[दीपरत्नसागर संशोधितः]
[61]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |